အီးမေးလ်အန္တရာယ်


အီးမေးလ်အန္တရာယ် တစ်စခန်းထပြန်သည်။ လူသန်းပေါင်းများစွာ အတွက် အီးမေးလ်လိမ်လည်မှု အန္တရာယ်ရှိနိုင်ကြောင်း သတိပေးသံ ထွက်လာသည်။ အွန်လိုင်းဈေးကွက် တင်ကုမ္ပဏီတစ်ခု၌ လုံခြုံရေးဖောက် ဖျက်မှုတစ်ခုဖြစ်ပွားအပြီးတွင် လုံခြုံရေး ကျွမ်းကျင်သူများထံမှ ထိုသတိ ပေးချက် ထွက်လာခြင်းဖြစ်သည်။ ထိုလုံခြုံရေးဖောက်ဖျက်မှုကြောင့် ထိပ်ထိပ်ကြဲ ကုမ္ပဏီကြီး များမှ ဖောက်သည်တို့၏ နာမည်များ၊ အီးမေးလ်လိပ်စာများ အခိုးခံလိုက်ရသည်။

ထို ကုမ္ပဏီများတွင် JPMorgan Chase, Ciibank, Target နှင့် Walgreens ပါဝင်သည်။ လူပေါင်းမည်မျှ ထိခိုက်နစ်နာမည်ကို မသိရသေးသော်လည်း၊ စီးပွားရေး လုပ်ငန်းထိခိုက်မှု ပမာဏအရ ထိုဖောက်ဖျက်မှုက အကြီးမားဆုံး ဖောက်ဖျက်မှုတစ်ခုပင်ဖြစ်နေသည်။ ၎င်းဖြစ်ရပ်ကြောင့် ဖိရှင် Phishing (အွန်လိုင်းလိမ်လည်မှု)များ ဖြစ်ပေါ်လာနိုင်သည်။ ဖိရှင် Phishing ဆိုသည်မှာ တရားဝင်တည်ထောင်ထားသော စီးပွားရေးအဖွဲ့အစည်းတစ်ရပ်ကဲ့ သို့ အယောင်ဆောင်ကာ၊ အီးမေးလ်ပေးပို့၍ ဘဏ်ငွေစာရင်း နံပါတ်၊ စကားဝှက်သင်္ကေတများကဲ့သို့ သတင်းအချက် အလက်များ ခိုးယူခြင်းဖြစ်သည်။

“ဒါဟာ တကယ့်ကို ထုထည်ကြီးမားတဲ့ ဆုံးရှုံးမှု ကြီးပါ” ဟု University of California ကွန်ရက်လုံခြုံရေး ပညာရှင်တစ်ဦးကပြောသည်။ ထိုလုံခြုံရေးဖောက်ဖျက်မှုဖြစ်ပွားသော ကုမ္ပဏီ၏ နာမည်မှာ Epsilon ဖြစ်သည်။ Epsilon က ဖောက်သည် ရာပေါင်းများစွာ၏ အီးမေးလ်ဈေးကွက်တင်စာရင်းများကို ထိန်းသိမ်းထားသော ကုမ္ပဏီဖြစ်သည်။ ပထမက ထိုဖောက်ဖျက်မှုဖြစ်ပွားသည်ဆိုရုံ ထုတ်ပြန်ချက် ကလေးတစ်ခု ထုတ်ပြန်ခြင်းဖြစ်သည်။

နောက် ပိုင်းကျမှ အကျယ်အကျယ် မငြိမ်းဖွယ်ဖြစ်နေ သည်ကို လူများကသိရှိကြရသည်။ ထိုအခါကျမှ ဘဏ်များ၊ လက်လီအရောင်းဆိုင်များနှင့် အခြားလုပ်ငန်းများက အီးမေးလ် အလိမ်အညာများ သတိထားကြဖို့ သူတို့၏ဖောက်သည်များကို တပ်လှန့်နှိုး ဆော်ရသည်။ အီးမေးလ်လိပ်စာသက်သက်က အန္တရာယ်မရှိဘူးပဲထားဦး၊ အကယ် ၍ ရာဇဝတ်မှုကျူးလွန်သူများက အီးမေးလ်လိပ်စာများနှင့် နာမည်များ၊ ဘဏ်ကဲ့သို့ စီးပွားရေးလုပ်ငန်းများကို အဆက်အစပ်ရသွားခဲ့သော်၊ လူပုဂ္ဂိုလ်တစ်ဦးချင်းအတွက် အကွက်ချစီစဉ်ကာ၊ ပိုမိုလျှို့ဝှက်ချက်ပါသော သတင်းအချက်အလက်များကို လိမ်လည်နှိုက်ယူကြတော့မည်။

ထိုကဲ့သို့ လိမ်လည်မှုမျိုးအား စပီအားဖိရှင် Spear phishing ဟုခေါ်သည်။ ” ဘယ်အချိန်မှာဖြစ်ဖြစ် ဘဏ်ကြီးတစ်ခုက ဖောက်သည်တွေကို ဆက်သွယ်တဲ့ သတင်း အချက်အလက်များ ပျောက်ဆုံးကုန်တာဖြစ် တတ်ပါတယ်။ ဒါဆိုရင် ပြဿနာကြီးတစ်ရပ်ပါပဲ။ ဖောက်သည်တွေဆက် သွယ်ရာလမ်းကြောင်းကို လူဆိုး လူမိုက်တွေရဲ့ လက်ထဲကို ထည့်ပေးလိုက်သလို ဖြစ်သွားလို့ပါ” ဟု အွန်လိုင်းလုံခြုံရေးနှင့် အမှုအခင်းများ အထူး ပြုလေ့လာလျက်ရှိသော ဝက်ဘ်ဆိုက်တစ်ခုကပြောသည်။

ကြုံဖူးနေကျ ဖိရှင်တိုက်ခိုက်မှုများ၌ ပြစ်မှုကျူးလွန်သူများက ဘဏ် (သို့မဟုတ်) အလားတူစီးပွားရေးလုပ်ငန်းတစ်ခု အရေခြုံ၍ လူသန်း ပေါင်းများစွာဆီသို့ အီးမေးလ်စာလွှာ များပေးပို့သည်။ ထိုလူများအနက် မှ တချို့က ပေးပို့သူနာမည်ခံ ကုမ္ပဏီ၏ဖောက်သည်များ ဖြစ်ချင်ဖြစ် နေမည်။ ထိုအခါ ပြစ်မှုကျူးလွန်သူများ စေခိုင်းချက်များအတိုင်း သူတို့က လိုက်နာဆောင်ရွက်ကြတော့မည်။ ဥပမာ “ငွေစာရင်းသတင်းအချက် အလက် ဖြည့်စွက်ပေးရန်”ဆိုတာမျိုးကို ပြစ်မှုကျူးလွန်သူများက စေခိုင်းတတ်သည်။ စပီအားဖိရှင် အီးမေးလ် ကတော့ ထိုထက်ပိုဆိုးဝါးလာပြီ။ သူက လူနာမည်ပါမည်။

စာပို့ခံရသောသူကလည်း ပေးပို့သူနာမည်ခံ စီးပွား ရေးလုပ်ငန်း၏ ဖောက်သည်ဖြစ်နေတာ သေချာသည်။ ထို့ကြောင့် အလိမ်ခံရဖို့ ပိုမိုနီးစပ်သည်။ သို့ဖြစ်၍ ဖိရှင်က အထူးသဖြင့် သူတို့၏ဖောက်သည်များအား အွန်လိုင်းဖြင့် လုပ်ငန်းဆောင်ရွက်စေချင်သောဘဏ်များ၊ ဘဏ္ဍာရေး လုပ်ငန်းကြီးများအတွက် အဓိက စိန်ခေါ်မှုဖြစ်လျက်ရှိသည်။ ပြီးခဲ့သော ၂၀၁၀ ခုနှစ် ဇွန်လက ဖိရှင်တိုက်ခိုက်မှု ၃၃,ဝ၀ဝ ကျော်ရှိခဲ့ကြောင်း ဖိရှင်ဟန့်တားရေးအဖွဲ့တစ်ခုကပြောသည်။ ထိုတိုက် ခိုက်မှုများအနက်မှ ၇၀ ရာခိုင်နှုန်းသည် ဘဏ္ဍာရေးဝန်ဆောင်မှု လုပ် ငန်းများနှင့် အွန်လိုင်းငွေပေးချေမှုလုပ်ငန်းများတွင် ဖြစ်ပွားခဲ့ခြင်းဖြစ် သည်။

Epsilonမှခိုးသွားသော သတင်းအချက်အလက်များ အသုံးပြုလျက်  JPMorgan မှ ဖောက်သည်များထံ သူခိုးများက အီးမေးလ်များကို ဖောက် သည်နာမည်အပြည့်အစုံတပ်ကာ ဘဏ်ကပေးပို့သလိုလိုနှင့် ပေးပို့သည်။ ရာဇဝတ်ကောင်များက နာမည်တစ်ခုအား အပေါင်စာချုပ်ပိုင်ရှင်များ၏ အိမ်ယာအဆောက်အဦမှတ်တမ်းများနှင့် တိုက်ဆိုင်စစ်ဆေးလိုက်ပါက အီးမေးလ်တွင် လိပ်စာအပြည့်အစုံထည့်ရန် မခက်တော့ပေ။ “လူပုဂ္ဂိုလ်တစ်ယောက်ချင်းစီ၏ အချက်အလက်အတိအကျတွေ ပါနေမှတော့ လူတွေကယုံကြည်ပြီပေါ့”ဟု စီလီကွန်တောင်ကြား သတင်း အချက်အလက် လုံခြုံရေးအတိုင်ပင်ခံတစ်ဦးက ပြောသည်။

ဖောက်သည်များကို တပ်လှန့်ထားသည့် သို့မဟုတ် ထိခိုက်မှုရှိ ကြောင်း ဝန်ခံထားသည့်ကုမ္ပဏီများတွင် Barclays Bank, US Bancorp, Walt Disney, Marriott, Ritz-Carlton, Best Buy, L.L.Bean, Home Shopping Network, TiVo နှင့် the College Boardတို့ ပါဝင်သည်။ ဖောက်သည်များထံ ပေးပို့သော အီးမေးလ်များ တွင် ဖောက်သည်များ အခြားအရေးကြီးသော သတင်းအချက်အလက်များ မပါဝင်ဘဲ၊ အီးမေးလ်လိပ်စာများနှင့် နာမည်များသာဟက်ကာများ လက်တွင်းသို့ ပါသွားခြင်း ဖြစ်ကြောင်း ပြောကြားကာ ဖောက်သည်များ စိတ်အေးလက်အေးဖြစ်အောင်လုပ်ဖို့လည်း တစ်ဖက်က ကြိုးစားနေသည်။

“သင်၏ ငွေစာရင်းနံပါတ်နှင့် အခြားပုဂ္ဂိုလ်ရေး အချက် အလက်များ အန္တရာယ်ဖြစ်နိုင်ဖွယ်အခြေအနေသို့ ကျရောက်ခဲ့ ခြင်းမရှိပါ”ဟု အဝတ်အထည် လက်လီရောင်း ကုမ္ပဏီ New York & Companyက အီးမေးလ်တစ်ခုတွင် ရေးသားထားသည်။ “အကျိုးဆက်အနေဖြင့် သင့်ထံသို့ ကြော်ငြာအီးမေးလ်များ ဝင်ရောက်လာနိုင်သည်။ ကိုယ်မသိသောလင့်ခ် Link ချိတ်ဆက်မှုနှင့် အတက်ခ်ျမင့် Attachments ပူးတွဲပါဖိုင်တို့အား ဖွင့်ပြီဆိုပါက သတိ ထားရန်လိုသည်။

ထပ်ဆင့်သတိပေးလိုသည်မှာ ကျွန်ုပ်တို့က သင်၏ ကိုယ်ရေးကိုယ်တာအချက်အလက်များအား မည်သည့်အခါမျှ အီး မေးလ်တောင်းခံခြင်း ပြုလုပ်မည်မဟုတ်ပါ” ဟု ထိုအီးမေးလ် တွင် ပါရှိသည်။ နည်းပညာအကြံပေးတစ်ဦးကလည်း သီတင်း ပတ်ကုန်ရက်ပိုင်းက လုံခြုံရေး ဖောက်ဖျက်မှုအ ကြောင်း တပ်လှန့်သည့် US Bank US Bancorp ၏ လက်ခွဲဘဏ်မှ အီးမေးလ်ကို လက်ခံရရှိသည် ဟုပြောသည်။ ထိုအခါ အစိုးရိမ်ဆုံးက သူ၏သတင်းအ ချက်အလက်များကို အခြားကုမ္ပဏီတစ်ခုသို့ လက်ပြောင်း လက်လွဲလုပ်လိုက်မှာဖြစ်ကြောင်း ပြောသည်။ Epsilon ကုမ္ပဏီသည် တက်ဆက်ပြည် နယ်၊ အာဗင်းမြို့တွင် ရုံးစိုက်သည်။

Epsilon ပြောခွင့်ရ အမျိုးသမီးက “Epsilon အနေဖြင့် အာဏာပိုင်များနှင့် ပူးပေါင်းဆောင်ရွက်နေ ပါတယ်။ စုံစမ်းစစ်ဆေးမှုတွေ ပြုလုပ်နေပါတယ်” ဟု ပြောသည်။ Epsilon သည် Alliance Data ကုမ္ပဏီ၏ လက်ခွဲကုမ္ပဏီတစ်ခုဖြစ်ကာ သူ့ဆီမှာ ဖောက်သည် ၂ယ၅၀ဝ ခန့်ရှိသည်။ သို့သော် ဖောက်သည်တိုင်း က အီးမေးလ် ဝန်ဆောင်မှုကို အသုံးပြုကြသည်တော့မဟုတ်ပေ။ ဖောက်ထွင်းခံရမှုက မည်သို့ဖြစ်ပွားသလဲ၊ မည်သည့်အတွက်ကြောင့် အီးမေးလ် လိပ်စာများကို စကားဝှက်ဖြင့် ပိတ် မထားသလဲဆိုသည့် မေးခွန်းများကို မူ Epsilon ဖြေကြားရန်ငြင်းသည်။

အီးမေးလ်လိပ်စာများသည် မြေအောက်ရာဇဝတ်မှုအဖွဲ့သားများ အတွက် အဖိုးတန်လှသဖြင့် ကျဘမ်းတိုက်ခိုက်မှုဆောင်ရွက်စဉ် Epsilon က ဆွမ်းခံရင်း ငှက်သင့် ရခြင်းဖြစ်မည်ဟု လုံခြုံရေးသုတေသနပညာရှင် တစ်ဦးကဆိုသည်။ ဟက်ကာများက အင်တာနက်တွင် မွှေနှောက်ကာ၊ ပျော့ကွက် စီစဉ်ပုံ အားနည်းချက်ရှိစက်များကို ရှာဖွေတတ်သည်။ ထိုအချိန်တွင် စိတ်ကူးရလျှင်ရသလို ဘယ်လိုသားကောင်က သူတို့နှင့် အဆင်ပြေမလဲကြည့်သည်။

တိုက်ခိုက်သူများက Epsilon စနစ်ထဲသို့ ဆိုက်ဆိုက်မြိုက်မြိုက်ရောက်ရှိလာပြီးနောက် ရရှိလိုက်သော အခွင့်အရေးကို အသုံးချကာ၊ ဖောက်သည်စာရင်းများ အလစ်သုတ်သွား ခြင်းဖြစ်မည်ဟု ထိုလုံခြုံရေးသုတေသနပညာရှင်က ခန့်မှန်းပြောသည်။ “ထိုဖောက်ဖျက်မှုက အီးမေးလ်မားကက်တင်း (ဈေးကွက်တင် ခြင်း)ကဲ့သို့ အန္တရာယ်မဖြစ်လောက်ပါဘူးဟု ထင်ရသောကိစ္စလေးမှ တစ်ဆင့် အန္တရာယ်ကြီးများအသွင်သို့ ဆင့်ပွားဖြစ်ပေါ်လာနိုင်ပုံကို ပြ သလိုက်ခြင်းဖြစ်သည်”ဟု သုတေသန ကုမ္ပဏ Gartner မှ အွန်လိုင်း လိမ်လည်မှုများ အထူးလေ့လာလျက်ရှိသော သုံးသပ်သူတစ်ဦးက ပြော သည်။

Ref: A By MIGUEL HELFT

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: