တနင်္သာရီတိုင်းဒေသကြီးရှိ ထားဝယ်ခရိုင်တရားရုံးနှင့်ထားဝယ်မြို့နယ်တရားရုံးများ သို့ပေးစာ


ကျနော်တို့ တိုင်းဒေသကြီးမှာ အောက်ပါတိုင်းဖြစ်နေပါတယ်။

တနင်္သာရီတိုင်းဒေသကြီးရှိ ထားဝယ်ခရိုင် တရားရုံးနှင့် ထားဝယ်မြို့နယ် တရားရုံးများမှ တရားသူကြီးများသည် ပြင်ပရှေ့နေများနှင့် အပေးအယူ လုပ်ပြီးနှစ်ဖက် အမှုသည်များထံမှ နှစ်ဖက်စလုံးကို ခွစားကာ စီးပွားရှာ လျှက်ရှိပါသည်။ ပြင်ပရှေ့နေများဖြစ်သော အထက်တန်းရှေ့နေ ဦးအေးလွင် နှင့် တရားလွှတ်တော်ရှေ့နေများ ဖြစ်သော ဦးတင်ရှိန်၊ဦးအောင်ဌေးတို့သည် ထားဝယ်ခရိုင် တရားရုံးနှင့် ထားဝယ်မြို့နယ်တရားရုံးများမှ အထူးသဖြင့် အမျိုးသမီး တရားသူကြီးများ ၀န်ထမ်းများနှင့် ပူးပေါင်းကာနှစ်ဖက်အမှုသည်များထံမှ တံစိုး လက်ဆောင်ငွေကြေးများယူပြီး ဥပဒေကိုလက်တလုံးခြား လှည့်စားကာ တရားသူကြီး စက်လုပ်ပိုင်ခွင့်များကို အလွဲသုံးစားပြုကာ တရားစီရင်ကြသည့်အတွက်

(၁) ငွေကြေးမတက်နိုင်သူအစား မသိနားမလည်သူများ ရှေ့နေများ၏ နည်းပရိယာယ်များ ခြိမ်းခြောက်ဟန့် တားမှုများကြောင့်သော်၎င်း

(၂) နှစ်ဖက်ရှေ့နေများနှင့် တရားသူကြီးတို့ ညှိနိုင်း အကွက်ချ စိရင်ဆောင်ရွက်မှုများကြောင့်နိုင်သင့်သော အမှုများရှုံးရခြင်း၊ရှုံးသင့်သောအမှုများ အနိုင်ရရှိခြင်း ၊နိုင်သင့်သောအမှုများသည်ပင်လျှင် ကုန်သင့်သည်ထက် များစွာကုန်ကျခဲ့ပြီးမှ အမှုအနိုင်ရရှိကာ နာမည် တစ်လုံးအတွက်ငွေကြေးရော သိက္ခာပါ ဆုံးရှံးရသည့် အမှူသည် အများအပြားရှိပါသည်။

ငွေများတရားနိုင် ဆိုသည့်စကားရပ်သည် အဆိုပါ တရားရုံးများ တွင်သွေးထွက်အောင် မှန်နေပြီဖြစ်ပါသည်။ မကြာမှီကပြီးစီးသွား သော အမှုတစ်ခု သည်နှစ်ဖက်စလုံးကို ဒဏ်ငွေ ၁၀၀၀ ကျပ်စီချမှတ်ခံရသည်။ ရှေ.နေခ၊ တရားသူကြီးကန်တော့ ရငွေ၊ ၀န်ထမ်းများ အားပေးကမ်းရငွေများကြောင့် တစ်ဖက်ကစရိတ် ကျပ်ငွေ ၃၈ သိန်းနှင့် ကျန်တစ်ဖက်က ကျပ်ငွေ ၃၅ သိန်းကျပ်စီ ကုန်ကျခဲ့ကြပါသည် ။နောက်အမှုတစ်ခုတွင် မူငွေ သိန်းလေးဆယ် ရလို့ မှုဖြင့်စွဲဆိုရာ သိန်း၁၂၀ကုန်ပြီးမှ အနိုင်ရသည့်အမှုလည်း ရှိပါသည်။တစ်ချို.အမှုသည်များသည် စိတ်ပျက်လွန်းလှသဖြင့် အယူခံအဆင့်ဆင့်ပင် မတက်နိုင်တော့ပါ။ အချို့အမှုသည်များမှာ အမှုလည်းပြီး ရှိတာလည်း ကုန် ဘ၀လည်းပျက်ရသည်အထိ ရင်နင့်ဖွယ်ခံစားနေကြရပါသည်

၎င်းတရားရုံးများတွင်သြဇာအရှိဆုံးရှေ့နေမှာ ဦးအေးလွင်ဖြစ်ပါသည်။ ၀န်ထမ်းအားလုံးက ပါပါး(အဖေ) ဟုခေါ်ကြသည်။

ဝန်ထမ်းများအား ရက်ရက်ရောရောပေးကမ်းပြီး အထူးသဖြင့် အမျိုးသမီး တရားသူကြီးများကို စီးပွားဖြစ် ရှာကျွေးနေသူဖြစ်ပါသည်။ ဦးအေးလွင် လိုက်သော အမှုများကို တရားသူကြီးများက ကိုးကားရမည့် စီရင်ထုံးများကိုပင်ပြောပြပြီး အနိုင်ရအောင်ဆောင်ရွက်ပေးလျှက်ရှိပါသည်။ တရားသူကြီးများကလည်းအမှုသည် များအား ဦးအေးလွင်အား ငှားလျှင် အမှုနိုင်ခြေရှိပါတယ်ဟုခေါ်ယူပြောဆိုပြီးရှေ.နေပြောင်းခိုင်းခြင်းများပင်ရှိပါသည်။ ဦးအေးလွင်က လည်းငွေကြေး မတတ်နိုင်သည့် ၎င်း၏ အမှုသည်များကို သစ္စာဖောက်ပြီး တစ်ဖက်ရှေ.နေနှင့် တိုင်ပင်ကာ အမှုအနိုင်ရအောင် လုပ်ပေးမည်ဟုဆိုကာ တရားသူကြီးများကိုပါငွေပေးစေပြီး မိမိ၏ အမှုသည် ကိုပင် အမှုရှုံးအောင် အကွက်ချဆောင်ရွက်သည်များ လည်းရှိပါသည်။ငွေတတ်နိုင်သည့် အမှုသည်များမှာ ရှုံးလည်းနိုင် ၊နိုင်လည်းနိုင်ဖြစ်နေ ပါသည်။ငွေမနိုင်သည့် အမှုသည် များမှာ အရှုံးနှင့် သာရင်ဆိုင်ရလျှက်ရှိ ပါသည်။

အမှုစစ်ဆေးသည့်အခါတရားသူကြီးမများသည်ရုံးတော်ပေါ်တွင်မရှိပဲတခြားအခန်းတွင်ရောက်နေပြီးအမှုမှတ်တမ်းရေးစာရေးနှင့်နှစ်ဖက်ရှေ.နေအမှုသည်များကိုစစ်ဆေးခိုင်းထားပြီး၊လျှောက်လဲချက်ပေးသည့်အခါတွင်လည်းနှစ်ဖက်အမှုသည်များရှေ.မှောက်တွင်နှစ်ဖက်ရှေ.နေများလျှောက်လဲသည့်အနေအထားမျိုးမဟုတ်ပဲ

လျှောက်လဲချက်ရေးထားသည့်စာရွက်ကိုသာတရားသူကြီးထံတင်စေပြီးအမိန့်ချမည့်ရက်ကိုရက်ချိန်းပေးပါသည်။ရက်ချိန်းပေးသည့်နေ့တွင်လည်းအမှုသည်များလာရောက်စောင့်ဆိုင်းနေစဉ်အချိန်ပြောင်းပြီးပြန်ချိန်းကာအမှုသည်မရှိသည့်အချိန်တွင်အမိန့််ချပါသည်။အမှုသည်များမှာမည်သို့လျှောက်လဲချက်ပေးထားသည်ကိုလည်းမသိပါ။မည်သို့အမိန့်ချမှတ်လိုက်သည်ကိုပင်မသိလိုက်ရသည့်အမှုများလည်းရှိပါသည်။ထိုအမှုများသည် အများသောအားဖြင့်ဦးအေးလွင်လိုက်ပါသောအမှုများပင်ဖြစ်ပါသည်။တရားသူကြီးများကလည်း၎င်းတို့ကိုယ်တိုင်ပင်လျှင်တရားရုံးကိုမထီမဲ့မြင်ပြု ဥပဒေကို ချိုးဖောက်လျှက် ရှိပါသည်။

ထိုသို့ဖြစ်ချင်တိုင်းဖြစ်နေသည့်အတွက် တနင်္သာရီတိုင်းဒေသကြီး တရားလွှတ်တော် တရားသူကြီးချုပ် ကိုယ်တိုင်ပင် ခွဲတမ်းရနေ၍ အမသိ ချင်ယောင်ဆောင်နေ သလားဟု ထင်မြင်ယူဆနေကြပါသည်။ တရားရုံးဝန်ထမ်းများကလည်း အမှုသည်များ မသိနားမလည်၍မေးမြန်းသော အခါတွင်လည်း ပိုက်ဆံရမှဖြေချင်ကြပါသည်။ အမှုတွဲ ကူးခပင်လျှင် ကျပ် ၁၀၀၀၀ မှ ၃၀၀၀၀ အထိပေးကြရပါသည်။

၎င်းတရားသူကြီးများအနက်အချို့တရားသူကြီးများ လည်း ယခင်ကအပြစ်ရှိ၍ တရားစီရင်သော တာဝန်မှ ရုံးဖက်သို့ ပြောင်းရွှေ့ အပြစ်ပေး တာဝန်ချထား ခံရသူများရှိပြီး ယ္ခုတရားသူကြီးချုပ်မှ တရားသူကြီး တာဝန်ပြန်ပေးထားသည့် အတွက် တရားသူကြီးချုပ်ကိုပင်လျှင် သံသယပွား လျှက်ရှိပါသည်။ တရားစီရင်ရေး အာဏာပိုင်ထားသော တရားသူကြီးများသည် ဥပဒေနှင့် အညီ မှန်မှန်ကန်ကန် မျှမျှတတ စီရင်သင့်ပါသည်။ တရားစီရင်ရေး အာဏာရှင် ပုံစံမျိုးဖြင့်ပြည်သူလူထုအားနှစ်ဖက်ရှေ့နေများနှင့်အပေးအယူလုပ်ပြီးငွေများတရားနိုင်လုပ်ရပ်များသည်စစ်မှန်သောဒီမိုကရေစီလမ်းကြောင်းပေါ်လျှောက်လှမ်းရန်ကြိုးစား နေသောနိုင်ငံတော်၏မူဝါဒနှင့်သမ္မတကြီးဦးသိန်းစိန်၏စေတနာကိုစော်ကားနေသူများဖြစ်ကြသည်ဟုမြင်ပါသည်။ မည်သို့ပင်ဆိုစေကာမူနိုင်ငံတော်၏အာဏာစက်တစ်ရပ်ကိုတာဝန်ယူဆောင်ရွက်နေရသည့်တရားစီရင်ရေး အာဏာကို ဥပဒေနှင့်အညီ မှန်မှန်ကန်ကန် မျှမျှတတလမ်းကြောင်းမှန်ပေါ်မှမသွေဖီရလေအောင်ထိန်းကျောင်း ကြပ်မတ်ရမည့်တာဝန်သည်တရားသူကြီးချုပ်အပေါ်တွင်ရှိပါသည်။ယ္ခုအခြေအနေသည်ဥပဒေကိုလက်တစ်လုံး ခြားလှည့်ဖြားပြီးတရားစီရင်ရေးအာဏာစက်ပိုင်ဆိုင်ထားသောတရားသူကြီးများကတရားစီရင်ရေးအာဏာရှင် ဆန်ဆန်ဖြင့်မဟုတ်မမှန်လုပ်နေခြင်းများကိုတရားသူကြီး ချုပ်ကိုယ်တိုင်က၎င်းတို့စီရင်ထားသော အထူးသဖြင့် ဦးအေးလွင်၊ ဦးဌေးအောင်နှင့် ဦးတင်ရှိ်န်တို့ ပါဝင်သော အမှုတွဲများကိုပြန်လည်စစ်ဆေးသင့်ပါသည်။

၎င်းအမှုသည်များကိုကိုယ်ချင်းစာစိတ်ဖြင့်မတရားအမှုများကိုတရားမျှတမှုရှိအောင်ကိုင်တွယ်ပေးစေလိုပါသည်။အထူးစုံစမ်းစစ်ဆေးရေးအဖွဲ့များအနေဖြင့်လည်းတိုင်စာရောက်မှစုံစမ်းစစ်ဆေးသည့်အနေအထားမျိုးမဟုတ်ပဲမသမာမှုပပျောက်ရေးအတွက်အထူးအစီအစဉ်များချမှတ်ပြီးမတရားမှုများကိုဖော်ထုတ်ဆောင်ရွက်သင့် နေပြီဖြစ်ပါသည်။Good Governance , Clean Government ဖြစ်ရေးဖော်ဆောင်လျှက်ရှိသောအချိန်တွင် ယခုကဲ့သို့ အကျင့်ပျက်ခြစားလျှက်ရှိသော ၀န်ထမ်းဆိုးများ အားဖော်ထုတ်၍ ထိုက်တန်သော အပြစ်ဒဏ် များပေး သင့်နေပြီဖြစ်ပါကြောင်း ။ ။ ။

မတရားသူကြီးများ အား တရားသူကြီးများဖြစ်စေလိုသူ

မျိုးမင်းအောင်

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: