ကျွန်တော်တို့လည်း တာဝန်ရှိပါသည်


မောင်ဝေယံ

ဧပြီ ၂ ရက်က ပဉ္စမအကြိမ် ထွန်းဖောင်ဒေးရှင်း ၂၀၁၀ ပြည့်နှစ် စာပေဆု ချီးမြှင့်ပွဲ အခမ်းအနားသို့ တက်ရောက်ခွင့် ရခဲ့ပါသည်။ မြန်မာ စာပေလောက ဖွံ့ဖြိုးရေးကို ပါဝင်ဖြည့်ဆည်းရန်ဟူသော ရည်ရွယ်ချက်ဖြင့် အများအကျိုးပြု စာကောင်းပေမွန်များပေါ်ထွက်ရေးအတွက် ၂၀၀၅ ခုနှစ်မှစတင်၍ တစ်နှစ် အတွင်း ထုတ်ဝေပြီးသော စာအုပ်များထဲမှလည်းကောင်း၊ ယှဉ်ပြိုင်ရန် ဖိတ်ခေါ်သော စာမူများထဲမှလည်းကောင်း ရွေးချယ်၍ ဆုချီးမြှင့်ခြင်း ဖြစ်ပါ သည်။

ဆုရစာအုပ်များထဲတွင်ကျွန်တော်မှတ်မှတ်ထင်ထင် သတိထားမိသည်က စာရေးသူဆရာကျော်ဦး၏ “ဥတုရာသီပြောင်းခဲ့ပြီ”ဟူသောစာအုပ်ဆု ချီးမြှင့်ခြင်း ခံခဲ့ရမှု ဖြစ်သည်။

အမှန်တကယ်တော့ ဒီပတ် ၀န်းကျင်ထိန်းသိမ်းရေးဟူသည့် အကြောင်းအရာကို ကျွန်တော်တို့ပြည်သူလူထု စိတ်ဝင်စားသည် မှာဆယ်စုနှစ်ပင်မပြည့် တတ်သေးဟုထင်၏။ သက်တမ်းနုသော်လည်းယခုတော့ သည်အကြောင်းအရာက တစ်ပြည်လုံး   nation wideattention   သာမက တစ်ကမ္ဘာလုံး ကပါ   world wide attention   အထိ အသိအမှတ်ပြုစိတ်ဝင်စားလာကြ၏။ စိတ်မ၀င်စားလို့လည်းမဖြစ်၊ အမျိုးမျိုးဘေးဆိုး၊  ကပ်ဆိုးများက ဆက်တိုက်ဆိုသလိုကြုံတွေ့နေကြရသည်ကို။

မတ် ၃၀ ရက် နိုင်ငံတော် သမ္မတကြီးက ပြည်သူ့လွှတ်တော်၌ပြောကြားခဲ့သည့် မိန့်ခွန်းတွင် လည်း သဘာဝပတ်ဝန်းကျင် ထိန်းသိမ်းရေးဆိုင်ရာနှင့် ပတ် သက်၍ ဆောင်ရွက်ရမည့် တာ ၀န်တစ်ရပ်အဖြစ် ထည့်သွင်းပြော ကြားသွားခဲ့ပါသည်။ နိုင်ငံတော်သမ္မတက ပြောကြားသည့် မိန့်ခွန်းသည် အစိုးအရ အဖွဲ့၊ ၀န်ထမ်းအသီးသီးတို့အတွက် လုပ်ငန်းလမ်းညွှန်ဖြစ်သလို ပြည်သူပြည်သားတို့အတွက် မျှော်လင့်ချက်လည်း ဖြစ်သည်။ လတ်တလော မိမိတို့နိုင်ငံ အပါအ၀င်တစ်ကမ္ဘာလုံး ကြုံတွေ့နေရသည့် သဘာဝအန္တရာယ်ကိုရတက်မအေး ဖြစ်နေရချိန်လည်း ဖြစ်၏။

အာရှတိုက်က အဆိုးဆုံး။ ကမ္ဘာပေါ်တွင် အာရှတိုက်သည် သဘာဝဘေးအန္တရာယ် အကျရောက်ဆုံးသောဒေသဟု ဆိုပါသည်။ ကျွန်တော်တို့  မြန်မာနိုင်ငံတွင်မူ လူထုတစ်ရပ်လုံး မှတ်မှတ်ထင်ထင် သတိထားမိသည်က ၂၀၀၆ ခုနှစ်နောက်ပိုင်း မာလာ (၂၀၀၆)၊ နာဂစ် (၂၀၀၈)၊ ဂီရိ  (၂၀၁၀)စသော မုန်တိုင်းကြီးများ သာမက ငလျင်အန္တရာယ်များ ကြုံတွေ့ရချိန်ဖြစ်သည်။ ယခု ၂၀၁၁ခုနှစ်တွင်လည်း မကြာသေးမီက ဖြစ်ပွားခဲ့သည့်ဂျပန်ငလျင်၏ နောက်ဆက်တွဲ ဆူနာမီရေလှုိုင်းကြောင့် နျူကလီးယား ဓာတ်ပေါင်းဖိုများပေါက်ကွဲပြီး ရေဒီယို သတ္တိကြွ ဓာတ်ရောင်ခြည် ပတ်ဝန်းကျင်သို့ ပျံ့နှံ့မှုအပေါ် အာရှသားချင်း၎င်းတို့၏ ဘေးဒုက္ခကို စာနာသနားကရုဏာသက်နေစဉ်မှာပင် မိမိတို့နိုင်ငံ၌လည်း အချိန်အခါမဲ့ မိုးရွာသွန်းမှုနှင့်အတူ မတ် ၁၅ ရက်တွင်ဖြစ်ပွားခဲ့သည့် အင်အားကြီးမား ပြင်းထန်သော တာလေငလျင်ကြီးကိုကြုံတွေ့ရသောအခါ သဘာဝဘေးအန္တရာယ်ဆိုသည်က လူတွေကြား ရေပန်းအစားဆုံးစကားလုံးဖြစ်လာရတော့သည်။

သဘာဝပတ်ဝန်းကျင် မပျက်  စီး၊ မချို့ယွင်းအောင် ထိန်းသိမ်း စောင့်ရှောက်ရေးသည်ကား သဘာဝအပေါ် မှီတင်းနေထိုင်ရ သည့် ကမ္ဘာသူ၊ ကမ္ဘာသားအား လုံး၏ တာဝန်ဟုပင် ဆိုရပါမည်။

သဘာဝဘေးအန္တရာယ်ကို တား ထား၍ မရဟုဆိုသော်လည်း ကြို တင်ကာကွယ်ပြင်ဆင်မှုများ ပြု လုပ်ထားနိုင်ပါသည်။ အကောင်း ဆုံးသော ကြိုတင်ကာကွယ်မှုမှာ ရာသီဥတုဖောက်ပြန်ပြောင်းလဲမှု နည်းနိုင်သမျှ နည်းရလေအောင်သဘာဝပတ်ဝန်းကျင်ကို စနစ် တကျထိန်းသိမ်းရေး ပင် ဖြစ်ပါ၏။

သမ္မတ၏ မိန့်ခွန်းတွင်“ဆက်လက်ပြီး ကျွန်တော်တို့ ဆောင်ရွက်ရမယ့် နောက်ထပ်တာ ၀န်တစ်ရပ်ကတော့ သဘာဝပတ် ၀န်းကျင်ထိန်းသိမ်းရေး ပဲ ဖြစ်ပါ တယ်။ ပတ်ဝန်းကျင်ထိန်းသိမ်း ရေးနဲ့ ပတ်သက်ရင် သစ်တော သစ်ပင် ထိန်းသိမ်းရေးကို အ လေးထားမှာဖြစ်သလို လေထု ညစ်ညမ်းမှု နဲ့ ရေထုညစ်ညမ်းမှု များ လျှော့ချရေး၊ စက်ရုံသုံးစွန့်ပစ် ပစ္စည်းများ ထိန်းသိမ်းကြပ်မတ် ရေး၊ သဘာဝသားငှက်တိရစ္ဆာန်များ ထိန်းသိမ်းစောင့်ရှောက်ရေး လုပ်ငန်းများကိုလည်း   ဘက်စုံထောင့်စုံက ဆောင်ရွက်သွားမှာ ဖြစ်ပါတယ်။

ကျွန်တော်တို့ဟာ စီး ပွားရေး ဖွံ့ဖြိုးတိုးတက်မှုနဲ့ သဘာဝပတ်ဝန်းကျင် ထိန်းသိမ်းရေး လို အပ်ချက်ကို ဟန်ချက်ညီညီနဲ့ ထိန်းညှိဆောင်ရွက်ပေးမယ့် မူဝါဒ တစ်ရပ်ကို ချမှတ်သွားမှာဖြစ်ပါ တယ်။ ပတ်ဝန်းကျင်ထိန်းသိမ်း ရေး လုပ်ငန်းများမှာ ပြည်သူများ နဲ့ ပရဟိတ လူမှုအဖွဲ့အစည်းများ ပါဝင်လာအောင် စည်းရုံးဆောင် ရွက်သွားမှာဖြစ်ပြီး ပြန်လည် ပြည့် ဖြိုးမြဲစွမ်းအင်ကဲ့သို့သော နည်း ပညာတွေကို ကုန်ကျစရိတ် သက် သာစွာနဲ့ ကျယ်ကျယ်ပြန့်ပြန့် သုံး စွဲနိုင်အောင် လုပ်ဆောင်သွားမှာ ဖြစ်ပါတယ်။

ပတ်ဝန်းကျင်ထိန်း သိမ်းရေးနဲ့ပတ်သက်တဲ့ ဥပဒေ များကိုလည်း ပြန်လည်သုံးသပ်ပြီး လိုအပ်သလို ပြင်ဆင်ခြင်း၊ ဖြည့် စွက်ခြင်း၊ အသစ်ပြဋ္ဌာန်းနိုင် ရန် ဆောင်ရွက်ခြင်းတို့ကို အလေး ထားလုပ်ဆောင်သွားမှာ ဖြစ်ပါ တယ်”ဟု အတိအလင်းထုတ်ဖော် ပြောကြားသွားခဲ့သည်ကို တွေ့ရ သည်။

ယနေ့ခေတ်၏ လူသား တို့အပေါ် စိန်ခေါ်နေသည့် ပတ် ၀န်းကျင်ထိန်းသိမ်းရေးနှင့်ပတ် သက်၍ အစိုးရ၏မူဝါဒ၊ ချမှတ် မည့် မဟာဗျူဟာ၊ အကောင်အ ထည်ဖော်ဆောင်ရွက်မည့် နည်း ဗျူဟာနှင့် လုပ်ဆောင်မည့် နည်း လမ်းတို့ကို အတိုချုပ်မိန့်ကြား သွားခြင်းဟု နားလည်မိပါသည်။

ကမ္ဘာကြီး ပူနွေးလာမှုကို ထိန်းသိမ်းရန် ရာသီဥတု အပူ၊ အအေး မျှတရန်အတွက် ထိန်း ကျောင်းထားနိုင်သည့် ဂုဏ်သတ္တိ တွင် သစ်ပင်၊ သစ်တောများ ၏ အခန်းကဏ္ဍသည် အဓိကကျလှ ပါသည်။ သစ်တောများသည် ကမ္ဘာပေါ်ရှိ ကာဗွန်ဒိုင်အောက်ဆိုက်စုစုပေါင်း ၂၀ ရာခိုင်နှုန်းကို စုပ်ယူ
ထားနိုင်ပြီး သန့်စင်သောအောက်ဆီဂျင်ကို ပြန်လည်ထုတ်လွှတ်ပေးနိုင်သည်ဟု ဆိုပါသည်။ ထို့အပြင် ဂေဟစနစ်အရ ကြည့်လျှင် သက်ရှိ နှင့် သဘာဝပတ်ဝန်းကျင်သည် တစ်ခုနှင့်တစ်ခု ဆက်စပ်နေပြီးသစ်ပင်၊ သစ်တော၊ ရေမြေအားလုံး ညီညွတ်မျှတမှုရှိရမည် ဖြစ်ပါသည်။
သစ်တောများ ပြုန်းတီးလာ ခြင်းသည် ကာဗွန်ဒိုင်အောက် ဆိုက်ရာခိုင်နှုန်းကို လေထုထဲတွင် ပိုမိုကျန်ရှိစေသဖြင့် စီးပွားရေးဈေးကွက်အရ သစ်တောများ ခုတ်လှဲ ခွင့်ပြုရာတွင်လည်း စဉ်ဆက် မပြတ် ခုတ်လှဲစနစ် ကို အသုံးပြုသင့်ပါသည်။

ထို့အပြင် ထင်းကိုလောင်စာအဖြစ် အသုံးပြုမှုများ လျော့နည်းစေရန်နှင့် ပြန်လည်ကာမိစေရန် ခုတ်လှဲသင့်သော အပင်များကိုသာ ခုတ်လှဲခြင်း၊ ခုတ်လှဲပြီးတိုင်း သစ်ပင်များ ပြန်လည်စိုက်ပျိုးခြင်း၊ ထင်းလောင်စာနှင့် အိမ်ဆောက်ပစ္စည်းများတွင် အသုံးပြုရန် သီးသန့် စိုက်ခင်းများ မြို့၊ ရွာတိုင်းထားရှိ စိုက်ပျိုးခြင်း၊ တစ်အိမ်ထောင် လျှင်တစ်နှစ် သစ်ပင်တစ်ပင် စိုက်ပျိုးကြခြင်းတို့ ပြုလုပ်သင့်ပါသည်။ တစ်ဦးချင်းစီသာထိုအသိ၊ ထိုအတွေးနှင့် မနှေးအကောင်အထည်ဖော်ပါက “စိမ်းနေဦးမည့် အမိမြေ” သည်ကမ္ဘာတည်သရွေ့ တည်ရှိနေသည်မှာ ဧကန်မုချဟုပင် ဆိုလိုက်ချင်ပါသည်။

မှတ်တမ်းများအရ ကမ္ဘာ့ လေထုအတွင်းသို့ ဖန်လုံအိမ်ဓာတ် ငွေ့  Green house Gas   ခေါ် ကာဗွန်ဓာတ်ငွေ့များက ရာစုနှစ် ၀က်အတွင်းမှာပင် အဆ ၄၀၀ မျှ တိုးလာပြီဟု ဆိုပါသည်။ ကမ္ဘာ ပေါ်ရှိ နိုင်ငံအသီးသီး၏ စီးပွား ရေးလုပ်ငန်းကြီးများ အကြီးအ ကျယ် အပြိုင်အဆိုင်တိုးချဲ့လာခြင်း  Commeri-calization   ၏ အကျိုးဆက်ပင်ဖြစ်ပါ၏။

တည် ဆောက်ရေးလုပ်ငန်းများတွင် အသုံးပြုသော စက်ယန္တရားကြီးများကြောင့်လည်း လေထု၊ ရေထု ညစ်ညမ်းမှုဖြစ်ရသည်ဟု ဆိုပါသည်။

လေထု၊ ရေထု ညစ်ညမ်းမှု ကြောင့် လူတို့၏ အတိဒုက္ခရောက် မှုမှာ များလှကြောင်းစုံ ပြောမကုန် ပင်ဖြစ်ပြီး ထိုသို့မဖြစ်ပေါ်ရလေ အောင် လူနေမှု ဖွံ့ဖြိုးတိုးတက်မှု ဆိုင်ရာ လုပ်ငန်းများကို ရပ်တန့် ထားရန်မှာလည်း မဖြစ်နိုင်ပါ။ အထူးသဖြင့် မိမိတို့နိုင်ငံလို ဖွံ့ဖြိုးတိုး တက်ဆဲနိုင်ငံများတွင် ကဏ္ဍအ ရပ်ရပ်ကို “ရွက်စုံဖွင့်တက်ကုန်လွှင့်” ဆောင်ရွက်နေရသည့် ယခုကဲ့သို့သော ကာလမျိုး၌ ပို၍ သတိထား ထိန်းသိမ်းသင့်သည်ကား လေထု ညစ်ညမ်းမှုနှင့် ရေထုညစ် ညမ်းမှု လျှော့ချနိုင်ရေးပင် ဖြစ် ပါသည်။

ထိုသို့ ဆောင်ရွက်နိုင် ရန် သဘာဝပတ်ဝန်းကျင်ထိန်း သိမ်းမှု ဆန်းစစ်ခြင်း   EIA- Environmental Impacts Assesment   ကို ထည့်သွင်း၍ ဟန်ချက်ညီညီဆောင်ရွက်သင့် ကြောင်း ပညာရှင်တို့က အကြံပြု ထားကြပါသည်။ ဖွံ့ဖြိုးတိုးတက်မှု အတွက် အဓိကကျသော စီမံကိန်း များဖြစ်သည့် အထူးစီးပွားရေးဇုန် ကြီးများတွင်  EIA နှင့်ပတ်သက်၍  ဆောင်ရွက်ရသည့် ကုန်ကျမှုငွေ ပမာဏသည် စီမံကိန်းကြီးတစ်ခုလုံး တည်ဆောက်ရာတွင် ကုန်ကျ သည့် ငွေပမာဏ ၅ ရာခိုင်နှုန်း မျှသာ ရှိသည်ဟု ဆိုပါသည်။

 မြန်မာနိုင်ငံသည်လည်း သဘာဝပတ်ဝန်းကျင်ထိန်းသိမ်း ရေးနှင့်ပတ်သက်၍ အစိမ်းသက်သက် မဟုတ်ပါ။

၁၉၉၀ ပြည့်နှစ်က ပြည်ထောင်စု မြန်မာနိုင်ငံ တော် ပတ်ဝန်းကျင်ထိန်းသိမ်းရေး အမျိုးသားကော်မရှင်  NCEA   ကို ဖွဲ့စည်းခဲ့ပြီး   EIA   ကို ထိတွေ့ခွင့်ရ ခဲ့ကြောင်း၊ ၂၀၀၀ ပြည့်နှစ်တွင်  NCEA  ဥက္ကဋ္ဌ၏ ကမကထပြုမှု ဖြင့် ပတ်ဝန်းကျင်ထိန်းသိမ်းရေး ဥပဒေနှင့်   EIA  နည်းဥပဒေကို ရေး ဆွဲခဲ့ဖူးကြောင်း သိရှိရပါသည်။

ထို့ အတွက်  EIA  နှင့် မစိမ်းလှသော ကျွန်တော်တို့နိုင်ငံတွင် စက်မှုနိုင်ငံထူထောင်ရန် ရည်မှန်းချက်ထား ပြီး စီးပွားရေးမူဝါဒ အနေဖြင့် ဈေးကွက် စီးပွားရေး စနစ်ကျင့်သုံးကာ ဆောင်ရွက်နေသော လက်ရှိအခါ သမယ၌ ခေတ်စနစ် လိုအပ်ချက် နှင့်အညီ ဖြစ်တည်ပေါ်ပေါက် လာမည့် စီးပွားရေး အထူးဇုန်ကြီးများ၏ သဘာဝပတ်ဝန်းကျင်ထိန်း သိမ်းရေးဆောင်ရွက်ရာမှာမူ အ ကောင်အထည်ဖော်မည့် ဌာန၊ ဆောင်ရွက်မည့် လုပ်ငန်းရှင်၊ အသိပညာရှင်၊ အတတ်ပညာရှင်၊ ၀န်ထမ်းများနှင့် ဒေသခံပြည်သူ လူထုအပါအ၀င် တစ်ဦးချင်းစီ၌ လည်း တာဝန်ရှိပါသည်။

ယခင်က လူတို့သည် မိမိ တို့ စွန့်ထုတ်လိုက်သော အမှုိုက်သရိုက်၊ အညစ်အကြေးမျိုးစုံ၊ အဆိပ် ငွေ့စသည်တို့ကို ကျယ်ဝန်းလှ သော ကမ္ဘာ၏ လေထု၊ မြေထု၊ ရေ ထုတို့ကသဘာဝအလျောက်ပင် စုပ်ယူပျောက်ကွယ်သွားစေမည်ဟု ထင်မှတ်ကာ စွန့်ချင်တိုင်းစွန့်၊ ထုတ်ချင်တိုင်း ထုတ်ခဲ့ကြ ပါသည်။ ထိုသို့ လူသားတို့၏ သဘာဝပတ် ၀န်းကျင်ကို မထီမဲ့မြင်ပြုမှုတို့ ကြောင့် ကမ္ဘာကြီး ပူနွေးလာမှုသည် လက်ရှိသဘာဝ သားငှက် တိရစ္ဆာန်မျိုးစိတ်အများအပြားကို မျိုးသုဉ်းစေနိုင်သည်အထိ ခြိမ်း ခြောက်လျက်ရှိပါသည်။

ထိုသို့သာ မျိုးစိတ်များ တမျိုးပြီးတမျိုး လျော့နည်းပျောက် ကွယ်လာနေလျှင် နောက်ဆုံး၌ လူတို့၏ အစာအတွက် မှီခိုနေရ သော သတ္တ၀ါနှင့် အပင်မျိုး စိတ် များကိုပါ ထိခိုက်လာနိုင်ပြီး သတ္တ၀ါများထဲတွင် အသိဥာဏ်အမြင့် မားဆုံးဖြစ်သည့် လူသားတို့၏ ရှင် သန်ရေးကိုပါ ခြိမ်းခြောက်လာနေ ပြီဟူသည့် သတင်းကစိုးရိမ်ထိတ်လန့်ဖွယ်၊ တုန်လှုပ်ခြောက်ခြားဖွယ်အခြေအနေသို့ ရောက်နေပြီလောဟုပင်မေးခွန်းထုတ်စရာဖြစ်ပါ၏။

ယနေ့ ကမ္ဘာတွင် ရာသီဥတု သည် သိသာစွာ ပြောင်းလဲနေပြီ ဖြစ်သော်လည်း ဟန်ချက်မပျက် သေးဟု ဆိုပါသည်။ အပူချိန် တက်ခြင်း၊ မုန်တိုင်းအရေ အတွက် နှင့် ပြင်းအားပိုမိုလာခြင်း၊ အချို့ နေရာများတွင် မိုးသည်းထန်ခြင်း၊ အချို့နေရာများတွင် မိုးခေါင်ခြင်း၊ ရေခဲပြင်များ အရည်ပျော်ခြင်း၊ ပင် လယ်ရေမြင့်တက်လာခြင်းစသည့် ရာသီဥတုပြောင်းလဲမှု၏ ဆိုးကျိုး များကို စတင်ရင်ဆိုင်နေရပြီဖြစ် သော်လည်း အလွန့်အလွန့်ဆိုးရွား သည့် အခြေအနေသို့ မရောက် အောင် ထိန်းသိမ်းမည်ဆိုပါက ထိန်းနိုင်ပါသေးသည်ဟု သိပ္ပံ ပညာရှင်တို့က သုံးသပ်ကြပါ သည်။

သို့သော် ရာသီဥတုဆိုင် ရာ အစွန်းရောက်ဖြစ်ရပ်များ မကြာခဏဆိုသလို တွေ့ကြုံလာ ရမှုများက ဟန်ချက်ပျက်မှတ်သို့ ချဉ်းကပ်လာနေပြီဖြစ်ကြောင်း သိ သာနေပြီဖြစ်ပါ၏။

လက်ရှိ မိမိတို့ မျိုးဆက်သည် တစ်ခေတ်ထက်တစ်ခေတ်၊ တစ်ချိန်ထက် တစ်ချိန် ပို၍ ပို၍ အဆင့်မြင့်လာသည့် လူနေမှု ပတ်ဝန်းကျင်ကြောင့် ကောင်း ကျိုးအမျိုးမျိုးကို “စံစား”ခဲ့ကြရသူများဖြစ် ပြီး ရာသီဥတုပြောင်းလဲမှုကြောင့် ဖြစ်ပေါ်လာသော ဆိုးကျိုးများကို မူ ယခုမှ စတင် ခံစားနေကြရခြင်း ဖြစ်ပါ သည်။ မျိုးဆက်သစ်တို့၏ အနာဂတ်တွင် သာယာလှပသော၊ စိမ်းလန်းစိုပြည်သော၊ သဘာဝနှင့်ရာသီဥတု သဟဇာတ မျှတသော လောက ကြီး ဆောင်ကြဉ်းပေးနိုင်ရေးမှာသက်ဆိုင်ရာ အာဏာပိုင်အဖွဲ့အစည်းများသာမကစတုတ္ထမဏ္ဍိုင်အဖြစ်  ခိုင်ခိုင်မာမာ ရပ်တည်နေသည့် မီဒီယာတို့တွင် လည်း အထူးတာဝန်ရှိလှပါသည်။

ကျွန်တော်သည် သဘာဝ ပတ်ဝန်းကျင်ထိန်းသိမ်းမှုဆိုင်ရာ ပညာရှင်တစ်ဦးမဟုတ်ပါ။ သာ မန်ပြည်သူတစ်ဦးမျှသာ ဖြစ်ပါ သည်။ သို့သော် ရင်ဆိုင်ကြုံတွေ့ နေရသည့် သဘာဝဘေးအန္တရာယ် တို့၏ ခါးသီးသော ဆိုးကျိုးကို မခံစား၊ မတွေ့ကြုံလိုပါ။

မိမိတို့တစ်ဦး ချင်းစီသာ တာဝန်ကျေကြလျှင်ဖြင့် မူလဘူတ“နွေ၊ မိုး၊ ဆောင်း”ရာသီဥတုဖြင့် သမမျှတနေသော ကျွန်တော်တို့ မြန်မာနိုင်ငံ၏ ရာသီဥတုသည် ဖောက်မပြန်“ပန်း”ပန်နေနိုင်ပါလိမ့်မည်။

သဘာဝပတ်ဝန်းကျင်ဆိုင်ရာကို ဂရုတစိုက်ထိန်းသိမ်း၊ အစဉ်သဖြင့်ပြုပြင်၊အမြဲတစေချစ်ခင်မြတ်နိုးစိတ်ဖြင့် ဆောင်ရွက်နေလျှင်အချိန်မနှောင်းသေးဟု ယုံကြည်မိပါသည်။

ပြည်ထောင်စုဖွားတိုင်းရင်း သားညီအစ်ကိုမောင်နှမများ ခင်ဗျား…

ကိုယ်နေထိုင်ရာ အမိမြန်မာ ပြည်ကြီး၏ သဘာဝပတ်ဝန်းကျင် ကို ခေတ်နှင့်အညီ တိုးတက်ဖြစ် ထွန်းလာသည့် လူနေမှုစနစ်ကြားဝယ် အတတ်နိုင်ဆုံး မပျက်စီး၊ မချို့ယွင်းရလေအောင် နိုင်ငံတော် အဆင့်မှသည် အဖွဲ့အစည်းများ အလယ် ကျွန်တော်တို့ ပြည်သူ ပြည်သားတစ်ဦးချင်းအဆုံး စည်း စည်းလုံး လုံး ညီညီညွတ်ညွတ်ဖြင့် ထိန်းသိမ်း ကာကွယ်စောင့်ရှောက် ကြပါစို့။ မျိုးဆက်သစ်များအတွက် စိမ်းလန်းစိုပြေ အမိမြန်မာပြည်ကို လက်ဆင့် ကမ်း အမွေပေးနိုင်ရေး အတွက် တက်ညီလက်ညီကြိုးပမ်း ကြပါစို့။             ။

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: