ရေနံနှင့် သဘာဝဓာတ်ငွေ့ရှာဖွေရေး ကုန်းတွင်းလုပ်ကွက်လုပ်မည့် တရုတ်ကုမ္ပဏီတစ်ခု နှုတ်ထွက်


စွမ်းအင်ဝန်ကြီးဌာနသည် မြန်မာ့ ကုန်းတွင်းရေနံနှင့်သဘာဝဓာတ်ငွေ့လုပ်ကွက် ကိုးကွက်တွင်လုပ်ကိုင် ရန် နိုင်ငံခြား ရေနံရှာဖွေရေး ကုမ္ပဏီခုနစ် ခုနှင့် ပြည်တွင်းကုမ္ပဏီ ခုနစ်ခုတို့အား ထုတ်လုပ်မှုအပေါ် ခွဲဝေခံစားမှု စာချုပ်ချုပ်ဆိုရန်အတွက် ပြင်ဆင်လျက်ရှိကြောင်း စွမ်းအင်စီမံရေး ဦးစီးဌာနမှ တာဝန်ရှိ သူတစ်ဦးက ပြောကြား သည်။

ယခင်က ကုန်းတွင်းလုပ်ကွက် ၁၀ ကွက်တွင် လုပ်ခွင့်ရကြောင်း နိုင်ငံခြားနှင့် ပြည်တွင်းကုမ္ပဏီရှစ်ခုတို့အား ၂၀၁၁ ခုနှစ် နှစ်ကုန် ပိုင်းတွင် ကြေညာ ခဲ့သော်လည်း ယင်းတို့အနက် ဧရာဝတီတိုင်း ဒေသကြီး မြစ်သာတွင်ရှိ သည့် MOGE-4 လုပ်ကွက်အတွက် လျှောက်ထားသော တရုတ်နိုင်ငံမှ Tianjing New Highland ကုမ္ပဏီသည် မလုပ်ကိုင်နိုင်တော့သဖြင့် နှုတ်ထွက်ခဲ့ကြောင်း ၎င်း တာဝန်ရှိသူက ပြောသည်။

“အချို့တွေက နေရာလာဦးကြတာ။ ဒီလုပ်ကွက်မှာ ဦးအောင်လာတင်ပြီးတော့မှ သူတို့နဲ့ တွဲလုပ်မယ့် လုပ်ငန်းရှင်တွေကို လိုက်ရှာ ကြတယ်။ ဒီ အတော အတွင်း အရင်ပေးချေရတဲ့ငွေကြေးတွေ မပေးနိုင်တဲ့အတွက် မလုပ်နိုင်တော့ဘူးဆိုပြီး ပြန်နှုတ်ထွက်သွား ကြတယ်။ ဒီလို အဖြစ်အပျက်တွေက နိုင်ငံ တကာမှာ ဖြစ်တတ်တယ်။ အဲဒီအကွက်မှာ တကယ် လုပ်မယ့်သူတွေအတွက် နစ်နာ တာပေါ့” ဟု ၎င်းက ကုမ္ပဏီတစ်ခုလျှင် လုပ်ကွက် သုံးကွက်အထိ သာ လျှောက်ထားခွင့် ရသည့် ကုန်းတွင်းလုပ်ကွက်အကြောင်း ရှင်းပြသည်။

လုပ်ခွင့်ရရှိသည့် လုပ်ကွက်ကိုးခု အတွက် နားလည်မှုစာချွန်လွှာ ရေးထိုးခြင်းအား နိုင်ငံခြားရေးဝန်ကြီးဌာန၊ ရှေ့နေချုပ်ရုံး၊ မြန်မာ့ ရင်းနှီးမြှုပ်နှံမှု ကော် မရှင် အစရှိသည့် အဆင့်များစွာ ဖြတ်သန်းပြီးမှ ရေးထိုးရန်ရှိသည့် အတွက် ဒုတိယအကြိမ် ကုန်းတွင်း လုပ်ကွက် များတွင် ရင်းနှီးမြှုပ်နှံရန် ခေါ်ယူခြင်း အား ယခုနှစ်အကုန်ပိုင်းတွင်သာ ခေါ်ယူနိုင်မည်ဖြစ်ကြောင်း ပြောသည်။

မြန်မာ့ ကုန်းတွင်းရေနံနှင့် သဘာဝ ဓာတ်ငွေ့လုပ်ကွက် ၅၃ ကွက်အနက် လက်ရှိကုန်းတွင်းလုပ်ကွက် ၁၀ ကွက် အား စာချုပ် ၁၀ ခုဖြင့် ရင်းနှီးမြှုပ်နှံထား ပြီး ၂၀၁၁ ခုနှစ်အတွင်း၌ လုပ်ခွင့်ရထား သည့်လုပ်ကွက် ကိုးခုပေါင်းလျှင် ရင်းနှီး မြှုပ်နှံခွင့်ပေးရန် ကျန်ရှိ သည့်လုပ်ကွက် ပေါင်းမှာ ၃၄ ကွက် ကျန်နေသေးကြောင်း ၎င်းက ပြောသည်။

သို့သော်လည်း ဒေသအသီးသီးမှ နယ်မြေဒေသ အခြေအနေအရပ်ရပ် ကြောင့် လုပ်ကွက်အားလုံးအား မဖွင့်နိုင်သေးဘဲ အနည်းဆုံး ၁၅ ကွက်ခန့်အထိ ဒုတိယအကြိမ်တွင် ဖွင့်ပေးနိုင်မည်ဖြစ်ကြောင်း ၎င်းက ပြောသည်။

မြန်မာ့ရေနံနှင့် သဘာဝဓာတ်ငွေ့ လုပ်ငန်းနှင့်ပတ်သက်၍လည်း “အစပိုင်း အခြေအနေဘဲ ရှိသေးတယ်။ ကုမ္ပဏီတွေက စတွေ့ခါစပဲ ရှိသေးလို့ ဆက်ပြီး အများကြီးလုပ်ဖို့ရှိတယ်”ဟု ဆိုသည်။

၎င်းပြင် ကမ်းလွန်လုပ်ကွက်များတွင်လည်း ရင်းနှီးမြှုပ်နှံမှုများ မကြာမီ ရှိလာမည်ဖြစ်ကြောင်း ပြောသည်။

“ပြင်သစ်၊ ဂျပန် ကုမ္ပဏီအများစုက ကမ်းလွန်လုပ်ကွက်တွေမှာ ရင်းနှီးမြှုပ်နှံဖို့ ကမ်းလှမ်းထားတယ်။ ဂျပန်ကတော့ မကြာခင်မှာ ကမ်းလွန်လုပ်ကွက်ကို ယူတော့မယ်။ သူတို့တွေက သဘာဝ ဓာတ်ငွေ့မရရင်တောင်မှ သုတေသန လုပ်ဖို့ ရည်ရွယ်ကြတယ်”ဟု ယင်း တာဝန်ရှိသူက ပြောသည်။

မြန်မာ့ ရေနံကော်ပိုရေးရှင်းတွင် ၁၉၇၀ မှ ၁၉၇၅ ခုနှစ်အတွင်း အုပ်ချုပ်မှု ဒါရိုက်တာအဖြစ် တာဝန်ထမ်းဆောင်ခဲ့ပြီး စင်ကာပူ အခြေစိုက် Asia Pacific Energy Business စာစောင်များတွင် အယ်ဒီတာချုပ်အဖြစ် တာဝန်ထမ်းဆောင်ခဲ့သူ ဒေါက်တာအောင်ခင်က မြန်မာနိုင်ငံရှိ အနယ်ကျချိုင့်ဝှမ်းများ အား လေ့လာမှုများ ပိုမိုလုပ်ရန် တိုက်တွန်းထားသည်။

“အသက်ပြန်ငယ်ရင် မြန်မာပြည်မှာ ရေနံထပ်ရှာချင်သေးတယ်။ ဒါပေမယ့် ရှေးဟောင်းသီအိုရီတွေနဲ့တော့ လုပ်မနေနဲ့၊ ချိုင့်ဝှမ်းထပ် ခွဲရမယ်၊ လေ့လာရ မယ်။ ချိုင့်ဝှမ်းရဲ့ အနိမ့်အမြင့်ပြ မြေပုံကြည့်ပြီး ဘယ်နေရာတွေမှာ ရှိနိုင်လဲဆိုပြီး ဘူမိ ရူပဆိုင်ရာ လေ့လာမှု အပိုင်းတွေ လုပ်ရမယ်။ အရင်တုန်းက လိုတော့ လွယ်လွယ် နဲ့ဘယ်ရမလဲ။ ဒါပေမယ့် တစ်ခုတွေ့ပြီ ဆိုရင်တော့ နောက်တွေ့ဖို့ လွယ်သွားပြီ။ ချိုင့်ဝှမ်းလေ့လာမှုတွေကို သေချာ ပိုလုပ်ဖို့ လို တယ်”ဟု ပြောသည်။

ဒေါက်တာအောင်ခင်က သိပ္ပံနှင့် နည်းပညာအား ယုံကြည်မှုရှိရန်နှင့် ဖြစ်လာသည့် စိန်ခေါ်မှုများအား ရင်ဆိုင်နိုင်သည့်စွမ်းအင်နှင့် အမြင်များရှိရန် လို အပ်ကြောင်း ပြောသည်။

စွမ်းအင်ဝန်ကြီးဌာနမှ တာဝန်ရှိသူက အနာဂတ် မြန်မာ့ရေနံနှင့် သဘာဝဓာတ် ငွေ့လုပ်ကွက်များမှ တွေ့ရှိလာသည့် ရေနံနှင့် သဘာဝ ဓာတ်ငွေ့များ အား ပြည်တွင်းအတွက် အသုံးပြုသွားမည် ဖြစ်ကြောင်း ပြောသည်။

“စီးပွားရေးမူဝါဒတွေက ပြောင်းလဲ နေပြီမို့ နောက်ပိုင်း ရင်းနှီးမြှုပ်နှံမှုတွေ ပိုဝင်လာရင် လျှပ်စစ်ဓာတ်အား ပိုလိုလာလိမ့်မယ်”ဟု ၎င်းက နောက်ပိုင်းတွေ့ ရှိသည့် ရေနံနှင့် သဘာဝဓာတ်ငွေ့များ အား စက်မှုလက်မှုအတွက် အသုံးပြုသွား မည်ဖြစ်ပြီး စွမ်းအင် ၀န်ကြီးဌာနနှင့် လာရောက်တွေ့ဆုံကြသည့် လုပ်ငန်းရှင်များတွင် လုပ်ငန်းအသီးသီးမှ လုပ်ငန်းရှင်များလည်း ပါဝင်ပြီး မြန်မာ့ သဘာဝဓာတ်ငွေ့အား ၀ယ်ကာ လုပ်ငန်းလည်ပတ်လိုသူ များလည်း ပါဝင်ကြောင်း ပြောသည်။

“ပြည်တွင်းအတွက် ၀ယ်ရင်ဈေးကတစ်မျိုး၊ နိုင်ငံတကာဈေးက တစ်မျိုးမို့ ပြည်တွင်းကထွက်တဲ့ ဓာတ်ငွေ့တွေကို ၀ယ်နိုင်ပါတယ်”ဟု ပြောသည်။

၎င်းက နောက်ပိုင်း လေးလခန့်အကြာတွင် စွမ်းအင်ကဏ္ဍ၌ အပြောင်းအလဲများ အရှိန်မြင့်လာမည်ဖြစ်ကြောင်း၊ ကုမ္ပဏီများ ပိုမိုဝင် လာမည်ဖြစ်   ကြောင်း ပြောသည်။

လက်ရှိ မြန်မာ့ကမ်းလွန်အကွက်များတွင် စုစုပေါင်း ၅၂ ကွက်မှာ ရင်းနှီးမြှုပ်နှံသူများအတွက် ဖွင့်ပေးထားသည်။

ရေတိမ်လုပ်ကွက်များမှာ ရခိုင်တွင် ခုနစ်ကွက်ရှိပြီး မုတ္တမ၊ တနင်္သာရီကမ်းလွန်တွင် ၁၉ ကွက်ရှိသည်။

ရေနက်အကွက်များတွင်မူ ရခိုင်ဘက်တွင် ၁၈ ကွက်၊ မုတ္တမ၊ တနင်္သာရီကမ်းလွန်တွင် ရှစ်ကွက် ရှိကြောင်း စွမ်းအင်ဝန်ကြီးဌာန အချက်အလက်များ က ပြောသည်။

၂၀၁၁ ခုနှစ်၊ ဧပြီလအထိ မြန်မာနိုင်ငံ၏ ကုန်းတွင်းရေနံသိုက်မှာ ရေနံစည် ပေါင်း ၁၀၄ မီလျံကျန်ရှိပြီး သဘာဝဓာတ် ငွေ့အတွက်မူ ကုဗပေ ထရီလျံပေါင်း သုည ဒသမ ၄၁ ကျန်ရှိသေးသည်။

ကမ်းလွန်အတွက်မူ ရေနံသိုက်မှာ ရေနံစည် ၁၀၀ ဒသမ ၈၉ မီလျံကျန်ရှိပြီး သဘာဝဓာတ်ငွေ့မှာမူ ကုဗပေ ထရီလျံပေါင်း ၁၉ ဒသမ ၇ ကျန်သေး   ကြောင်း ပြောသည်။

၂၀၁၀-၁၁ ခုနှစ်အတွက် သဘာဝ ဓာတ်ငွေ့တင်ပို့မှုမှာ စုစုပေါင်း ၃၆၅ ဒသမ ၇ ဘီလျံ စံကုဗပေရှိပြီး ၎င်းအနက် ၂၁၅ ဘီလျံ စံကုဗ ပေမှာ ရတနာ စီမံကိန်းမှ ဖြစ်ကာ ၁၅၀ ဘီလျံ စံကုဗပေမှာ ရဲတံခွန်စီမံကိန်းမှဖြစ်ကြောင်း စွမ်းအင်ဝန်ကြီးဌာန အချက်အလက်များက ဆိုသည်။

ဂျူးလိယက်

မြန်မာတိုင်း(မ်) အတွဲ ၂၈ ၊ အမှတ် ၅၅၈ ( ၂၄ ၊ ၂ – ၁ ၊ ၃၊ ၂၀၁၂)

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: