ဝိဇ္ဇာသိပ္ပံ နှစ်ပင်ယှက် ဇာတ်လမ်း


အာန်ထွန်နီလာဗွာဝီရဲက သိပ္ပံ တော်လှန်ရေးသမား ဖြစ်သည်။ ဤခေတ်သစ် ဓါတုဗေဒ ပညာရှင်ကြီး၏ ဆောင်ရွက်ချက် အချို့က အောက်စီဂျင်ဓါတ်ငွေ့ကို နာမည်ပေးခြင်းနှင့် အသက်ရူခြင်းသည် လောင်ကျွမ်ခြင်းတစ်မျိုးသာ ဖြစ်ကြောင်း ထုတ်ဖော်ပြသခြင်း ဖြစ်သည်။ သူ့ခေတ်က နိုင်ငံရေးအရလည်း တော်လှန်နေသော ခေတ်ဖြစ်နေသည်။ ပြင်သစ်တော်လှန်ရေး အခါသမယ ဖြစ်သည်။ ၁၇၉၄ ခုနှစ်တွင် မစ္စတာဗွာဝီရီ ခေါင်းဖြတ် ကွပ်မျက်ခံရသည်။ သို့သော်လည်း သူ၏ခြေရာလက်ရာများက သိပံ္ပဘာသာရပ်တွင် သာမဟုတ်။ ဝိဇ္ဇာဘာသာရပ်တွင်လည်း တွေ့မြင်နိုင်သေးသည်။ သူ့ အကြောင်း တစ်ပိုင်းတစ်စက နယူးယောက် Metropo – litan Museum of Art ၏ ပန်းချီပြခန်း တစ်ခုတွင် ရှိနေသည်။ ဂန္တဝင် လက်သစ် ပန်းချီဆရာ ဂျက်ကီလူဝီဒေးဗစ်၏ လက်ရာ အမြင့် ၉ ပေ၊ အနံ ၆ ပေခန့်ရှိ ထိုပန်းချီပြခန်း၏ နာမည်ကြီး ပန်းချီကားတစ်ချပ်တွင် သူ၏ဇနီး မာဟီအန်းပီဟတ်ပေါလ်ဇ် နှင့်အတူ သူ၏အတိတ်၏ အရိပ်များကို ခြေရာကောက်နိုင်သည်။

ထိုပန်းချီကားပြီးစီးနှစ်မှာ ၁၇၈၈ ခုနှစ်ဖြစ်သည်။ ထိုအချိန်က ပြင်သစ်တော်လှန်ရေး မဖြစ်သေးပေ။ ကမ္ဘာကြီးတစ်ခုလုံး ကစဥ့်ကလျား ဖြစ်နေသောအချိန်။ ထိုအချိန်က ပန်းချီဆရာများက Baroque နှင့် Rococo ပန်းချီနည်း စနစ်များမှလမ်းခွဲကာ ဂရိနှင့်ရောမ အနုပညာများဘက်ကို ယိမ်းယိုင်သော ပိုမိုရိုးစင်း၊ အဆင်တန်ဆာမများသည့် ရေးနည်းများ သုံးစွဲနေချိန်ဖြစ်သည်။ လက်တွေ့မျက်မြင်နှင့် ဆင်ခြင်တုံတရားကို ပိုမိုဖော်ထုတ်လာကြသည်ဟု ပြတိုက်မှ သမိုင်းပညာရှင် ကတ်ရင်းဂါလစ်ဇ်က ပြောသည်။ “ပန်းချီကားထဲမှာ အထွတ်အထိပ်အဆင့် ကို ငြိသွားတဲ့ အသိဉာဏ်ကွန့်မြူးတာ ကလေးတွေပါတယ်” ဟု သူမကပြောသည်။ လှိုင်းတံပိုးထန်ထန်၊ မျှော်လင့်ချက် ရောင်ခြည်နီပျပျ ဖြစ်နေခဲ့သော ထိုခေတ်ဆီသို့ ဒေါက်တာ ဂလစ်ဇ်တို့နှင့်အတူ သင်သွားကြည့်နိုင်သည်။

နိုဘယ်လ်ဆုရ ဓါတုဗေဒပညာရှင်နှစ်ဦးဖြစ်သော National Cancer Institute ဒါရိုက်တာ ဟာရိုးဗားမတ်စ်နှင့် Cornell University ရိုအဲလ်ဒ်ဟော့ဖ် မန်တို့လည်း ဒေါက်တာ ဂလစ်ဇ်နှင့်အတူ ထိုပွဲတွင်ပါဝင်မည်။ ထိုပွဲမှာ မက်ထရိုပိုလစ်တန်ပြတိုက်တွင်ပြုလုပ်သည့် အထက်ပါပန်းချီကား မစ္စတာဗွာဝီရဲတို့ဇနီးမောင်နှံနှင့် သူတို့၏ခေတ် အကြောင်း ဟောပြောပွဲဖြစ်သည်။ ထိုပွဲမှာ ၅ ရက်ကြာကျင်းပပြုလုပ်မည့် ကမ္ဘာ့သိပံ္ပပွဲတော်၏အစီအစဉ် ၅၀ အနက်မှ အစီအစဉ်တစ်ခုပင်။ ကမ္ဘာ့သိပံ္ပပွဲတော်သည် နှစ်စဉ် ကျင်းပမြဲဖြစ်သော သိပံ္ပဝိဇ္ဇာပေါင်းစည်းရာ ပွဲလမ်းတစ်ခုဖြစ်သည်။ ထိုပွဲတော်ကို ဗုဒ္ဓဟူးနေ့ ၂၀၁၁ ခုနှစ် ဇွန်လ ၁ ရက်နေ့က ပြဇာတ်တစ်ပုဒ်ဖတ်ကြားကာ ဖွင့်လှစ်ခဲ့သည်။ ပြဇာတ်မှာ အယ်လန်အဲလ်ဒါ ရေးသော “Radiance: The Passion of Marie Curie” ပြဇာတ်ဖြစ်သည်။ မာရီကျူရီသည် နိုဘယ်လ်ဆုရှင်တစ်ဦးဖြစ်သည်။ ထို့ပြင်မုဆိုးမ ဘဝတွင် သူမ၏ခင်ပွန်းတပည့်ဖြစ်သူ အိမ်ထောင်ရှိယောကျာ်းတစ်ဦးနှင့်ငြိစွန်းမိသဖြင့် အဝေဖန်ခံခဲ့ရသူဖြစ်သည်။ ပွဲတော်က ယခုသီတင်းပတ် ကုန်ပိတ်ရက်များတွင် အရှိန်ပိုရလာသည်။ သို့သော်ပွဲတော်အစီအစဉ်များက တစ်နေရာတည်းမှာ မဟုတ်ဘဲ အခြားနေရာများတွင်လည်း ပြုလုပ်ဦးမှာဖြစ်သည်။

ဂါဗနာကျွန်း၊ အက်စတိုးရီးယား (ကွင်းစ်) ၊ အပ်ပါးဝက်စ်၊ အိစ်ဆိုက်စ် (နယူးယောက်) စသော နေရာများ ဖြစ်သည်။ ပြပွဲလာ သူတွေက ဂါဗနာကျွန်းပေါ်မှာ စွန်လွှတ်မလား။ အခြားစိတ်ဝင်စားစရာစေ့ငုရှာဖွေကြမလား၊ ရသည်။ စနေနေ့တွင် တစ်နေ့တာသိပံ္ပ တောစခန်းချနေထိုင်ခြင်းကို ဂါဗနာကျွန်းပေါ်တွင် ဆောင်ရွက်ကြမည်ဖြစ် သောကြောင့်ပင်။ ထို့ကြောင့်ရွက် သင်္ဘော Mystic Whaler ဖြင့် ဟတ်ဆင်မြစ်အတိုင်း ခရီးနှင်မည်ဆိုလည်း ဖြစ်သေးသည်။ စနေနေ့ညပိုင်းတွင် နက္ခတ်တ္တဗေဒ ပညာရှင်နှင့် စာရေးဆရာ တင်မိုသီဖာရစ်နှင့်အတူ ဘရွတ်ကင်း တံတားပန်းခြံတွင် ကြယ်များကို ကြည့်ငေးချင်သည် ဆိုလည်းရသည်။ သင်အိပ်စက်နေချိန်တွင် သင်ဘယ်ကို ရောက်နေသလဲ။ ယောကျာ်း မိန်းမလိင်ခွဲခြားရေးအမြင်က ဘယ်နေရာ အစပြုလာသလဲ။ ယနေ့သက်ရှိ ထင်ရှားရှိနေသော လူသားတစ်ယောက်က အသက် တစ်ထောင်အထိနေ နိုင်မှာလား စတာတွေကို ပညာရှင်များက ရှာဖွေစူးစမ်းနေကြပုံကို ပြပွဲလာ သူများက စောင့်ကြည့်လေ့လာနိုင်သည်။ အချိန်နေရာတို့က သင်၏ဘဏ် ကတ်ကွန်ပျူတာတို့ပေါ်မှ သုံးဘက်မြင် ရုပ်ပုံကဲ့သို့ မရေမရာရှိနေသလား။

ထိုအချိန်နှင့်နေရာတို့ရှိနေသောနေရာဖြစ်သည့် စကြဝဠာကြီးက ထုထည်ရှိ ဒြပ်ဝတ္ထုကြီးဖြစ်နေသလား၊ နက္ခတ္တဗေဒပညာရှင်တို့ ငြင်းခုံပုံကို ပြပွဲလာသူများကနားနှင့် ဆတ်ဆတ်ကြားခွင့်ရမည်။ မကြာမီက “Jeopardy!” ဉာဏ်စမ်းပဟေဠိပြိုင်ပွဲတွင် လူသားပြိုင်ဘက်များကို အပြတ်အသတ်အနိုင်ရထားသော ဝပ်ဆင်ခေါ် IBM ကွန်ပျူ တာ နှင့်ပက်မက်သနီတို့ကဲ့သို့ နာမည်ကြီးများကိုလည်း တွေ့ဆုံနိုင်သည့် အခွင့်အရေးရှိသည်။ ပက်မက်သနီသည် နာ့ဗ်ကြောပညာရှင်များနှင့် စိတ်ပညာရှင်တို့၏ အကူ အညီရယူကာ လက်တန်းအနုပညာ စပ်ဆိုခြင်းအကြောင်း လေ့လာရန်ကြိုးစားနေသူ ဂျပ်ဇ်ဂီတပညာရှင်ဖြစ်သည်။ တေးဂီတက ဝိဇ္ဇာသိပံ္ပပေါင်းစပ်ရေး၏ အဓိက ကျသော အပိုင်း ဖြစ်နေသည်။ Chelsea ပန်းချီပြခန်းတစ်ခုဖြစ်သော Eyebeam Art and Technology Center တွင်ပြု လုပ်မည့် ပြပွဲတစ်ခုက ဇီဝနရီစည်းချက်အကြောင်း ဖြစ်သည်။ အနုပညာရှင်များက သရုပ်ဖော်ပြသမည်။ မှော်သင်္ချာပညာရှင် အာသာဘင်ဂျမင်နှင့် ဉာဏ်ရည်ပြိုင်နိုင်သည်။ ဒေါက်တာဘင်ဂျမင်သည် ဂဏန်းတွက်စက် တစ်လုံးနှင့် လက်ရည်စမ်းဖို့ ဝန်မလေးသူဖြစ်သည်။ ပရိသတ်ရှေ့မှောက်တွင် iPhone များကိုလည်း အနိုင်ရဖူးသည်။ ၎င်းမှာလေးနှစ်ဆက်တိုက်ကျင်းပလာသည့် ကမ္ဘာ့ သိပံ္ပပွဲတော်၏လေး ကြိမ်မြောက်ပွဲဖြစ်သည်။

တစ်နှစ်ထက်တစ်နှစ် ခမ်းနားစွာကျင်းပလာရုံမက ပုံစံပြောင်းလဲတင်ဆက်မှုများလည်းရှိသည်။ ယခုနှစ်တွင် အစီအစဉ်ပေါင်းဒါဇင်ဝက်ကို အင်တာနက်မှ တိုက်ရိုက် ထုတ်လွှင့်ပေးမည်။ “ကျွန်မတို့က အမြဲတမ်း တစ်ပုံစံတည်းသွားမနေဘူးလို့ စိတ်ပိုင်းဖြတ်ထားကြတာပါ” ဟု ထရေစီဒေးကပြောသည်။ ထရေစီဒေးက ABC တယ်လီ ဗေးရှင်း ထုတ်လုပ်သူဟောင်း တစ်ဦးဖြစ်ကာ သူမ၏ခင်ပွန်း Columbia University သင်္ချာပညာရှင်နှင့် ရူပဗေဒပညာရှင် ရောင်းတန်းဝင်စာရေးဆရာ ဘရိုင်ယန်ဂရင်း နှင့်အတူ သူမက ဤပွဲတော်ကို ဦးစီးကျင်းပလာခြင်းဖြစ်သည်။ ယခုနှစ် ပွဲတော်၏ဦးတည်ချက်က “သိပံ္ပလောကထဲမှမိန်းမများ” ဖြစ်သည်။ ထို့ကြောင့်ပွဲတော်အဖွင့်တွင် မဒမ်ကျူရီအကြောင်း ပြဇာတ်ကိုဖတ်ကြားကာ ဖွင့်လှစ်ခဲ့ခြင်းဖြစ်သည်။ ထိုပြဇာတ်အပြင် King’s College မှစိတ် ပြတ်ပြတ်ထား၍ ဆောင်ရွက်တတ်သော လူငယ်သုတေ သနပညာရှင် ရို့စ်လင်းဖရင့်ခ်လင်းအကြောင်း ပြဇာတ်တင်ဆက်မှုလည်းပါဦးမည်။ သူမ၏ DNA ဓါတ်မှန်ဓါတ်ပုံကြောင့် သက်ရှိတို့၏အရေးအကြီးဆုံးမော်လီကျူး၏ နှစ်ပင်လ်ိမ်ပုံစံကို ထုတ်ဖော်နိုင်ခဲ့ကာ ထုတ်ဖော်သူနှစ်ဦး(ဂျိမ်းစ်ဝပ်ဆင်နှင့် ဖရင်စစ်ခရစ်) က နိုဘယ်လ်ဆုရရှိခဲ့သည်။ ထိုတင်ဆက်မှုအပြီးတွင် ဒေါက်တာဝပ်ဆင်အပါ အဝင် ပြဇာတ်၏မူရင်းဇာတ်ကောင်များ ဆွေးနွေးပွဲ တစ်ခု လည်းရှိသေးသည်။ ” Another Earth ” ရုပ်ရှင်ကား တွင်လည်း အဓိကဇာတ်လိုက်က မိန်းမ တစ်ဦးဖြစ်သည်။

ထိုရုပ်ရှင်က ယခုနှစ် ၂၀၁၁ ခုနှစ် Sundance ရုပ်ရှင်ပွဲတော်တွင် ဆုများရရှိထားပြီး၊ လူငယ်ကျောင်းသူတစ်ဦး၏ ဖြစ်ရပ်မှန်ဇာတ်လမ်း ဖြစ်သည်။ ကြောက်မက်ဖွယ်ဖြစ်ရပ် တစ်ခုနှင့် ကောင်းကင်တွင် ကမ္ဘာနှစ်ခု ရှိနေသလိုထင်ရသော ယူဆချက်ကြောင့် သူမ၏ဘဝက ပြောင်းလဲသွားသည်။ မကြာမီက စကြဝဠာပညာရပ်တွင် ခေတ်စားနေ သော စကြဝဠာပြိုင်များ ရှိသည်ဟူသော သီအိုရီများကြောင့် ထိုဇာတ်လမ်းဖြစ်ပေါ်လာရကြောင်း (ထိုဇာတ် လမ်းရေးသားသူ) စာရေး ဆရာများကပြောသည်။ အခြားစကြဝဠာအကြောင်း ပွဲတစ်ခုမှာ University of Taxes မှ ရူပဗေဒနိုဘယ်လ်ဆုရှင် စတီဗင်ဝိန်းဟောပြောမည့် “ဘီလူးကြီးများ၏ ပခုံးပေါ်မှာ” ဟူ၍ အမည် ပေးထားသော သမိုင်းဆိုင်ရာဟောပြောချက်များ ဖြစ်သည်။ “The Future of Big Science ” ဟောပြောချက်တွင် လွန်ခဲ့သော နှစ်တစ်ရာ က (အာနက်ရူသာဖို့ဒ်ဆိုသော ပုဂ္ဂိုလ်၏) အဏုမြူ ဗဟိုချက်တွေ့ရှိခြင်းနှင့် အစချီခဲ့သော သဘာဝနှင့်စကြဝဠာ၏ လျှို့ဝှက်ချက်များရှာဖွေပုံကို ဒေါက်တာဝိန်းဘတ်က တင်ပြမည်ဖြစ်သည်။

“ရူပဗေဒနှင့်နက္ခတ္တဗေဒဆိုင်ရာ ဖြစ်နိုင်ချေများက ဖြစ်လာနိုင်စရာရှိသည်ဟုမြင်သော်လည်း ချက်ချင်းကြီးတော့ ဖြစ်လာနိုင်ဖို့မရှိသေးပါ” ဟု ဒေါက်တာဝိန်း ဘတ်က အီးမေးလ် တစ်ခုတွင်ပြောသည်။ “နိမ့်နိမ့်လေးမှာ သီးတဲ့အသီးဆို ခူးပြီးတာကြာလှပေါ့” ဟု သူကပြောသည်။ ယနေ့ဘောလုံးတစ်လုံးရှေ့ ဆက်တိုးတက် အောင်လုပ် သည့် ကိစ္စမှာပင်ပိုက်ဆံ၊ အဖွဲ့အစည်းနှင့် အစိုးရဘက်က လိုလိုချင်ချင်ရှိမှုတို့၏ တစ်စုတစ်ဝေးတည်း ပေါင်းစပ်မှု ရှိဖို့လိုအပ်ကြောင်း ဒေါက်တာဝိန်းဘတ်က ပြောသည်။ လာဗွာဝီရဲ တို့ခေတ်တုန်းကတော့ ဤမျှမခက်ပေ။ အသက်ရှူခြင်းမှာ လောင်ကျွမ်းခြင်းဖြစ်ကြောင်းပြသရန် လာဗွာဝီရဲက ဝက်တစ်ကောင်ကိုအသုံးပြု ခဲ့သည်။ ဝက် ကို ရေခဲထဲတွင်ထည့်ကာ ဝက်ခန္ဓာကိုယ် အပူချိန်ကြောင့် ရေပျော်သွားသော ရေပမာဏကို ချင်တွယ်ပြခဲ့ခြင်းဖြစ်သည်။ ၁၇၄၃ ခုနှစ်တွင် ရွှေလင်ပန်းနှင့် အချင်းဆေးကာ မွေးဖွားလာသူ လာဗွာဝီရဲသည် ဂုဏ်သရေရှိအထက်တန်းလွှာ၊ နိုင်ငံရေးသမား၊ သိပံ္ပပညာရှင်နှင့် Ferme Geneal အုပ်စုမှအုပ်ချုပ်ရေးသမားတစ်ဦး လည်းဖြစ်သည်။ Ferme General အုပ်စုသည် ခြစားတတ်သည်ဟု နာမည်ထွက်သော အခွန်ကောက်သူများ၏ အဖွဲ့အစည်းတစ်ခုဖြစ်သည်။

လာဗွာဝီရဲ၏လူမှုရေးနှင့် ဓနပိုင်ဆိုင်မှုအရှိန်အဝါကိုပြောဆိုရာ၌ ပြင်သစ်ဘုရင်လူဝီ ၁၄ က ဘုရင်၏ ပုံတူပန်းချီကားအတွက် ပေးသောအခကြေးငွေထက်ပင် လာဗွာဝီရဲက သူ၏ ပုံတူအတွက် ငွေပေးချေရာတွင် ပို၍ပေးသည်ဟု ဒေါက်တာဂလစ်ဇ် က ရှင်းပြသည်။ လာဗွာဝီရဲနှင့်မာဟီအန်းတို့ လက်ထပ်စဉ်က လာဗွာဝီရဲက ၂၈ နှစ်၊ မာဟီအန်းက ၁၃ နှစ်ဖြစ်သည်။ သို့သော် မာဟီအန်းက အနုပညာဈာန်ဝင် စားနိုင်သောပါရမီရှိသဖြင့် လာဗွာဝီရဲ၏စာတမ်းများအတွက် ပုံဆွဲပေးခြင်း၊ စမ်းသပ်ချက်များတွင် ဝင်ရောက် ကူညီခြင်းများ ပြုလုပ်ပေးနိုင်သည်။ ထို ကဲ့သို့ ဇနီးမောင်နှံနှစ်ဦး ဒိုးတူပေါင်ဖက် ဆောင်ရွက်ကြခြင်းကို ဒေးဗစ်၏ ပန်းချီကားတွင် သရုပ်ဖော်ထားသည်။

စာရွက်စာတမ်းများနှင့် ဓါတုဗေဒ စမ်းသပ်ကိရိယာများ ပြန့်ကျဲနေသော စားပွဲခုံတစ်လုံးတွင် ထိုင်ကာ လာဗွာဝီရဲက သူ၏ပခုံးပေါ်တွင်လက်တင်လျက် သူ့အပေါ်မှ စီးမိုး တွယ်မှီနေသောဇနီးသည် မာဟီအန်းကို မော့ကြည့်နေသည်။ “သူမက ဓါတုဗေဒ ပညာရှင်ကြီး တစ်ယောက်၏ ဇနီးပီသသူပါ။ တကယ်အလုပ်လုပ်သွားခဲ့တာ” ဟု ဒေါက်တာဂလစ်ဇ်က ပြောသည်။ ဒေးဗစ်က ပြင်သစ်ခေါင်းဆောင်တစ်ဦးဖြစ်သည့် ဂျင်းပေါလ်မာရက် လူသတ်ခံရပြီး ရေချိုးဇလုံအတွင်းသေဆုံးနေသည့်ပုံကို ရေးဆွဲ သော “မာ ရက်၏နိဂုံး” ပန်းချီကားကြောင့် နာမည်ကြီးလာသော ပန်းချီဆရာဖြစ်သည်။

ဒေးဗစ်က တော်လှန်ရေးနှင့် နောက်ဆက်တွဲဖြစ်ပေါ်လာသော အကြမ်းဖက်မှုများကို တက်ကြွစွာထောက်ခံသူတစ်ဦးဖြစ်သည်။ ထို့ကြောင့်သူနှင့် လာဗွာဝီရဲတို့ ရုတ်တရတ် လမ်းခွဲဖို့ဖြစ်လာသည်။ ၁၇၉၄ ခုနှစ် မေလ ၈ ရက်နေ့တွင် လာဗွာဝီရဲ ခေါင်းဖြတ် အသတ်ခံရသည့်အခါ ဒေးဗစ်က အမျိုးသားလွှတ်တော်အဖွဲ့ဝင်တစ်ဦးအဖြစ် ခေါင်းဖြတ် စက် နံဘေးတွင်ရှိနေခဲ့သည်။ လာဗွာဝီရဲ ကျူးလွန်ခဲ့သော အပြစ်များထဲတွင် သင်္ချာပညာရှင်ဂျိုးဇက် လူဝီလက်ဂရင့်ဘက်မှ ကာကွယ်ပြောဆိုခဲ့တာလည်းပါသည်။ လက်ဂရင့်က နိုင်ငံခြားသားတစ်ဦးဖြစ်ကာ ထိုစဉ်ကစည်းစိမ် ဥစ္စာများအားလုံး လက်လွတ်ဆုံးရှုံးတော့မည့် အန္တရာယ်နှင့်ရင်ဆိုင်နေရသည်။ လက်ဂရင့်က သူ၏ သူငယ် ချင်း လာဗွာဝီရဲ ခေါင်းဖြတ် ကွပ်မျက်ခြင်းအတွက် “သူ့ဦး ခေါင်းကို ဖြတ်ရတဲ့ကိစ္စဟာ ခဏကလေးပဲကြာတယ်။ ဒါပေမဲ့ ပြင်သစ် နိုင်ငံက သူ့လို လူမျိုးနောက်တစ်ယောက် ကို နှစ်တစ်ရာနှင့် ရနိုင်မှာ မဟုတ်ဘူး” ဟု မှတ်ချက်ပေးသည်။ Ref: A Double Helix of Art and Science by DENNIS OVERBYE

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: