အိန္ဒိယ ကွန်ကရက် ပါတီ ဥက္ကဌ ဆိုနီယာ ခရီးစဉ်ကြောင့် ဘင်္ဂလာဒေခ်ျ့တွင် လုံခြုံရေး တင်းကျပ်


ယနေ့တွင် စတင်မည့် ၂ ရက်ကြာ အိန္ဒိယ ကွန်ကရက်ပါတီ ဥက္ကဌ ဆိုနီယာဂန္ဒီ၏ ခရီးစဉ်ကြောင့် ဘင်္ဂလာဒေခ်ျ့နိုင်ငံ၏ မြို့တော် ဒက္ကားတွင်လုံခြုံရေးကို တင်းကျပ် လိုက်သည်။

ဆိုနီယာသည် ယနေ့ တနင်္ဂနွေနေ့ ယနေပိုင်းတွင် ဒက္ကားမြို့သို့ ရောက်ရှိလာမည် ဖြစ်သည်။ သူမသည် ဒက္ကားမြို့တော်တွင် ၂ ရက်ကြာ ကျင်းပမည့် ” Autism Spectrum Disorders and Developmental Disabilities in Bangladesh” ကွန်ဖရင့်သို့ တက်ရောက်မည် ဖြစ်သည်။

Sonia_Gandhi

ယခုအခါ ထောင်ပေါင်းများစွာသော ရဲတပ်ဖွဲ့ဝင်များနှင့် အထူးမူခင်းနှိမ်နှင်းရေး Rapid Action Battalion မှ တပ်ဖွဲ့ဝင်များကို အရေးကြီးသော နေရာများနှင့် လမ်းမ ပေါ် များတွင် ဖြန့်ကျက် ချထားလိုက်ပြီ ဖြစ်သည်။

မြို့တော် ဒက္ကားတွင် အစစ်အဆေးများ တိုးပွားပြီး ယမန်နေ့က မြို့တော်တ၀န်းတွင် လုံခြုံရေး တပ်ဖွဲ့ဝင်များက ကားအများအပြားကို မွေနှောက် ရှာဖွေ စစ်ဆေး ခဲ့သည်။

ဆိုနီယာ၏ ခရီးစဉ်မှာ စက်တင်္ဘာလ ၆ ရက်နှင့် ၇ ရက်တွင် ဘင်္ဂလာဒေခ်ျ့သို့ လာရောက် လည်ပတ်မည့် အိန္ဒိယ၀န်ကြီးချုပ် မန်မိုဟန်ဆင်း၏ ခရီးစဉ် မတိုင်မှီ လာရောက်သော ခရီးစဉ် ဖြစ်ပြီး သူမ၏ ခရီးစဉ်အတွင်း ဘင်္ဂလာဒေခ်ျ့ ထိပ်တန်း ခေါင်းဆောင်များနှင့် တွေ့ဆုံမည် ဖြစ်ကြောင်း သိရသည်။

လက်ရှိ ၀န်ကြီးချုပ် ရှိတ်ခါဆီးနာ ဦးဆောင်သော ဘင်္ဂလာဒေခ်ျ့ အစိုးရသည် လက်ရှိ အိန္ဒိယအစိုးရနှင့် နီးနီးကပ်ကပ် ဆက်ဆံသော အစိုးရဖြစ်ပြီး ယခုနှစ်အတွင်း ထိပ်တန်း နိုင်ငံရေး သမားနှစ်ဦး အိန္ဒိယမှ လာရောက်လည်ပတ်မည့် အစီအစဉ် ဖြစ်သည်။

ဆိုနီယာ ဂန္ဒီသည် ဘင်္ဂလာဒေခ်ျ့နိုင်ငံမှ အိန္ဒိယနိုင်ငံ၏ ၁၉၇၁ ခုနှစ် လွတ်လပ်ရေးအတွက် စွန်းစွန်းတမံ ပါဝင်ဆောင်ရွက်ခဲ့သူများကို ဂုဏ်ပြုပေးအပ်သော အဆင့် မြင့်ဆုံး ဆုကို သူမ၏ ယောက္ခမ ဖြစ်သူ အိန္ဒရာဂန္ဒီ ကိုယ်စား တက်ရောက် ယူဆောင်မည် ဖြစ်သည်။

သူမသည် သူမ၏ ခရီးစဉ်အတွင်း ဘင်္ဂလာဒေခ်ျ့ သမ္မတ၊ ၀န်ကြီးချုပ်တို့နှင့် တွေ့ဆုံပြီး နှစ်နိုင်ငံ အကျိုးတူကိစ္စရပ်များကို ဆွေးနွေးသွားမည် ဖြစ်ကြောင်း သိရသည်။

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: