ဖြတ်သန်းခဲ့ဖူးတဲ့ ပညာတန်ဖိုး တိုက်ပွဲ


ပညာတန်ဖိုးအတွက် တိုက်ပွဲဝင်ရတဲ့ ပုံသဏ္ဍာန် အမျိုးမျိုး ကိုယ်စီမှာ ရှိကြ ပါလိမ့်မယ်။ ဇော်ထက် ပြောပြမှာကတော့ ဗမာပြည်ရဲ့ Top Ten စာရင်းဝင် ကုမ္ပဏီကြီးတခုမှာ လုပ်ခဲ့တုန်းက ဇော်ထက်ကိုယ်တိုင် ကြုံခဲ့ရတဲ့ဖြစ်စဉ်ကိုပါ။

အဲဒီကုမ္ပဏီမှာ ဆောက်လုပ်ရေးလုပ်ငန်း၊ ပဲဆီ ထုတ်လုပ်ဖြန့်ဖြူးတဲ့လုပ်ငန်း၊ စားသောက်ဆိုင် လုပ်ငန်း၊ ရေသန့်စက်ရုံနဲ့ ဖြန့်ဖြူးရောင်းချတဲ့ လုပ်ငန်း၊ တိရိစ္ဆာန်အစာစက်ရုံနဲ့ ဖြန့်ဖြူးရောင်းချတဲ့ လုပ်ငန်း၊ Cold Store အအေးခန်းစက်ရုံ လုပ်ငန်း၊ စားသောက်ဆိုင် လုပ်ငန်း၊ ပြည်ပသွင်းကုန်ထုတ်ကုန် လုပ်ငန်း စတဲ့ လုပ်ငန်းခွဲတွေ အများကြီးရှိပါတယ်။ လုပ်ငန်းခွဲတိုင်းမှာလည်း ဒါရိုက်တာအဖွဲ့ သီးသန့်စီရှိပြီး ကုမ္ပဏီမှာ ရှယ်ယာဝင်ထားတဲ့ ဗိုလ်ကြီး ဟောင်း ဗိုလ်မှူးဟောင်းတွေက အဲဒီဒါရိုက်တာအဖွဲ့တွေကို ဦးဆောင်ပါတယ်။ လုပ်ငန်းခွဲတွေက ဒါရိုက်တာတစ်ယောက်စီပါဝင်တဲ့ ကုမ္ပဏီဦး ဆောင် ဒါရိုက်တာအဖွဲ့ရှိပြီး၊ မန်နေဂျင်း ဒါရိုက်တာအဖြစ် လုပ်ငန်းအားလုံးအတွက် ရှယ်ရာအများဆုံးထည့်ထားတဲ့ တရုပ်လူမျိုးတစ်ယောက် က တာဝန်ယူတာဖြစ်ပါတယ်။

ဇော်ထက်လုပ်ခဲ့တဲ့ ဆောက်လုပ်ရေးလုပ်ငန်းခွဲမှာ အင်ဂျင်နီယာ အယောက်တစ်ရာဝန်းကျင်ရှိပြီး၊ အင်စပက်တာ (inspector) ရာထူးနဲ့ အင်ဂျင်နီ ယာအကူတွေလည်း နှစ်ဆယ်ဝန်းကျင် ရှိပါတယ်။ ဒါရိုက်တာသုံးယောက်ရှိပြီး ဗိုလ်ကြီးဟောင်းတစ်ယောက်က ဦးဆောင်ဒါရိုက်တာ ဖြစ်ပါတယ်။

ပြဿနာက အိုးအိမ်ဦးစီဌာနနဲ့ အကျိုးအမြတ်ခွဲဝေလုပ်ကိုင်တဲ့ အိမ်ယာစီမံကိန်းတွေပြီးစီးပြီး ပရော့ဂျက် အသစ်မရခင်ကာလမှာဖြစ်ပါ တယ်။ အလုပ်တွေ ပြီးစီးသလောက်ဖြစ်နေပြီး အင်ဂျင်နီယာနဲ့ အင်စပက်တာ တစ်ရာကျော်ကို အလုပ်မယ်မယ်ရရမရှိဘဲ လစာပေးထားရမယ့် အခြေအနေဖြစ်နေတာ ကြောင့်၊ ကုမ္ပဏီရဲ့ ဦးဆောင်ဒါရိုက်တာ အဖွဲ့အစည်းအဝေး ပြုလုပ်ရင်း ခေါင်းချင်းရိုက်ကြပါတယ်။

အဲဒီနောက်တော့ ဇော်ဇော်ထက်တို့ အင်ဂျင်နီယာတွေနဲ့ အင်စပက်တာတွေကို ဒါရိုက်တာသုံးယောက်က အစည်းအဝေးပြန်ခေါ်ပြီး၊ ကုမ္ပဏီမှာ ဆောက်လုပ်ရေးလုပ်ငန်းခွဲအနေနဲ့ ဘေးကြပ်နံကြပ် အခြေအနေကိုရောက်နေကြောင်း၊  အိုးအိမ်ဦးစီးဌာနနဲ့ ဆွေးနွေးမှုတွေ မပြတ်သေးတဲ့အတွက် အိမ်ယာစီမံကိန်းအသစ်ရဖို့ ကြန့်ကြာနေဦးမှာဖြစ်ကြောင်း၊ ဒီကြားထဲမှာဆောက်လုပ်ရေးလုပ်ငန်းအနေနဲ့ တနင်္သာရီတိုင်း ဘုတ်ပြင်းမှာရှိတဲ့ ဆီအုန်းစိုက်ပျိုးရေးလုပ်ငန်းခွင်ထဲမှာ လမ်းဖောက်လုပ်ရေးလုပ်တာတခုပဲ ရှိနေမှာဖြစ်ကြောင်း၊ ဒါကြောင့် ဆောက်လုပ်ရေးလုပ်ငန်းခွဲရဲ့ဝန်ထမ်းတွေကို ဘုတ်ပြင်း အပါအဝင် ကုမ္ပဏီရဲ့ တခြားလုပ်ငန်းခွဲတွေမှာ ရာထူးနဲ့လစာ မပြောင်းလဲဘဲ ယာယီပြောင်းရွှေ့ တာဝန်ထမ်းဆောင်စေမှာဖြစ်ကြောင်း၊ ဘယ်သူဘယ်ဌာနကို ပြောင်းရွှေ့ရမယ်ဆိုတာ ကြေငြာသင်ပုန်း (White Board) မှာ စာရွက်ကပ်ထားပေးမှာဖြစ်ကြောင်း၊ ကုမ္ပဏီရဲ့ တာဝန်ပေးချက်အပေါ် မလိုက်နာနိုင်လို့ အလုပ်ထွက်မယ် ဆိုရင်လည်း မိမိတို့ သဘောဆန္ဒအရ ထွက်နိုင်ကြောင်း၊ အလုပ်ထွက်တဲ့သူတွေကို ဘာခံစားခွင့်မှ ပေးမှာမဟုတ်ကြောင်း ပြောဆိုပါတယ်။

ကြေငြာချက်ကပ်တဲ့ အဲဒီညနေဟာ ရုံးခန်းထဲမှာဆူညံနေပါတယ်။ ဘုတ်ပြင်းခွဲတမ်းကျသူတွေနဲ့ တချို့သူတွေရဲ့ ထွက်မယ်ပြုမယ် မကျေမချမ်း အသံတွေနဲ့ပေါ့၊ ဘယ်သူဘယ်ဌာနကိုပြောင်းရွှေ့ရမယ်ဆိုတဲ့ခွဲတမ်းအရ ဇော်ထက်အပါ ၁၇ ယောက်က တောင်ဒဂုံ အအေးခန်းစက်ရုံ(Cold Store) မှာ ပြောင်းရွှေ့တာဝန်ထမ်းဆောင်ဖို့ ဖြစ်လာပါတယ်။ ဇော်ထက်တို့အုပ်စုထဲမှာ ဇော်ထက် တယောက် သာ AE ဖြစ်ပြီး ကျန်သူတွေက SAE တွေ၊ အင်စပက်တာတွေပဲ ဖြစ်တာကြောင့် ရာထူးအားဖြင့်ဇော်ထက်က အကြီးဆုံးဆိုတော့ “ဘယ်လိုလုပ်ကြမလဲ” လို့ ဇော်ထက်ကို တိုင်ပင်လာကြပါတယ်။

အဲဒီစက်ရုံကို အုပ်ချုပ်တဲ့ဒါရိုက်တာက စက်ရုံဆောက်စဉ်က ဇော်ထက်တို့နဲ့ ပြဿနာရှိခဲ့ဖူးပြီး၊ ဇော်ထက်အပါအဝင် အင်ဂျင်နီယာတွေ၊ အင်စပက်တာ တွေကို ရန်ညှိုးထားနေတဲ့ ဗိုလ်ကြီးပြုတ်တယောက် ဖြစ်ပါတယ်။ ဖြစ်ခဲ့ဘူးတဲ့ပြဿနာကလည်း အဲဒီ ဗိုလ်ကြီးပြုတ်ရဲ့ အရူးထမှုကြောင့်ပါပဲ။

အကြောင်းကြောင်းကြောင့်သာ စစ်တပ်ကထွက်လာရတာ၊ စစ်တပ်ရဲ့စရိုက်လက္ခဏာတွေနဲ့ပဲ နေချင်နေသေးတဲ့ အဲဒီ ဗိုလ်ကြီးက ဝန်ထမ်းတွေကို ရာထူးကြီးတဲ့သူနဲ့တွေ့ရင် အလေးပြုတဲ့ ဓလေ့လုပ်ခိုင်းပါတယ်။ ပြီးတော့ မနက်တိုင်း တန်းစီ အလေးပြု သစ္စာအဓိဌာန်ဆိုပြီးမှ အလုပ်ဝင်ကြရပါတယ်။ သစ္စာအဓိဌာန်မှာ “ ကျွန်ုပ်တို့သည် တပ်မတော်သားများပင်မဖြစ်လင့်ကစား တပ်မတော်သားများကဲ့သို့ပင် အမိနိုင်ငံတော်၏ ကျေးဇူးသစ္စာကို စောင့်သိရိုသေပါမည်” လို့် ပါပါတယ်။

သာမန်အလုပ်သမားတွေက သူပြောသလို လိုက်လုပ်ကြပေမဲ့ ဇော်ထက်တို့ အင်ဂျင်နီယာတွေ၊ အင်စပက်တာတွေကတော့ “ပေါတောတောနဲ့ ဘာလို့လုပ်ရမှာလဲ၊ မလုပ်နိုင်ပါဘူး၊ အဲဒါတွေမလုပ်ချင်လို့ စစ်တပ်ထဲမဝင်ဘဲ ပညာတတ်အောင်သင်ပြီး အင်ဂျင်နီယာ လုပ်ခဲ့ကြတာ” ဆိုတော့ သူနဲ့ ပြဿနာ အကြီးအကျယ် ဖြစ်ခဲ့ကြပါတယ်။

ကုမ္ပဏီရဲ့ အကြီးဆုံး MD အထိ ရောက်အောင် ပြဿနာတွေတက်ပြီး MDက “လုပ်ချင်ရင်လည်း ခင်ဗျားဘာသာ စစ်မှုထမ်း ဟောင်းတွေကို လုံခြုံရေးဝန်ထမ်းခန့်ပြီး လုပ်ဗျာ၊ အရပ်သားဝန်ထမ်းတွေကိုတော့ မလုပ်ခိုင်းပါနဲ့” ဆုံးဖြတ်လိုက်တာကြောင့် အင်ဂျင် နီယာတွေ၊ အင်စပက်တာတွေကို ရန်ညှိုးထားနေတဲ့ သူပေါ့။ သူ့ဆီကိုမှ ဇော်ထက်တို့ကို ပို့တယ်ဆိုတော့ ဒါလည်းအလုပ်ဖြုတ်နည်း တမျိုးလား၊ ဘယ်လိုလုပ်ကြမလဲလို့ စဉ်းစားကြတာ သဘာဝပါပဲ ။

“ရာထူးနဲ့လစာမပြောင်းလဲဘဲ ပြောင်းရွှေ့တာဝန်ထမ်းဆောင်ရန်လို့ ပါတာပဲလေ၊ ဘာပူစရာလိုလဲ၊ ဟိုရောက်ရင်လည်း ကိုယ့်ရာထူးနဲ့ဆိုင်တဲ့ အလုပ်တွေ ကိုယ်လုပ်ကြရမှာပဲဟာ။ တောင်ဒဂုံဆိုပေမဲ့ အဲဒီကို ကားကြိုပို့ရှိနေတာပဲ၊ သွားကြည့်လုပ်ကြည့်ပြီး အဆင်မပြေမှ စဉ်းစား ကြတာကောင်းမယ်၊ ဝန်ထမ်းစည်းကမ်းလိုက်နာပြီး ကိုယ့်အလုပ်ကိုယ်လုပ်ကြရင် ဘယ်သူ့မှ ကြောက်နေဖို့မလိုပါဘူး” လို့ ဇော်ထက် အပြောကို အားလုံးက သဘောတူကြတာကြောင့် စာမှာပါတဲ့ ရက်စွဲနဲ့ အချိန်အတိုင်း တောင်ဒဂုံ အအေးခန်းစက်ရုံမှာ သွားသတင်းပို့ကြပါတယ်။

စက်ရုံအဝင်က လ္ဘက်ရည်ဆိုင်မှာ တာဝန်ထမ်းဆောင်ရန် ရောက်ရှိကြောင်း Duty Report တစ်စောင်ရေးပြီး၊ ကိုယ်စီရာထူးတွေနဲ့ လက်မှတ်ထိုးကြ ပါတယ်။ ပြီးတော့ အဲဒီဗိုလ်ကြီး ရုံးခန်းမှာသွားပေးတော့ “နောက်ဆုံးတော့ မင်းတို့ငါ့ခွင်ထဲပဲ ရောက်လာတာပဲမဟုတ်လား၊ တွေ့ကြပီပေါ့ကွာ” ဆိုတဲ့ မျက်နှာပေးမျိုးနဲ့ ကြည့်ပြီး မန်နေဂျာဆိုတဲ့ တယောက်ကို လှမ်းခေါ်လိုက်ပါတယ်။

“ဒီမှာ၊ သူတို့ ၁၇ ယောက်ကို ဝတ်စုံတွေ ထုတ်ပေးလိုက်၊ အဝတ်တွေလဲပြီးရင် Cold Store ထဲ ခေါ်သွား ၊ အဲဒီမှာ သူတို့လုပ်ရမှာတွေ ပြလိုက်၊ သြော်.. သူတို့ အဝတ်လဲနေတုန်း မင်းငါ့ဆီ ခဏလာခဲ့ဦး” လို့ ပြောလိုက်ပါတယ်။

မန်နေဂျာက လက်အိတ်၊ ခေါင်းစွတ်၊ ခြေစွတ်ဖိနပ်၊ မျက်နှာဖုံးမှန် ကာဗာတွေပါတဲ့ အာကာသထဲ ဆင်းတဲ့သူတွေ ဝတ်သလိုဝတ်စုံတွေ ထုတ်ပေးပြီး Cold Store ရဲ့ပထမအဆင့် အခန်းထဲရောက်တော့.. “ဝင်ရမယ့် အခန်းထဲမှာ အမိုးနီးယားဂက်စ် လွှတ်ထားပြီး အပူရှိန် (-22C) နဲ့ အေးခဲနေတာကြောင့် ဒီအခန်းထဲမှာ အရင်တဖြည်းဖြည်း အအေးခံပြီး အထဲနဲ့ အံဝင်ခွင်ကျဖြစ်မှ ဝင်ကြရမဲ့အကြောင်း၊ လက်အိတ်မပါဘဲ အထဲက တနေရာရာကိုကိုင်မိရင် ကပ်သွားပြီး လှီးမထုတ်ဘဲ ပြန်ခွာလို့မရကြောင်း၊ အထဲရောက်ရင် အသေးစိတ်ရှင်းပြမှာဖြစ်ကြောင်းနဲ့ ဗိုလ်ကြီးနဲ့ သွားတွေ့လိုက်ဦးမယ်၊ အဝတ်တွေ လဲထားလိုက်ပါ” လို့ပြောပြီး ပြန်ထွက်သွားပါတယ်။

မန်နေဂျာ ပြန်ရောက်တော့ သူပါအဝတ်အစားလဲပြီး သတ်မှတ်အအေး level ရောက်အောင်နေပြီးချိန်မှာ အအေးခန်းထဲကိုဝင်ကြရပါ တယ်။ အခန်းထဲမှာ ငါးပုဇွန်သေတ္တာတွေ သိုလှောင်ထားတာတွေ့ရပါတယ်။ မန်နေဂျာက “ဒီသေတ္တာတွေက ငါးပုဇွန်လုပ်ငန်းရှင်တွေ က တရက်ကို ဘယ်လောက်ဆိုတဲ့ ဈေးနှုန်းတခုနဲ့ လာအပ်ထားတာတွေပါ။ ကျနော်တို့အလုပ်က ဝင်လာတဲ့ငါးပုဇွန်သေတ္တာတွေကို ကားပေါ်ကချပြီး ဒီထဲမှာ နေရာချရမယ်၊ သူတို့လာယူတဲ့ သေတ္တာတွေကိုလည်း အအေးခန်းထဲကထုတ်ပြီး ကားပေါ်ပြန်တင်ပေးရမယ်၊ ကိုယ့်လူတို့နဲ့ ဖြစ်ပါ့မလား” တဲ့။

“အကို ဆိုလိုတာက ကျနော်တို့ကိုယ်တိုင် ဒီအလုပ်တွေလုပ်ရမယ် ပြောတာလား၊ အလုပ်သမားတွေကရော”လို့ ဇော်ထက်က မေးလိုက်တော့ “ဟုတ်ကဲ့ ၊ အားတော့နာပါတယ်၊ ဗိုလ်ကြီးက အဲဒီလိုပြောရမယ်၊ ခိုင်းရမယ်ပဲ ကျနော့်ကို မှာလိုက်ပါတယ်”တဲ့။

“ဒါဆိုလည်း လိုက်ပြပေးတဲ့ အကို့ကို ကျေးဇူးတင်ပါတယ်။ ကျနော်တို့လည်း ဗိုလ်ကြီးနဲ့ပဲပြောပါတော့မယ်။ ပြန်ထွက် ကြရအောင်” ပြောပြီး ပြန်ထွက်ကြ တော့လည်း အပြင်အပူချိန်ကို ရင်ဆိုင်နိုင်ဖို့ အခန်းတခုထဲမှာ ၁၅မိနစ်ကျော်လောက် နေရပါသေးတယ်။

အဲဒီအခန်းထဲမှာ အအေးဓာတ် တဖြည်းဖြည်းလျှော့ချတာကို စောင့်နေတဲ့အချိန်မှာ ဇော်ထက်တို့အုပ်စု တိုင်ပင်ကြပါတယ်။ အားလုံးက ပညာတတ်တွေ ပီသစွာပဲ ပညာမာနနဲ့ တူညီတဲ့ဆုံးဖြတ်ချက် ချဖြစ်ကြပါတယ်။ ကုမ္ပဏီကပဲ ကိုယ့်ဘာသာ အလုပ်ထွက်ကြရအောင် စီစဉ်သည်ဖြစ်စေ၊ ဒီဗိုလ်ကြီးပြုတ်ကပဲ ပညာပေးသည်ဖြစ်စေ ဒီကုမ္ပဏီမှာ ဆက်မလုပ်ကြတော့ဘူးဆိုတာနဲ့ ဘာကြောင့် မလုပ်ကြတော့ဘူး ဆိုတာကိုလည်း ကျန်တဲ့ ဝန်ထမ်းတွေ သိအောင်လုပ်ကြမယ်ဆိုပြီး တိုင်ပင်ကြပါတယ်။

အပြင်ရောက်တော့ ကိုယ့်အထုတ်အပိုး ကိုယ့်ထမင်းချိုင့်လေးတွေ ကိုယ်ဆွဲပြီး ပြန်ကြဖို့လုပ်တော့ ဗိုလ်ကြီးပြုတ်အပြေးရောက်လာပြီး “ဟေ့..မင်းတို့က ဘာသဘောလဲ၊ ငါ့ဆီမှာရှိတဲ့ အလုပ်ငါခိုင်းတာ၊ မင်းတို့မလုပ်နိုင်လဲ ငါ့ကိုသတင်းပို့လေ၊ မင်းတို့ပြန်ချင်သလိုပြန်လို့ မရဘူး”

“ဘာလို့မရရမှာလဲ၊ ဒီနေရာက ခင်ဗျားလုပ်ခဲ့ဘူးတဲ့ စစ်တပ်ဝန်းလို လူတွေကို ဖမ်းချင်တိုင်းဖမ်း ထင်ရာလုပ်လို့ရတဲ့နေရာ မဟုတ်ဘူး။ ဒါကုမ္ပဏီပိုင်ဝန်း၊ ကျုပ်တို့ကလည်း ကုမ္ပဏီဝန်ထမ်းတွေ၊ ကျုပ်တို့ ဒီမှာလာ အကျဉ်းကျနေကြတာမဟုတ်ဘူး။ ကျုပ်တို့ လုပ်ချင်လုပ်မယ် မလုပ်ချင်မလုပ်ဘူး၊ ပြန်ချင်ပြန်မယ် ခင်ဗျားဘာမှတားပိုင်ခွင့်မရှိဘူး။ အင်ဂျင်နီယာကို အင်ဂျင်နီယာလို မဆက်ဆံတဲ့၊ ပညာတတ်ကို ပညာတတ်လို သဘောမထားတဲ့ ခင်ဗျားနဲ့လည်း ဘာမှဆွေးနွေးပြောဆိုနေစရာ အကြောင်းမရှိဘူး။ ကျုပ်တို့ကို ရုံးချုပ်က လွှတ်လိုက်တာ ၊ ရုံးချုပ်မှာပဲ ပြန်စကားပြောမယ်” ဆိုပြီး ပြန်ခဲ့ကြပါတယ်..။

ကုမ္ပဏီရဲ့ ဆောက်လုပ်ရေးလုပ်ငန်းခွင် ရုံးရှိရာမရောက်ခင် ဇော်ထက်က အလုပ်ထွက်စာတစ်စောင် ရေးပါတယ်။ ဇော်ထက်နေရာမှာ ကိုယ့်နာမည် ကိုယ်ရေးတာကလွဲရင် ကျန်တဲ့ SAEတွေကလည်း အဲဒီထွက်စာအတိုင်း တသွေမတိမ်း ရေးကြပါတယ်။ အင်စပက်တာတွေကလည်း ထပ်တူနီးပါး လိုက်ရေးကြပါတယ်။ ဇော်ထက်ရေးတဲ့စာကတော့…..

သို့…

အုပ်ချုပ်မှုဒါရိုက်တာ

….ကုမ္ပဏီလီမီတက်

ရက်စွဲ..။ ….ခုနှစ် ၊ ဇွန်လ ၊ ၁၈ ရက် ။

အကြောင်းအရာ။            ။ အလုပ်မှနှုတ်ထွက်ခြင်း..။

ဖေါ်ပြပါအကြောင်းအရာနှင့်ပတ်သက်၍ ကျွန်တော် ဇော်ဇော်ထက်(AE)သည် ဒါရိုက်တာဦး……….…..၏ လက်မှတ်ဖြင့် ထုတ်ပြန်သော ၁၆.၆.–နေ့စွဲပါ စာအရ တောင်ဒဂုံ အအေးခန်းစက်ရုံသို့ ရာထူးနှင့်လစာ မပြောင်းလဲဘဲ ပြောင်းရွှေ့တာဝန် ထမ်းဆောင်ရန်ညွှန်ကြားချက်အပေါ် ငြင်းဆန်ခြင်းမရှိခဲ့ပါ ။

ညွှန်ကြားချက်စာအရ ၁၈.၆.–နေ့ထက်နောက်မကျစေဘဲ တာဝန်ကျနေရာသို့ သွားရောက် သတင်းပို့ရမည် ဆိုသည့်အတိုင်းလည်း ယနေ့ ၁၈.၆.–နံနက်ရုံးချိန်တွင် လုပ်ငန်းတာဝန်များ စတင်ထမ်းဆောင်ရန် သွားရောက် သတင်းပို့ခဲ့ပါသည်၊ သို့ရာတွင် ညွှန်ကြားချက်စာတွင်ပါရှိသည့် ‘ရာထူးနှင့်လစာ မပြောင်းလဲဘဲ’ ဆိုသည့်အတိုင်းမဟုတ်ဘဲ၊ အလုပ်ကြမ်း လုပ်သားများသာ လုပ်ရန်ဖြစ်သည့် ငါးပုဇွန်သေတ္တာများ ထမ်းတင်ထမ်းချ လုပ်ငန်းလုပ်ဆောင်ရန်ကိုသာ ခိုင်းစေသည်ကို ခံခဲ့ရပါသည်။ အင်ဂျင်နီယာတစ်ယောက် (ပညာတတ်တယောက်)နှင့် လျော်ညီသော တာဝန်ပေးအပ်မှု၊ နေရာချထားမှုကို မရရှိခဲ့ပါ။ အင်ဂျင်နီယာ တစ်ယောက်အား ငါးပုဇွန်သေတ္တာများ တင်ချလုပ်ခိုင်းသည်မှာ ဗမာပြည်တွင်သာ ရှိမည်ဖြစ်ပြီး ယခုကုမ္ပဏီတွင်သာ ရှိမည်ထင်ပါသည် ။

သို့ဖြစ်ပါ၍ အင်ဂျင်နီယာတစ်ယောက်၏ သိက္ခာနှင့်မာနတရားအတွက် …..ကုမ္ပဏီ၏ အင်ဂျင်နီယာ တစ်ယောက်အဖြစ်မှသော်လည်းကောင်း၊ ဝန်ထမ်းတစ်ယောက်အဖြစ်မှသော်လည်းကောင်း အပြီးအပိုင်နှုတ်ထွက်ကြောင်း အသိပေး အကြောင်းကြားအပ်ပါသည် ။

လေးစားစွာဖြင့်

ဇော်ဇော်ထက်

Asst; Engineer

စာတွေရေးညပြီးကြတော့ ၁၇ ယောက်လုံးရဲ့ အလုပ်ထွက်စာတွေကို မိတ္တူနှစ်စောင်စီ ဆွဲလိုက်ကြပါတယ်။ ရုံးခန်းထဲရောက်တော့ ကြေငြာသင်ပုန်း (white board)မှာ မိတ္တူတစ်စောင်စီကို ကပ်လိုက်သလို၊ မူရင်းတစ်စောင်စီကို Reception နေရာက စာဝင်စာထွက်ဌာနမှာ ပေးပြီး ကိုယ်စီလက်ခံ ထားကြတဲ့ မိတ္တူတစ်စောင်စီရဲ့အပေါ်မှာလည်း စာလက်ခံမဲ့သူကို လက်မှတ် ထိုးခိုင်းလိုက်ပါတယ်။

အစုလိုက် အပြုံလိုက် အလုပ်ထွက်တာမျိုးရိုးလိုက် တခါမှမကြုံဘူးသေးတဲ့ တာဝန်ကျကောင်မလေးတွေက အလုပ်ထွက်စာမိတ္တူပေါ်မှာ လက်ခံရရှိ ကြောင်း လက်မှတ်ထိုးသူက ထိုးသလို၊ ဒါရိုက်တာဗိုလ်ကြီးဆီကို ဖုန်းဆက်တဲ့သူကလည်း ဆက်ပါတယ်။ ဇော်ထက်တို့ ဘယ်လို တုန့်ပြန်လာမယ် ဆိုတာကိုသာ မသိတာ အလုပ်မလုပ်ကြဘဲ ပြန်သွားကြတယ်ဆိုတာတော့ Cold Store က ဗိုလ်ကြီးပြုတ်က ဖုန်းကြိုဆက်ထားနှင့်လို့  ဒီဘက်က ဒါရိုက်တာဗိုလ်ကြီး သိထားပြီး ဖြစ်ပါလိမ့်မယ် ။

ကောင်မလေးတွေက ဖုန်းဆက်ပြီးပြီးချင်းပဲ ဇော်ထက်ကို “ အကိုတို့ကို ဗိုလ်ကြီးက ခနလေးစောင့်ပေးပါ သူဆင်းလာခဲ့မယ်လို့ပြောပါ တယ်” လို့ ပြောနေတုန်းမှာပဲ အပေါ်ထပ်ရုံးခန်းကနေ ဗိုလ်ကြီးဆင်းလာပါတယ်။ ပြီးတော့ ဘာမှမသိထားတဲ့ပုံနဲ့ “ ဟေ့ ကိုဇော်ထက် ၊ ဟိုနေ့ကတော့ ဘာမှပြောစရာ မရှိပါဘူး ၊ ဆက်လုပ်ပါ့မယ်၊ တာဝန်ကိုလက်ခံပါ့မယ်ဆို  ခုမှဘယ်လိုဖြစ်တာလဲ” တဲ့။

“ဟုတ်ကဲ့ ဗိုလ်ကြီး၊ ဟိုနေ့ကတော့ ဟုတ်ပါတယ် ၊ ခုတော့ ကျနော်တို့ ဆက်မလုပ်နိုင်တော့လို့ အလုပ်ထွက်စာလာတင်တာပါ။ အကျိုး အကြောင်းလည်း စာထဲမှာရေးထားပါတယ်” ဆိုတော့

“အေးအေး ခုပဲဖတ်လိုက်ပါ့မယ်၊ ခဏ ထိုင်ကြပါဦး” ဆိုပြီး Reception က ကောင်မလေးတွေဆီက ဇော်ထက်တို့ အလုပ်ထွက်စာတွေကို တောင်းယူပြီး ကောင်မလေးတွေဘေးက ထိုင်ခုံမှာပဲ ဝင်ထိုင်ဖတ်လိုက်ပါတယ် ။

စာဖတ်လိုက် မျက်မှန်ပေါ်ကနေ ဇော်ထက်တို့ကို ကျော်ကြည့်လိုက်လုပ်ရင်း ဗိုလ်ကြီးဟာ စာကို အခေါက်ခေါက် ပြန်ဖတ်နေတဲ့ သဘောရှိပါတယ်။ ပြီးတော့ “ကိုဇော်ထက်တို့ ခဏလေးနော် ခုပြန်ဆင်းလာခဲ့မယ်” ဆိုပြီး ဇော်ထက်တို့ အလုပ်ထွက်စာတွဲကိုကိုင်ပြီး အပေါ်ထပ် ပြန်တက်သွားပါတယ်။ ကြည့်ရတာတော့ ကုမ္ပဏီတခုလုံးရဲ့ Managing Director ဆီကို ဖုန်းဆက်ဖို့ ကျနော်တို့ရှေ့ မပြောချင်လို့ အပေါ်ပြန်တက်သွားတာနဲ့ တူပါတယ်။

ခဏနေတော့ ဇော်ထက်တို့ စုထိုင်နေတဲ့ ဧည့်ခန်းထဲကို ဗိုလ်ကြီးပြန်ဆင်းလာပြီး “အေးကွာ၊ ခုလိုဖြစ်ရတာ ကိုယ်လည်းစိတ်မကောင်းပါဘူး။ ခုပဲ MD ဆီကိုလည်း အသးစိတ် ဖုန်းဆက်ပြီးပါပြီ။ သူကလည်း ခင်ဗျားတို့ကို မထွက်စေချင်ပါဘူး။  ပြန်ညှိနှိုင်းကြဖို့ ညွှန်ကြားလိုက်ပါတယ်။ ဒီလိုလုပ်ပါလား၊ ခင်ဗျားတို့တွေ မထွက်ကြနဲ့။  ဘုတ်ပြင်းက လမ်းဖောက်လုပ်ရေးကို ခဏသွားလုပ်နေလိုက်ကြ။ တစ်လ နှစ်လပဲ။ အိုးအိမ်နဲ့ အိမ်ယာစီမံကိန်းသစ် စာချုပ်ချုပ်ဖို့က အသင့်လိုဖြစ်နေပါပြီ၊ မကြာတော့ပါဘူး။ Project စမယ်ဆိုတာနဲ့ ပြန်ခေါ်မယ်။ ဟိုမှာလည်း စရိတ်ငြိမ်းတာဝန်ယူမှာပဲ။ ဘယ်လိုသဘောရကြလဲ”

“မလုပ်တော့ပါဘူး ဗိုလ်ကြီး၊ ကျနော်တို့သေချာ ဆုံးဖြတ်ပြီးကြပါပြီ”

“ကျန်တဲ့သူတွေကရော ၊ ထွက်စာပြန်ရုတ်သိမ်းချင်တဲ့သူ ရှိမလား”

“မရှိပါဘူး”

“အေးလေ၊ ဒီလိုဆိုတော့လည်း ဘယ်တတ်နိုင်ပါ့မလဲ၊ ငွေစာရင်းကို ၃လခဆီ ထုတ်ပေးဖို့ ပြောလိုက်ပါ့မယ်။ ပြီးတော့ အ်ိမ်ယာစီမံကိန်းအသစ်ရရင် ပြန်ခေါ်လို့ရအောင် ဆက်သွယ်ရမယ့် လိပ်စာနဲ့ ဖုန်းနံပါတ်တွေ သီးသန့်ရေးပြီး ကိုယ့်ရုံးခန်း ပို့ထားပေးပါ။ ကုမ္ပဏီအနေနဲ့ လိုလိုလားလား ပြန်ခေါ်ပါ့မယ်”

“ဟုတ်ကဲ့ဗိုလ်ကြီး၊ ကျေးဇူး တင်ပါတယ်” ။

လစာတွေထုတ်ပြီးတော့ ဇော်ထက်တို့အုပ်စု လ္ဘက်ရည်ဆိုင်မှာနှုတ်ဆက်ပွဲ လုပ်ကြပါတယ်။

“ပရော့ဂျက် အသစ်ရလို့ ဖုန်းဆက်ခေါ်ရင် ပြန်လုပ်မယ့် သူရှိလား” လို့ ဇော်ထက် မေးကြည့်တော့ အားလုံးက

“ငါတို့မှာ အတတ်ပညာတွေ ရှိထားတာပဲ။ အတတ်ပညာရှိရင် လစာပေးမယ့် အလုပ်ရှင်လည်း ရှိမှာပဲ။ ခုလည်း ကိုယ့်ပညာကိုယ် တန်ဖိုးထားလို့ ၃လစာ ရလာတာ။ ဒီတိုင်းထွက်သွားတဲ့ သူတွေ ဘာမှမရလိုက်ဘူး။ ဒီတော့ ပညာတတ်ကို တန်ဖိုးမထားတဲ့ ကုမ္ပဏီမှာတော့ ပြန်လုပ်မနေတော့ဘူး”လို့ ဖြေကြပါတယ် ။

ဒါ ဇော်ထက် ကိုယ်တိုင်ကြုံခဲ့ရတဲ့ ပညာတန်ဖိုးအတွက် တိုက်ခဲ့ရတဲ့ တိုက်ပွဲတပွဲပါ ၊ ကိုယ့်ပညာကိုယ်တန်ဖိုးထားရင် ပညာတတ်တွေ အတွက် အောင်ပွဲ ဆိုတာရှိပါတယ်။ ပညာတတ်တိုင်း ပညာတန်ဖိုးသိပြီး ပညာမာန ထားရှိနိုင်ကြပါစေ..။

မောင်ကျောင်းသား

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: