ရခိုင်သယံဇာတ ရွှေဓါတ်ငွေ့ကို အသုံးပြု၍ ရခိုင်ပြည်နယ်တစ်ခုလုံး လျှပ်စစ်ဓါတ်အား အပြည့်အ၀ရရှိရေးအတွက် ရခိုင်ပြည်သူသို့ တင်ပြခြင်း (RNDP)


ရွှေသဘာဝဓါတ်ငွေ့ဖြင့် ရခိုင်ပြည်နယ်တစ်ခုလုံး လျှပ်စစ်ဓါတ်အား ရရှိရေးအဖွဲ့

(ရခိုင်တိုင်းရင်းသားများ တိုးတက်ရေးပါတီ) RNDP

အကြောင်းအရာ။  ။ ရခိုင်သယံဇာတ ရွှေသဘာဝဓါတ်ငွေ့ကို အသုံးပြု၍ ရခိုင်ပြည်နယ်တစ်ခုလုံး လျှပ်စစ်ဓါတ်အား အပြည့်အ၀ရရှိရေးအတွက် ရခိုင်ပြည်သူသို့တင်ပြခြင်း

နိဒါန်း

ရခိုင်ကမ်းရိုးတန်း ဘင်္ဂလားပင်လယ်အော်အတွင်းရှိ ရခိုင်ကမ်းလွန်လုပ်ကွက် အမှတ် A-1 နှင့် A-3 မှသဘာဝဓါတ်ငွေ့ များကို DAEWOO International Corporation က ၁၉-၂–၂၀၁၁ နေ့ နံနက်ပိုင်းမှစ၍ စတင်တူးဖော် ထုတ်လုပ်လျှက်ရှိပါသည်။ ထွက်ရှိလာသော သဘာဝဓါတ်ငွေ့ များကို ရခိုင်ပြည်နယ်သားများ လုံးဝသုံးစွဲနိုင်ခွင့် မရနိုင်ပါ။ ထိုဓါတ်ငွေ့ များကို တရုတ်နိုင်ငံသို့ ပိုက်လိုင်းဖြင့် ပို့လွှတ်ရောင်းချရန်နှင့် မြန်မာနိုင်ငံအလယ်ပိုင်း ဒေသဖွံ့ဖြိုးတိုးတက်ရေးအတွက်သုံးစွဲရန် ၁၉-၉-၂၀၁၁ ရက်နေ့ (ပထမ အကြိမ် အမျိုးသားလွှတ်တော်) ဒုတိယ ပုံမှန်အစည်းအဝေး (၂၀) ရက်မြောက်နေ့တွင် အမှတ် (၂) လျှပ်စစ်စွမ်းအင်ဝန်ကြီးဌာန ပြည်ထောင်စုဝန်ကြီး ဦးခင်မောင်စိုးက အတိအလင်း ပြောကြားခဲ့ပါသည်။

သို့ဖြစ်ပါ၍ ရခိုင်သယံဇာတ ရွှေသဘာဝဓါတ်ငွေ့ ကိုအသုံးပြုခွင့်ရရှိရေး၊ ရခိုင်ပြည်နယ်တစ်ခုလုံး ဈေးနှုန်းချိုသာစွာဖြင့် လျှပ်စစ်ဓါတ်အား ၂၄ နာရီစဉ်ဆက်မပြတ် သုံးစွဲနိုင်ရန်နှင့် ရခိုင်ပြည်နယ်လုံး ဖွံဖြိုးတိုးတက်စေရန်အတွက် “ဤစာတမ်း” ကို “ရွှေသဘာဝဓါတ်ငွေ့ဖြင့် ရခိုင်ပြည်နယ်တစ်ခုလုံး လျှပ်စစ်ဓါတ်အားရရှိရေးအဖွဲ့” (ရခိုင်တိုင်းရင်းသားများတိုးတက်ရေးပါတီ)မှ ရခိုင်ပြည်သူသို့  လးစားစွာတင်ပြအပ်ပါသည်။ (ရခိုင်ပြည်နယ်တစ်ခုလုံး လျှပ်စစ်ဓါတ်အား ပေးရေးစီမံကိန်း) အတွက် (ဓါတ်အားဖြန့် ဖြူးခြင်းစနစ် အဆိုပြုပုံစံ) ကိုလည်း ပူးတွဲတင်ပြအပ်ပါသည်။

ရွှေသဘာဝဓါတ်ငွေ့ တူးဖော်ထုတ်လုပ်မှု လက်ရှိအခြေအနေ

ရခိုင်ကမ်းလွန်လုပ်ကွက် အမှတ် A-1 နှင့် A-3 (ရွှေစီမံကိန်း) ၏ ပထမအဆင့် ဖွံဖြိုးရေးတွင်း ဖြစ်သည့် မြ(မြောက်) ဖွံ့ ဖြိုးရေး အမှတ် (B) ကို စတင်တူးဖော်ခြင်း အခမ်းအနားကို ၁၉-၂-၂၀၁၁ ရက်နံနက်ပိုင်းတွင် ကျင်းပခဲ့သည်။

ယင်းအခမ်းအနားသို့ (နိုင်ငံတော် အေးချမ်းသာယာရေးနှင့်ဖွံဖြိုးရေးကောင်စီ) စွမ်းအင်ဝန်ကြီးဌာန ၀န်ကြီး ဦးလွန်းသီ၊ ဒု-၀န်ကြီး ဦးသန်းဌေးနှင့် တာဝန်ရှိ ပုဂ္ဂိုလ်များ၊ DAEWOO Co.Ltd မှ Senior Vice President Mr.Si Bo. Joo နှင့် တာဝန်ရှိသူများ တက်ရောက်ကြသည်။ (ယင်းနောက် စွမ်းအင်ဝန်ကြီးက) ဖွံ့ဖြိုးရေးတွင်းအမှတ် (B) ကိုစက်ခလုပ်နှိပ်၍ စတက်တူးဖော်ပေးခဲ့ပါသည်။
၂၈-၉-၂၀၁၁ နေ့ နံနက်ပိုင်းတွင် စွမ်းအင်ဝန်ကြီးဌာန ပြည်ထောင်စုဝန်ကြီး ဦးသန်းဌေး၊ ဒု-၀န်ကြီး ဦးစိုးအောင်၊ ရခိုင်ပြည်နယ် ၀န်ကြီးချုပ် ဦးလှမောင်တင် တို့သည် မြ (မြောက်) ဖွံဖြိုးရေးတွင်း အမှတ်(B) ရှိ တွင်းတူးစင်ပေါ်သို့ ရောက်ရှိလာရာ DEAWOO မှ Senior Vice President Mr.Si Bo Joo မှ မြ(မြောက်) ဖွံ့ ဖြိုးရေးတွင်းများ တူးဖော်မှု ရှေ့ဆက်လက်ဆောင်ရွက်ရမည့် လုပ်ငန်းစဉ် များကို ရှင်းလင်းတင်ပြပြီး ၀န်ကြီးက လိုအပ်သည် များကိုညွှန်ကြားခဲ့ပါသည်။

ထို့နောက် ပြည်ထောင်စုဝန်ကြီးနှင့် ပြည်နယ်ဝန်ကြီးချုပ်တို့က တွင်းအမှတ် မြ(မြောက်) (B)၏ (သဘာဝဓါတ်ငွေ့ မီးရှို့စမ်းသပ် ထုတ်လုပ်ရေးခလုပ် ) ကိုဖွင့်၍ အောင်မြင်စွာ မီးရှို့စမ်းသပ်ပေးခဲ့ကြပါသည်။

ရည်ညွန်းချက် ။  ။၂၀၁၁ ခုနှစ် ၊ဖေဖော်ဝါရီလ (၂၀) ရက်နေ့ထုတ် မြန်မာ့အလင်း သတင်းစာအတွဲ(၅၀)၊ အမှတ်(၁၄၃) နှင့် ၂၀၁၁ ခုနှစ်၊အောက်တိုဘာလ (၃၀) ရက်နေ့ထုတ် မြန်မာ့အလင်းသတင်းစာ အတွဲ (၅၀)၊ အမှတ် (၃၅၉)
အထက်ပါအချက်များကို ကြည့်၍ ရခိုင်ကမ်းလွန်ဒေသရှိ သဘာဝဓါတ်ငွေ့ လုပ်ကွက် A-1, A-3 (ရွှေသဘာဝ ဓါတ်ငွေ့ စီမံကိန်း) မှ ရခိုင်သယံဇာတ “ရွှေသဘာဝဓါတ်ငွေ့ ” ကို စတင်ထုတ်လုပ်ပြီး (ရောင်း/၀ယ်) ရန် အသင့်အနေအထားတွင်ရှိကြောင်း သိရှိရပါသည်။
ရခိုင်ကမ်းလွန် လုပ်ကွက် အမှတ် A-1 နှင့် A-3 ရှိ ရွှေ ၊ရွှေဖြူ နှင့် မြ ဘူမိအနေအထားတို့တွင် သဘာဝဓါတ်ငွေ့ ခိုအောင်းမှု ပမာဏ စုစုပေါင်း ၅.၀၀ ထရီလီယံ ကုဗပေ မှ ၉.၀၀ ထရီလီယံ ကုဗပေ အထီရှိကြောင်း ကျွမ်းကျင်ပညာရှင်များ၏ ခန့်မှန်းတွက်ချက်ထားမှုကို သိရှိရပါသည်။ ။

(၁ ဘီလီယံ = သန်းတစ်ထောင် ၊ ၁ ထရီလီယံ = ၁၀၀၀ ဘီလီယံ)

ရွှေသဘာဝ ဓါတ်ငွေ့ ထွက်ရှိလာမှုကို ပြည်ထောင်စု အစိုးရ၏ စီမံ ခန့် ခွဲမှု အခြေအနေ

ရခိုင်ကမ်းရိုးတန်း ဘင်္ဂလာပင်လယ်အော်အတွင်းရှိ “ ရွှေသဘာဝ ဓါတ်ငွေ့လုပ်ကွက်များ A-1 နှင့် A-3 မှထွက်ရှိသည့် SHWE GAS များအနက် (ဓါတ်ငွေ့ ၁၂ ဘီလီယံ ကုဗပေ) ကို တရုတ်နိုင်ငံသို့ နှစ်စဉ်ရောင်းချရန် ရည်ရွယ်ထားသည်။ ထိုရောင်းချမှုမှ (ပိုက်လိုင်းဖြတ်သန်းခနှင့် ဓါတ်ငွေ့ရောင်းချမှု) နှစ်တစ်နှစ်လျှင် အမေရိကန်ဒေါ်လာ ၁ ဘီလီယံ (ဒေါ်လာ သန်းတစ်ထောင်) အနည်းဆုံး ရရှိမည်ဖြစ်သည်။ ထိုဓါတ်ငွ့ဈေးကို ကမ္ဘာ့ပေါက်ဈေးနှင့်အညီဖြစ်စေရန် (၃ လလျှင် ၁ ကြိမ်) ညှိနှိုင်းမည်ဟု DAEWOO မှ ၂၀၀၈ ခုနှစ်တွင် ပြောဆိုထားသည်။

သဘာဝ ဓါတ်ငွေ့ ပိုက်လိုင်း သည် ရခိုင်ပြည်နယ် ကျောက်ဖြူမြို့တွင်စတင်ပြီး တရုတ်ပြည်သို့ (မြန်မာ-ယူနန်) နယ်စပ်တွင် ရွှေလီမြို့ မှ တဆင့် ၀င်ရောက်မည်။ တရုတ်နိုင်ငံ ကွေ့ကျိုးနှင့် ကွမ်းရှီးပြည်နယ်များအထိ မိုင်ပေါင်း ၁၇၅၃ မိုင်( 2804 KM) ရှည်လျားမည် ဖြစ်ပါ သည်။

တရုတ်နိုင်ငံ၏ စွမ်းအင်လုံခြုံရေးသည် တရတ်နိုင်ငံ၏ အမျိုးသားလုံခြံရေး ဖြစ်နေချိန်ဖြစ်ပါသည်။ တရုတ်နိုင်ငံ စီးပွားရေးဖွံ့ ဖြိုးတိုးတက်မှုအတွက် စွမ်းအင်ကဏ္ဍ လုံခြုံရေးသည် အသက်သွေးကြောသဖွယ် ဖြစ်နေချိန်ဖြစ်သည်။

ထို့ကြောင့် တရုတ်နိုင်ငံသည် မိမိ၏အသက်သွေးကြောဖြစ်သည့် စွမ်းအင်လမ်းကြောင်းများကို တခြားနိုင်ငံတစ်ခုမှ ဖြတ်သန်းခြင်းသည် များစွာ စွန့်စားရသော်လည်း (မြန်မာနှင့် တရုတ်)၏ (ပထ၀ီအနေအထား နီးကပ်မှု )နှင့် (နိုင်ငံရေးအရနီးစပ်မှု) တို့ကြောင့် ယခုကဲ့သို့ အကောင်အထည် ပေါ်လာခြင်းဖြစ်သည်။

ဤကဲ့သို့ (ရွှေသဘာဝဓါတ်ငွေ့စီမံကိန်း) ပေါ်ပေါက်လာခြင်းကြောင့် ရရှိလာသော (Geo-economics Benefits) (ပထ၀ီ ၀င်စီးပွားရေး အကျိုးအမြတ်များ)သည် တရုတ်နိုင်ငံအတွက် အတိုင်းအတာတစ်ခုအထိ အကျိုးရှိပြီးဖြစ်ပါသည်။

ထို့အတူ (ယခင်နိုင်ငံတော် အေးချမ်းသာယာရေး နှင့် ဖွံ့ဖြိုးရေးကောင်စီ)နှင့် (ယခုပြည်ထောင်စုသမ္မတ မြန်မာနိုင်ငံတော်အစိုးရ) တို့ အတွက်လည်း ပမာဏ အတိုင်းအတာတစ်ခုအထိ အကျိုးရှိ ပြီးလည်း ဖြစ်ပါသည်။

ကျွန်ုပ်တို့ ရခိုင်ပြည်နယ်နှင့် ရခိုင်ပြည်သူလူ ထုတစ်ရပ်လုံးအတွက် မည်ကဲ့သို့သော တန်းတူညီမျှမှု (Equality)နှင့် ဖွံဖြိုးတိုးတက်မှု (Development)ကို ရွှေသဘာဝဓါတ်ငွေ့စီမံကိန်းနှင့် ပတ်သက်၍ ရရှိပါသနည်း ဆိုသည်ကို ဆက်လက်တင်ပြပါမည်။

၂၀၁၁ ခုနှစ် စက်တင်ဘာလ (၁၉) ရက် ပထမအကြိမ် အမျိုးသားလွှတ်တော် /ဒုတိယ ပုံမှန်အစည်းအဝေးတွင် အမှတ်(၂) လျှပ်စစ် စွမ်းအားဝန်ကြီးဌာန ပြည်ထောင်စုဝန်ကြီး ဦးခင်မောင်စိုး က အောက်ပါ အချက်များကို ပြောကြားခဲ့သည်။

(၁) ရွှေစီမံကိန်းမှ ထွက်ရှိလာသည့် သဘာဝဓါတ်ငွေ့များကို ရွှေစီမံကိန်းလုပ်ငန်းအဖွဲ့ဝင်များနှင့် တရုတ်နိုင်ငံ (CHINA NATIONAL UNITED CORPORATION) တို့အကြား “သဘာဝဓါတ်ငွေ့ဝယ်ယူရေးစာချုပ်” ကို သဘောတူ လက်မှတ်ရေးထိုးခဲ့ကြပြီး ကတိက၀တ် ပြုပြီးလည်းဖြစ်သည်။

(၂) ယင်းစာချုပ်မှာ (မြန်မာနိုင်ငံက ပမာဏ မည်မျှသုံးစွဲမည်။ တရုတ်နိုင်ငံသို့ မည်မျှရောင်းချမည်။) တို့ကို စီမံကိန်း ကာလ အနှစ် ၃၀ (နှစ်ပေါင်းသုံးဆယ်) အတွက် ကတိက၀တ်ပြုထားပြိးဖြစ်သည်။

(၃) ရခိုင်ကမ်းလွန် ရွှေစီမံကိန်းမှ သဘာဝဓါတ်ငွေ့များကို နိုင်ငံတော်၏ သဘာဝဓါတ်ငွေ့သုံးစွဲနေမည့် စက်မှုကဏ္ဍများသို့ ဦးစားပေး ပို့လွှတ်မည်။

(၄) ရွှေစီမံကိန်းမှ ပြည်တွင်းလိုအပ်ချက်များကို ဖြည့်ဆည်းနိုင်ရန်အတွက် တစ်နေ့လျှင် သဘာဝဓါတ်ငွေ့ ကုဗပေသန်း(၁၀၀)ကို ပြည်တွင်း သုံးနေရာတွင် ရယူရန်စီစဉ်ထားသည်။

အထက်ပါ အချက်(၄ )နှင့် ပတ်သက်၍ The voice weekly Journal vol.7, No.19 Mon-day; April 25th May 1st 2011 ရန်ကုန် ဧပြီ-၅၊ တွင် အောက်ပါအတိုင်း ဖော်ပြထားသည်။

(ယင်းဓါတ်ငွေ့ ပိုက်လိုင်း ကို မန္တလေးတိုင်း ဒေသကြီးနှင့် နေပြည်တော်ဒေသခံများအတွက် လျှပ်စစ်နှင့် အခြားစွမ်းအင်များလွယ်လင့် တကူ သုံးစွဲနိုင်ရန် ရည်ရွယ်ထားသည်။ ယင်းဓါတ်ငွေ ပိုက်လိုင်းကို ရွှေသဘာဝ လုပ်ကွက်မှ သွယ်တန်းကြောင်းကို (နေပြည်တော်ရှိ စွမ်းအင်ဝန်ကြီးဌာန) မှ (လက်ထောက် ညွှန်ကြားရေးမှူးတစ်ဦး ) က Voice Weekly သို့ပြောကြားခဲ့သည်။

၂၀၁၁ ခုနှစ် စက်တင်ဘလ (၁၉) ရက်နေ့ (ပထမအကြိမ် အမျိုးသားလွတ်တော်/ ဒုတိယပုံမှန် အစည်းအဝေး) တွင် ရခိုင်ပြည်နယ် မဲ ဆန္ဒနယ် (၂) အမျိုးသားလွှတ်တော် ကိုယ်စားလှယ် ဦးကျော်ကျော်၏ ရခိုင်ပြည်နယ်ဖွံဖြိုးတိုးတက်စေရန် (ကျောက်ဖြူကမ်းလွန် သဘာဝဓါတ်ငွေ့) ကိုအခြေပြု၍ ရခိုင်ပြည်နယ်တွင် မဟာဓါတ်အားလိုင်းရရှိရေး ဆောင်ရွက်ပေးနိုင်ရန် (အစီအစဉ် ရှိ/ မရှိ) မေးခွန်းကို –
အမှတ်(၂) လျှပ်စစ် စွမ်းအားဝန်ကြီးဌာန၊ ပြည်ထောင်စုဝန်ကြီး ဦးခင်မောင်စိုးက အောက်ပါအတိုင်း ဖြေကြားခဲ့သည်။

(ယခုအခါ ရခိုင်ပြည်နယ်အတွင်း ပြည်သူများ လျှပ်စစ်ဓါတ်အား အပြည့်အ၀ အသုံးပြုနိုင်ရေးအတွက် (သူဌေးချောင်း ၊စိုင်းဒင် ၊လေးမြို့၊ အမ်း) စသည့် ရေအားလျှပ်စစ်စီမံကိန်းများ လေ့လာဆောင်ရွက်လျှက်ရှိပါကြောင်း) အဆိုပါ စီမံကိန်းများမှ ထွက်ရှိလာမည့် လျှပ်စစ်ဓါတ်အားပမာဏသည် ဒေသတွင်း လျှပ်စစ်ဓါတ်အား လုံလောက်စွာအသုံးပြုနိုင်မည်ဖြစ်ပြီး ပိုလျှံသည့် ဓါတ်အားများကို နိုင်ငံတော် ဓါတ်အားစနစ်နှင့် ချိတ်ဆက်ပို့လွှတ်သွားမည်ဖြစ်ကြောင်း။ ယင်းစီမံကိန်းများနှင့် ဆက်စပ်၍ (230 KV) မဟာ ဓါတ်အား လိုင်းကြီးများ၊ ပင်မဓါတ်အားခွဲ ရုံကြီးများ တည်ဆောက်ကာ ဓါတ်အားကွန်ယက်တစ်ခု တည်ဆောက်ရန် စီမံကိန်းများ ချမှတ်ဆောင် ရွက်နေပါကြောင်းနှင့် (လိုအပ်သည့် အခြေအနေရှိမှသာ) သဘာဝဓါတ်ငွေ့သုံး ဓါတ်အားပေးစက်ရုံ တည်ဆောက်ရန် စီမံဆောင်ရွက် သွားမည် ဖြစ်ပါကြောင်း ဖြေကြားသွားခဲ့ ပါသည်။

ပထမအကြိမ် ပြည်သူ့လွှတ်တော် ဒုတိယ ပုံမှန်အစည်းအဝေး ၂၆ ရက်မြောက် စက်တင်ဘာလ ၂၇ ရက်နေ့တွင် ကျောက်ဖြူ မဲဆန္ဒမှ ပြည်သူ့လွှတ်တော်ကိုယ်စားလှယ် ဦးဘရှိန်၏မေးခွန်းကို စွမ်းအင်ဝန်ကြီးဌာန ပြည်ထောင်စုဝန်ကြီး ဦးသန်းဌေးက အောက်ပါအတိုင်း ဖြေကြားခဲ့ပါသည်။

ရည်ညွန်းချက်။ ။ ၂၀၁၁ ခုနှစ် စက်တင်ဘာလ ၂၈ ရက် နေ့ မြန်မာအလင်း သတင်းစာအတွဲ (၅၀) အမှတ် (၃၇၅)

မေး- ( ဦးဘရှိန်)။    ။ ရခိုင်ပြည်နယ် ကျောက်ဖြူ မြို့၏ မြောက်ဘက် မိုင် ၂၅ မိုင်ခန့်အကွာရှိ ရွှေသဘာဝဓါတ်ငွေ့ တွင်းများမှ ဓါတ်ငွေ့ များကို မြို့၏ အနောက်တောင်ဘက် ၆ မိုင်ခန့်အကွာရှိ မလကျွန်း ကျေးရွာအနီးရှိ တည်ဆောက်နေသည့် စက်ရုံမှ သန့်စင်ပြီး သဘာဝ ဓါတ်ငွေ့ တစ်စုံတစ်ရာကို အသုံးပြု၍ ကျောက်ဖြူမြို့အတွက် လျှပ်စစ်ဓါတ်အားပေးမည့်လုပ်ငန်းကို ဆောင်ရွက်ပေးရန် အစီအစဉ် ရှိ/ မရှိနှင့် နိုင်ငံတော်၏ မဟာဓါတ်အားလိုင်းများမှ ကျောက်ဖြူမြို့အတွက် လျှပ်စစ်ဓါတ်အား ဖြန့်ဖြူးပေးရန် အစီအစဉ် ရှိ/ မရှိ သိလိုကြောင်း မေးမြန်းပါသည်။

ဖြေ- (ဦးသန်းဌေး)။  ။ ကျောက်ဖြူမြို့ မှ ၆.၄ မိုင်ခန့်အကွာရှိ မလကျွန်းကျေးရွာအနီး သဘာဝဓါတ်ငွေ့ လက်ခံစခန်းမှ သန့်စင်ပြီး ဓါတ်ငွေ့များကို မြန်မာ-တရုတ် သဘာဝဓါတ်ငွေ့ပိုက်လိုင်းအတွင်းသို့ ပို့လွှတ်သွားမည်ဖြစ်ပါကြောင်း ။ ယခုအချိန်အတွင်မှ နောက်စီမံ ကိန်းတစ်ခုအတွက် စာချုပ်ကို ဆန့်ကျင်၍ ဓါတ်ငွေ့အသုံးပြုရန် မဖြစ်နိုင်ပါကြောင်း။ (သဘာဝဓါတ်ငွေ့သုံး ဓါတ်အားပေးစက်ရုံများ၏ ကနဦး မတည်ရင်းနှီးစရိတ်သည် ရေအားလျှပ်စစ် ဓါတ်အားပေးစက်ရုံများ၏ ကနဦး မတည်ရင်းနှီး စရီတ်ထက်သက်သာသော်လည်း လျှပ်စစ်ဓ်ါအား ထုတ်လုပ်မှုအတွက် လောင်စာဓါတ်ငွေ့အသုံးပြုသဖြင့် လျှပ်စစ်ဓါတ်အားထုတ်လုပ်မှု ကုန်ကျစရိတ်သည် ရေအားလျှပ်စစ်ဓါတ်အားပေးစက်ရုံများမှ ထုတ်လုပ်မှုထက် အလွန်များပြားပါကြောင်း။ ထို့ကြောင့် ရေအားလျှပ်စစ် ဓါတ်အားထုတ်လုပ် နိုင်ရန် အလားအလာရှိသော ဒေသများတွင် အများအားဖြင့် ရေအားလျှပ်စစ်စက်ရုံများကိုသာ တည်ဆောက်လေ့ ရှိပါကြောင်း။

ယခုအခါ ရခိုင်ပြည်နယ်အတွင်း ပြည်သူများ လျှပ်စစ်ဓါတ်အား အပြည့်အ၀အသုံးပြုနိုင်စေရေးအတွက် (သူဌေးချောင်း၊ အမ်း၊ လေးမြို့ ၊ စိုင်းဒင်) စီမံကိန်းများကို ဆောင်ရွက်ရန် စီမံကိန်းများချမှတ်ထားပြီးဖြစ်သည်ကို အမှတ်(၁) လျှပ်စစ် စွမ်းအင်ဝန်ကြီးဌာနမှတဆင့် သိရှိရပါကြောင်း ထို့အပြင် အမှတ်(၂) လျှပ်စစ်စွမ်းအင်ဝန်ကြီးဌာနအနေနှင့်လည်း အဆိုပါရေအားလျှပ်စစ်စီမံကိန်းများနှင့် ဆက်စက်၍ (230 KV) မဟာဓါတ်အား လိုင်းကြီးများ ပင်မဓါတ်အားခွဲရုံ ကြီးများတည်ဆောက်ကာ ဓါတ်အားကွန်ယက်တစ်ခုကို တည်ဆောက်ရန် စီမံကိန်းများ ချမှတ်ဆောင်ရွက်နေသည်ကို သိရပါကြောင်း။

သို့ဖြစ်ပါ၍ လောလောဆယ် ရွှေစီမံကိန်းမှ သဘာဝဓါတ်ငွေ့ကို ကျောက်ဖြူမြို့တွင် လျှပ်စစ်ဓါတ်အားရရှိရေးအတွက် ပြောင်းလဲ သုံးစွဲရန် မဖြစ်နိုင်သေးပါကြောင်း။ နောင်တွင် ရခိုင်ကမ်းလွန်ဒေသမှ သဘာဝဓါတ်ငွေ့များ ထပ်မံတွေ့ရှိထုတ်လုပ်နိုင်သည့်အချိန်တွင် သဘာဝဓါတ်ငွေ့သုံး ဓါတ်အားပေးစက်ရုံများ တည်ဆောက်ရန် လိုအပ်သည့်အခြေအနေရှိသေးပါက ညှိနှိုင်းဆောင်ရွက်ပေး သွားမည် ဖြစ်ကြောင်း ပြန်လည်ဖြေကြားသည်။

ထို ရေအားလျှပ်စစ် စီမံကိန်းများ မတည်ဆောက်မီ ကြိုတင်လေ့လာဆန်းစစ်မှုများ၊ တိုင်းတာမှုများ ပြုလုပ်ရန်အတွက် အနည်းဆုံး ၂ နှစ်မှ ၃ နှစ်ထိ ကြာမြင့်နိုင်ပြီး နောက်ထပ်တည်ဆောက်ရေး ကာလအနေဖြင့် ၅ နှစ်ခန့် ကြာမြင့် မည်ဖြစ်သည်။ ရေအားလျှပ်စစ် ဓါတ်အားပေး စက်ရုံတစ်ခု ပြီးမြောက်ရန် လုပ်ငန်းကိစ္စအ၀၀ အဆင်ပြေချောမွေ့မှသာ အနည်းဆုံး ၅ နှစ်မှ ၁၀ နှစ်ထိ ကြာမြင့် နိုင်သည်။ ထို့ကြောင့် ရခိုင်ပြည်သူတို့အနေဖြင့် ရေအားလျှပ်စစ်မှ ဓါတ်အားရရှိရန် အစောဆုံး ဆယ်စုနှစ်တစ်ခုမျှ စောင့်ရမည်ဖြစ်သည်။ (သို့သော် ဒဏ္ဍရီထဲ့မှ ဖြစ်ပျက်သဘောရှိသည့် စိုင်းဒင်စီမံကိန်းကြောင့် ရခိုင်ပြည်သူတို့သည် ရေအား လျှပ်စစ်ကို အယုံအကြည် မရှိတော့ပါ။)

ရည်ညွန်းချက် ။ ၂၀၁၁ ခုနှစ် စက်တင်ဘာလ(၃၀) မြန်မာ့အလင်းသတင်းစာ အတွဲ(၅၀) အမှတ်(၃၅၉)

ပထမအကြိမ် အမျိုးသားလွှတ်တော်/ဒုတိယ ပုံမှန်အစည်းအဝေး ၂၇ ရက်မြောက်နေ့တွင် ရခိုင်ပြည်နယ် မဲဆန္ဒနယ်(၁)မှ အမျိုးသားလွှတ်တော်ကိုယ်စားလှယ် ဒေါက်တာအေးမောင်က လေးမြို့ရေအားလျှပ်စစ်စီမံကိန်းနှင့် စိုင်းဒင်ရေအားလျှပ်စစ်စီမံကိန်းတို့ ၏ သဘာဝအရင်းအမြစ် ပျက်စီးထိခိုက်မှုနှင့် အကျိုးပြုမှု လေ့လာဆန်းစစ်သည့် စာတမ်းအား ပညာရှင်အဖွဲ့ဖြင့် ကောက်ယူမှုရှိပါက ဒေသခံပြည်သူများသိရှိအောင် ထုတ်ပြန်ပေးရန် အစီအစဉ် ရှိ/ မရှိ ၊ အစီရင်ခံစာအရ ကျိုးကြောင်းခိုင်လုံသဖြင့် စီမံကိန်းစတင်မည် ဆိုပါက စတင်မည့်ကာလ၊ ပြီးစီးမည့်ကာလနှင့်၊ ဓါတ်အားသုံးစွဲမှု (အစီအစည်ကိုသိရှိလိုမှု)၊ လေးမြိုနှင့် စိုင်းဒင် ရေအားလျှပ်စစ် စီမံကိန်း တို့ ကာလကြာရှည်မည်ဆိုလျှင် ရွှေသဘာဝဓါတ်ငွေ့သိုက်မှ ဓါတ်ငွေ့ဖြင့် ရခိုင်ပြည်နယ်တ၀ှမ်း ဓါတ်အားပေးစက်ရုံ တည်ဆောက် ပေးရန် ရှိ/ မရှိ ၊ ပြည်ထောင်စု မဟာဓါတ်အားလိုင်းမှ တဆင့် ရခိုင်ပြည်နယ်မြို့များသို့ ဓါတ်အားပို့လွှတ်ရန်အစီအစဉ် ရှိ/ မရှိ နှင့် မရှိပါက ရခိုင်ပြည်နယ်၏ စက်မှု ဖွံ့ဖြိုးမှုကဏ္ဍကို အကောင်အထည်ဖော်မည့် အစီအမံကို သိရှိလိုပါကြောင်း မေးခွန်းမေးမြန်းသည်။

အဆိုပါမေးခွန်းကို အမှတ်(၁) လျှပ်စစ်စွမ်းအင်ဝန်ကြီးဌာန ပြည်ထောင်စုဝန်ကြီး ဦးဇော်မင်းက အောက်ပါအတိုင်း ဖြေကြားသည်။

လေးမြို့နှင့် စိုင်းဒင်ရေအား လျှပ်စစ်စီမံကိန်းများ၏ ပတ်ဝန်းကျင်သက်ရောက်မှုနှင့် အကျိုးပြုမှု လေ့လာချက်အစီရင်ခံစာကို သက်ဆိုင်ရာကုမ္ပဏီမှ လေ့လာဆောင်ရွက်ပြီးပါက အမှတ်(၁) လျှပ်စစ်စွမ်းအင်ဝန်ကြီးဌာနမှ ပတ်ဝန်းကျင်ထိန်းသိမ်းရေးနှင့် သစ်တောရေးရာဝန်ကြီးဌာနသို့ ဆက်လက်အပ်နှံပြီး ၄င်းတို့မှ လေ့လာစီစစ်သုံးသပ်၍ အတည်ပြုသည် အခါ အဆိုပါအစီရင်ခံစာကို ပြည်သူများဖတ်ရှုနိုင်ရန် ထိုအချိန်တွင် ဖြစ်ပေါ်လာမည့် သက်ဆိုင်ရာ ရေအားလျှပ်စစ် စီမံကိန်း၏ Website တွင် ထုတ်ပြန်ကြေငြာ မည်ဖြစ်ပါကြောင်း။ ထိုစီမံကိန်းများသည် ဖြစ်နိုင်ခြေ ရှိ/ မရှိ စူးစမ်းလေ့လာနေဆဲ ဖြစ်ပြီး စတင်တည်ဆောက်သောအချိန်မှစ၍ ၅ နှစ် မှ ၈ နှစ် အကြား တည်ဆောက်ချိန် ကြာမည်ဖြစ်ပါကြောင်း။ ထွက်ရှိလာသော ဓါတ်အားကို ရခိုင်ပြည်နယ်အတွင်း ဖြန့်ဝေမည့်အပြင် မဟာဓါတ်အားလိုင်းနှင့် ဆက်သွယ်၍ အမှတ်(၂) လျှပ်စစ် စွမ်းအင် ၀န်ကြီးဌာန၏ အစီအစဉ်ဖြင့် ဆောင်ရွက်မည်ဖြစ်ပါကြောင်း။ ကနဦး မတည်ရင်းနှီးစရိတ်နှင့်ပတ်သက်၍ သဘာဝဓါတ်ငွေ့သုံး ဓါတ်အားပေးစက်ရုံများ၏စရိတ်သည် ရေအားလျှပ်စစ်ဓါတ်အားပေး စက်ရုံများ၏စရိတ်ထက် သက်သာသော်လည်း လျှပ်စစ်ဓါတ်အား ထုတ်လုပ်မှုစရိတ်သည် သဘာဝဓါတ်ငွေ့သုံး ဓါတ်အားပေး စက်ရုံများ တွင် လောင်စာဓါတ်ငွေ့ကိုအသုံး ပြုရသဖြင့် ကုန်ကျစရိတ်အလွန်များပြားသောကြာင့် ရေအားလျှပ်စစ်ထုတ်လုပ်ရန် အလားအလာ ရှိသောဒေသများတွင် ရေအားလျှပ်စစ်စက်ရုံများကိုသာ အများအားဖြင့် တည်ဆောက်လေ့ ရှိကြပါကြောင်း။

ရခိုင်ပြည်နယ်အတွက် နိုင်ငံတော် ဓါတ်အားစနစ်ကို(မတိုးချဲ့) နိုင်ခဲ့သော်လည်း ဒေသအတွင်း လျှပ်စစ်ဓါတ်အား သုံးစွဲရေးအတွက် နိုင်ငံတော်အစိုးရ ဒီဇယ်စက်များ တပ်ဆင်ပေးခြင်း လောင်စာဆီများ ထောက်ပံ့ပေးခြင်းဖြင့် ပြည်သူများ လျှပ်စစ်ဓါတ်အား အသုံးပြုခွင့် ရရှိပြီးဖြစ်ပါကြောင်း။

ရခိုင်ပြည်နယ်ဒေသတွင် အကောင်အထည်ဖော်ဆောင်ရွက်ရန် စီမံနေသည့် (ရေအားလျှပ်စစ်စီမံကိန်းနှင့်ဆက်စပ်၍ (230 KV) မဟာဓါတ်အားလိုင်းကြီးများ ပင်မဓါတ်အားခွဲရုံကြီးများကို (ရေအားလျှပ်စစ် စီမံကိန်း )နှင့် တချိန်တည်း အပြီးသတ်တည်ဆောက်နိုင်ရန် စီမံလျာ ထားလျှက်ရှိပြီး ( အဆိုပါ ရေအားလျှပ်စစ်စီမံကိန်းမပြီးစီးမီ) ရခိုင်ပြည်သူလူထုမှ လျှပ်စစ်ဓါတ်အားကို အပြည့်အ၀ သုံးစွဲနိုင်ရန် ရှေးရှုလျက် (အိန္ဒီယနိုင်ငံမှ ချေးငွေဖြင့် ဥသျှစ်ပင် တောင်ကုတ် ၊တောင်ကုတ်-မအီ- အမ်း၊ မအီ- စနဲ ခုံမင်းလမ်းဆုံ(ကျောက်ဖြူ) ၊(အမ်း-မန်း)နှင့် (ဥသျှစ်ပင် -တောင်ကုတ်) ၊သူဌေးချောင်း မဟာဓါတ်အားလိုင်းများ (တောင်ကုတ် ဓါတ်အားခွဲစက်ရုံ)နှင့် (မန်းဓါတ်အားခွဲရုံ) များကို အကောင်အတည်ဖော်ဆောင်ရွက်ရန် လျာထားပါကြောင်း။

ထို့အပြင် အိန္ဒိယချေးငွေဖြင့် တည်ဆောက်သော ဓါတ်အားကွန်ယက်မှ ၄င်းသူဌေးချောင်း၊ လေးမြို့၊ စိုင်းဒင်စသောရေအားလျှပ်စစ် စီမံကိန်းများမှ ၄င်းရရှိသော ဓါတ်အားဖြင့် ရခိုင်တပြည်နယ်လုံး မီးလင်းနိုင်ရေးအတွက် (၂၃၀ KV) ဓါတ်အားလိုင်းစုစုပေါင်း မိုင် ၁၁၀ ၊ (66 KV) ဓါတ်အားလိုင်းစုစုပေါင်း ၂၂၃ မိုင် (33 KV) ၊ ဓါတ်အားလိုင်းစုစုပေါင်း ၂၇ မိုင် နှင့် ဓါတ်အားခွဲစက်ရုံ ၁၃ ရုံ တို့ကို ဆက်လက် တည်ဆောက်သွားမည်ဖြစ်ပါကြောင်း ဖြေကြားသွားသည်။

စာမျက်နှာများတို့တွင် ဖော်ပြထားသော (ရတပ) လွှတ်တော် ကိုယ်စားလှယ် သုံးဦး၏ မေးခွန်းများနှင့် ပြည်ထောင်စုဝန်ကြီး သုံးဦး၏ အဖြေများကို လေ့လာဆန်းစစ်ကြည့်လျှင် ရခိုင်ကမ်းလွန် ရွှေသဘာဝဓါတ်ငွေ့စီမံကိန်းမှ ထွက်ရှိလာသည့် သဘာဝဓါတ်ငွေ့များကို အသုံးပြု၍ (ရခိုင်ပြည်နယ်)အတွက် လျှပ်စစ်ဓါတ်အားရရှိရန် သဘာဝဓါတ်ငွေ့သုံး ဓါတ်အားပေးစက်ရုံ တည်ဆောက်ခွင့်ပေးရန် အစီအစဉ်လုံးဝ မရှိကြောင်းနှင့် သဘာဝဓါတ်ငွေ့ကို ရခိုင်ပြည်နယ်အတွက် လုံးဝအသုံးပြုမည် မဟုတ်ကြောင်း သိသာနိုင်ပါသည်။

ကျွန်ုပ်တို့ ရခိုင်ပြည်နယ်၏ ယနေ့ကာလ Electricity (လျှပ်စစ်ဓါတ်အား) တပ်ဆင်သုံးစွဲမှု အခြေအနေ

၁။ လျှပ်စစ်ဓါတ်အားသုံးစွဲမှု (ယူနစ်သန်း) MILLION UNIT

(၃၀.၁၂.၂၀၀၉) အထိ ရခိုင်ပြည်နယ်၏ လျှပ်စစ်ဓါတ်အားသုံးစွဲမှု = 6.111 (Million Unit)၊ (၃၀.၁၂.၂၀၀၉) အထိ မြန်မာ တနိုင်ငံလုံး၏ လျှပ်စစ်ဓါတ်အားသုံးစွဲမှု=7662.56 (Million Unit)၊ ရခိုင်ပြည်နယ်၏ ယူနစ်သန်း (million unit) သုံးစွဲမှု %=6.111/7662.56 x100=00.08 %

(၂) ၀န်အားသုံးစွဲမှု MAXIMUM LAOAD (MW)

(၃၀.၁၂.၂၀၀၉) အထိ ရခိုင်ပြည်နယ်၏ ၀န်အားသုံးစွဲမှု Maximum Load= 8.8 MW၊ (၃၀.၁၂.၂၀၀၉) အထိ မြန်မာတနိုင်ငံလုံး ၏ ၀န်အား သုံးစွဲမှု Maximum Load= 1273.36 MW၊ ရခိုင်ပြည်နယ်၏ ၀န်အားသုံးစွဲမှု Maximum Load(MW) %= 8.8/1273.36 x100=00.69 %

(၃) စက်တက်ဆင်အား INSTALLED CAPACITY (MW)

(၃၀.၁၂.၂၀၀၉) အထိ ရခိုင်ပြည်နယ်၏ စက်တက်ဆင်အား (Installed Capacity)=17.411 MW၊ (၃၀.၁၂.၂၀၀၉) အထိ မြန်မာတနိုင်ငံလုံး၏ စက်တက်ဆင်အား (Installed Capacity)=2998.307 MW၊ ရခိုင်ပြည်နယ်၏ ၀န်အားသုံးစွဲမှု Maximum Load(MW) %= 127.411/2998.307 x100=0.58 %

(၄) မီတာအရေအတွက် (Number of Measurement Meters)

ရခိုင်တပြည်နယ်လုံး၏ မီတာအရေအတွက် = 27164 No၊ မြန်မာတနိုင်ငံလုံးရှိ မီတာအရေအတွက် = 1992477 No၊ ရခိုင်ပြည်နယ်၏ လျှပ်စစ်တပ်ဆင်သုံးစွဲမှု ရာခိုင်နှုန်း = 27164/1992477*100=1.36 %

ရည်ညွန်းချက် ။      ။ တပ်မတော်အစိုးရလက်ထက် နိုင်ငံတော်ဖွံဖြိုးတိုးတက်မှုမှတ်တမ်း (၁၉၈၈-၃၁-၁၂-၂၀၀၉)

အထက်ပါ တွက်ချက်တင်ပြထားသော အချက်အလက်များသည် (၃၁-၁၂-၂၀၀၉) အထိ တည်ရှိသော အချက်အလက်များသာ ဖြစ်ပါသည်။ (ရခိုင်ပြည်နယ်အတွက်) အထက်ဖေါ်ပြပါ ကဏ္ဍလေးခုနှင့် ပတ်သက်၍ ထူးခြား စွာတိုးတက်လာစရာ အကြောင်းမရှိပါ။ တွက်ချက်တင်ပြထားသော (၁) လျှပ်စစ်ဓါတ်အားသုံးစွဲမှု၊ (၂) ၀န်အားသုံးစွဲမှု၊ (၃) စက်တပ်ဆင်အား၊ (၄) မီတာအလုံးအရေအတွက် (လျှပ်စစ်နှင့် သက်ဆိုင်သော အဓီကကဏ္ဍ ၄ ခု )ကို လေ့လာဆန်းစစ်ကြည့်လျှင် ရခိုင်ပြည်နယ်၏ တပ်ဆင်သုံးစွဲမှုများသည် မြန်မာ တနိုင်ငံလုံး၏ တပ်ဆင်သုံးစွဲမှုများ၏ ၁ % အောက် နှင့် ၁% ၀န်းကျင်တွင်သာ တည်ရှိနေကြောင်း တွေ့နိုင်ပါသည်။

ကျွန်ုပ်တို့ ရခိုင်ပြည်တယ်တွင် (လျှပ်စစ်ဓါတ်အား တပ်ဆင်သုံးစွဲမှု) သည် အထက်တွင် ဖေါ်ပြထားသည့်အတိုင်း (အနည်းဆုံး/ အနိမ့်ဆုံး) အခြေအနေတွင် တည်ရှိနေခြင်းကြောင့် အကျိုးဆက်များအဖြစ် ( ဆင်းရဲမွဲတေမှုအများဆုံးအခြေအနေ) (ဖွံ့ ဖြိုးတိုးတက်မှု နောက်အကျဆုံးအခြေအနေ) (လူမှုရေး၊ ပညာရေး ၊ကျန်းမာရေး၊ စီးပွားရေး၊ သယ်ယူပို့ဆောင်ရေး၊ စိုက်ပျိုးမွေးမြူရေး၊ ရေလုပ်ငန်း၊ ထုတ်ကုန်ကဏ္ဍ) စသော နယ်ပယ်အသီးသီးတွင် အောက်တန်းအကျဆုံးအနေအထား (ဥနှောက်ယိုစီးခြင်း)၊ ( လူသားအရင်းအမြစ် ဆုံးရှုံးရခြင်း) များအပါအ၀င် (အဆုံးဝါးဆုံး/အဆင်းရဲဆုံး၊ လူနေမှုအဆင့် အနီမ့်ကျဆုံး) အခြေအနေတွင်တည်ရှိခဲ့သည်မှာ လွတ်လပ်ရေး ရရှိပြီး နှစ်ပေါင်း ၆၃ နှစ်ကျော် ရှိပြီ ဖြစ်ပါသည်။

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: