လွှတ်တော်တွင်း လွှတ်တော်ပ ဟန်ချက်ညီရေး ကြိုးစားပေး


၂၀၀၈ ဖွဲ့စည်းအုပ်ချုပ်ပုံ အခြေခံဥပဒေသည် အချိန်မရွေး စစ်တပ်က ညစ်ပတ်ပြီး အာဏာပြန်သိမ်းနိုင်သည်။ ပုဒ်မ ၄၀၁ နှင့် လွှတ်လိုက်သည့် နိုင်/ ကျဉ်းများကိုလည်း အချိန်မရွေးပြန်ပြီး ဖမ်းနိုင်သည်၊

၂၀၁၀ ရွေးကောက်ပွဲသည်လည်း ကြိုင်တင်မဲနှင့် မတရားအနိုင်ယူပြီး စစ်ဗိုလ်၂၅ ရာနှုန်းက အလိုအလျှောက်ပါဝင်ပြီး အစိုးရသစ်ဆိုတာကို အဓမ္မ ဖွဲ့စည်းထားသည်။ အရပ်ဖက် ရာထူးကြီးများနှင့် အရေးကြီး နေရာများအားလုံးကို စစ်ဗိုလ်နှင့် စစ်ဗိုလ်ထွက်များက နေရာယူထားကြသည်။

ဆိုက္ကားလိုင်းမှ လေယာဉ်လိုင်းအထိ၊
ပေါက်ပင်မှ ကျွန်းပင်အထိ၊
ချောင်းဖြတ် ကူးတို့မှ ပင်လယ်ဖြတ် သင်္ဘောလိုင်းအထိ၊
ငါးဇင်ရိုင်းမှ ဝေလငါးဖမ်းလုပ်ငန်းအထိ၊
ကျောက်စရစ်ခဲမှ ကျောက်စိမ်းနှင့် ပတ္တမြားအထိ၊
ရေမှ ရေနံအထိ၊
နှာစေချောင်းဆိုး ပျောက်ဆေးမှ အိတ်(ချ)အိုင်ဗွီဆေးအထိ၊
လက်ကိုင်စကားပြော ဟွန်းခွက်မှ မိုဘိုင်းဖုန်းအထိ၊
မြန်မာပြည် တပြည်လုံးလုပ်ငန်းပေါင်းစုံကို စစ်တပ်အကြီးအကဲများနှင့် စစ်တပ်အသိုင်းအဝိုင်းတို့က အားလုံးကို လက်ဝါးကြီးအုပ် ခြေဝါးကြီးအုပ်ပြီး ခွဲဝေရယူထားကြသည်။

ပြည်တွင်းစစ်ကို မွေးထားသည်၊ နိုင်ငံခြားကျူးကျော်စစ်ကို ခုခံရန်အကြောင်းပြပြီး စစ်သားအင်အားကို တိုးချဲ့ထားသည်။ အူဝဲကအစ စစ်တပ်ထဲကို အဓမ္မဆွဲခေါ်ခဲ့ကြသည်၊

အနောက်အင်အားနှင့် အပေးအယူလုပ်ဖို့ နျူကလီးယားကို လုပ်ဟန်ဆောင်ကြသည်။ လော်စစ်ဟန်၊ ခွန်ဆာတို့မှအစ ဘိန်းရာဇာများ ကို မွေးပြီး စစ်ရေး စီးပွားရေး အမြတ်ထုတ်ခဲ့ကြသည်။ ရှစ်ဆယ့်ရှစ်လူထုအုံကြွမှုကြောင့် ဗိုလ်နေဝင်းသည် မဟာဗျူဟာပြောင်းလဲ ကျင့်သုံးလိုက်သည်။

အရှေ့ အနောက် လှေနံနှစ်ဘက်နင်း ပေါ်လစီအရ အနောက်ဘက်ကို အစဉ်အမြဲ ဖိနင်းခဲ့သည့် ပေါ်လစီမှ အရှေ့တရုတ် ရုရှားဘက်ကို ဖိနင်းလိုက်ပြန် သည်။ ရုတ်မက် (၇) ချက်သည် ၎င်းအရှေ့အားကိုး ပေါ်လစီအရ ဖြစ်ပေါ်လာပြီး အနောက်အုပ်စုကိုလည်း နိုင်ငံရေးခြိမ်းခြောက်မှု တရပ်ဖြစ်စေခဲ့သည်။

တစ်တိုင်းတစ်ပြည်လုံး ငြိမ်ဝပ်ပိချပ်ပြားဖြစ်ကာ ပြည်တွင်းကအတိုက်အခံ နိုင်ငံရေးသမားများ ထောင်နန်းစံကြရပြီး အချို့ကပြည်ပကိုလွင့်စင်ထွက်ပြေး ကြရသည်၊

ရုတ်မက် (၇) ချက်အတိုင်း ညီလာခံခေါ်သည်။ ၉၀ ရွေးကောက်ပွဲလုပ်ပေးသည်။ NLD နိုင်ပါသည်။ သို့သော် ခေါင်းဆောင်တွေ ခေါင်းမထောင်နိုင်   အောင် နှိပ်ကွပ်ပစ်လိုက်သည်။ NLD ပါတီသည် ဆိုင်းပုဒ်တောင် ပျောက်ရရှာသည်။

ကျောင်းသားခေါင်းဆောင် ကြီး ငယ် လတ် တွေ ထောင်နှစ်ရှည်ကျကြရသည်။ လူ့အခွင့်အရေးသမားတွေလည်း ထောင်ကျပါသည်။

ဒါတွေကို ကြည့်လျှင် နိုင်ငံရေး၊ စီးပွားရေး၊ စစ်ရေး အားလုံးကို စစ်အစိုးရဟောင်းမှ သိမ်းပိုက်ချုပ်ကိုင်ခဲ့သည်မှာ ယနေ့စစ်ဦးစီးအစိုးရအထိပင် ဖြစ်နေ ပါသည်။

အဲဒီ တဘက်စောင်းနင်းအခြေအနေကြီးကို မည်သူတွေက၊ မည်သည့်အဖွဲ့အစည်းတွေက ပြန်လည်တည့်မတ်နိုင်ခဲ့ပါသနည်း။

ယနေ့ အခြေအနေကို ထားပါအုံး၊ နောက်နှစ်ပေါင်းခြောက်ဆယ်လောက်ကတည်းက မြန်မာပြည်သည် လုံးဝလွတ်လပ်ရေးမျိုး မရခဲ့သေးပါဆိုပြီး လွတ် လပ်ရေးတိုက်ပွဲ ဆင်နွှဲနေသူများကရော သူတို့ရည်ရွယ်ချက် အောင်မြင်ပါပြီလား။ ကိုလိုနီတပိုင်း ပဒေသရာဇ်တပိုင်းနှင့် စစ်အာဏာရှင်လုံးလုံး နိုင်ငံ ဘဝမှ လွတ်မြောက်အောင် မည်သူတွေ ဆောင်ရွက်နိုင်ခဲ့ကြပါ သနည်းဟု မေးခွန်းထုတ်သော် မည်သူကမှ မဆောင်ရွက်နိုင်သေးပါဟု အဖြေထွက်ပါ လိမ့်မည်။ ဒါက မည်သူမျှ မငြင်းနိုင်သည့် အဖြေမှန်ပါ။

သို့သော် ဤ၍ ဤမျှ ခိုင်မြဲတည်တန့်နေသည့် စစ်အာဏာရှင်စနစ်ဆိုးသည် မယိမ်းမယိုင် ကျောက်စာတိုင်ကဲ့သို့ ခိုင်မာတည်တန့်နေပြီလားဟုမေးလျှင် လှုပ်စ ယိမ်းစ တိမ်းစပြုလာပါသည်။ ရှေ့ဆက်ပြီး ဆွဲနှုတ်နိုင်သည်အထိ သံဓိဌာန်ချနိုင်သည့် အင်အားစုများ ဖြစ်ထွန်းပေါ်ပေါက်နေသည့် အချိန်အခါမျိုး ပင် ဖြစ်နေပါသည်။ မြန်မာ့စစ်အာဏာရှင်စနစ်ကြီး ဘာကြောင့်ယိမ်းယိုင်စ ပြုလာရသနည်း။ ဒါကို အဓိကနားလည်ဖို့ လိုပါသည်။

အေးခဲလွန်းလှသည့် ရာသီတွင် ဓါတ်ဆီမထည့်သည့် ဓါတ်မီးချစ်ကို မီးတောက်အောင် ခြစ်နေ၍ မရနိုင်ပါ။ မီးချစ်ကျောက်နှင့်တူသည့် အတိုက်အခံ ခါင်းဆောင်များ၊ ဘီးနှင့်ဖိပြီး ချစ်သည့် လူထုအားတို့ ပေါင်းစပ်သော်လည်း မီးစာကို မီးမကူးပါ။ ဓါတ်ဆီနှင့် တူသည့် ပြည်ပအကူညီက လိုနေပါသည်။

ပြည်ပက အကူအညီကလည်း ပေးချင်တိုင်းပေး၍ မရပါ။ ရာသီသွေ့ချောက်တဲ့ အခြေအနေတစ်ခု ဖြစ်မှသာ ပေး၍ ရနိုင်ပါသည်။ အားလုံးညီညွှတ်သည် ထားအုံး သူတို့အတွက်လည်း အပေးအယူမျှတဖို့ လိုပါသေးသည်။ အဲဒါတွေအားလုံးကို ကြည့်တတ် ညှိတတ်ဖို့နှင့် ချိန်ကိုက်လှုပ်ရှားဖို့ အရည်အချင်းရှိ ရန်လည်း ခေါင်းဆောင်များ အပေါ်မူတည်နေပါသည်။

အဘက်ဘက်မှ ပြည့်စုံပြီဆိုလျှင်ဖြင့် ဒီဓါတ်မီးချစ်ကြီး မီးဟုန်းဟုန်းတောက်နိုင်သကဲ့သို့ စစ်အာဏာရှင်စနစ်ကြီးလည်း ပြိုလဲပျက်သုန်းရမည်သာ ဖြစ်ပါ သည်။ ယခု ဘယ်အခြေအနေမျိုးမှာ ရှိနေပါသနည်း။ ဒေါ်အောင်ဆန်းစုကြည်ခေါင်းဆောင်သည့် NLD ပါတီသစ်သည် ပြန်လည်ရှင်သန်ထမြောက်လာ ပါသည်။ မြို့နယ်တိုင်းလိုလိုတွင် NLD ပါတီရုံးများ ပြန်လည် ဖွင့်လှစ်လှုပ်ရှားလာကြပြီ။ ယခု ကြားဖြတ်ရွေးကောက်ပွဲတွင် ဝင်ရောက်ပါဝင်ယှဉ်ပြိုင်ခွင့် ရသည်။ နိုင်/ကျဉ်းများ အများစု လွတ်ကုန်ကြပြီ၊ မီဒီယာများ လွတ်လပ်စပြုလာပြီ၊ စာပေ ဟောပြောပွဲနှင့် ရှစ်ဆယ့်ရှစ်မျိုးဆက်တို့ စကား ပြောခွင့်ရစပြု လာကြပြီ၊ ကမ္ဘာ့ဘဏ်နှင့် အိုင်အမ်အက်(ဖ)တို့ ဝင်လာပြီး ငွေကြေးကိစ္စ ညှိနေကြပြီ၊ ကာချုပ် မင်းအောင်လှိုင်က နောက်ကြောင်းပြန် အာဏာသိမ်းတာ မျိုး မဖြစ်တော့ပါဟုဆိုသည်၊

တရုတ်က အမြတ်ထုတ်ဖို့လုပ်သည့် မြစ်ဆုံစီမံကိန်းကို ရပ်လိုက်ရသည်။ လက်နက်ကိုင်အဖွဲ့အများက အပစ်ရပ်သူရပ်ပြီး ဆွေးနွေးပွဲတက်နေကြပြီ၊ လက်နက်ကိုင်ရော လက်နက်မဲ့ရော ပြည်ပနှင့် နယ်စပ်အဖွဲ့အစည်းများ စိန်အောင်မင်းနှင့်တွေ့ပြီး ပြည်တော်ဝင်ဖို့ လုပ်ကုန်ကြပြီ၊ ပြည်ပက စင်ပြိုင်တို့၊ အမတ်အဖွဲ့တို့၊ NLD တို့၊ အက်(ဖ်)တီယူးဘီတို့၊ ရှေ့နေအဖွဲ့တို့ ယူရိုအော့ဖစ်တို့နဲ့ အခြား ငွေတောင်းစားအဖွဲ့များလည်း မဖြီးမဖြန်းနိုင်ကြတော့ဘဲ နိုင် ငံရေး လုပ်စားသံများ ငြိမ်သက်စ ပြုလာကြပြီ၊ ပျောက်ကွယ်ကြမည်သာ ဖြစ်သည်။

NLD သစ်က လွှတ်တော်တွင်းကို ဝင်မည် အရည်အချင်းနှင့် အလုပ်လုပ်မည်။ တရားဥပဒေစိုးမိုးရေး၊ ပြည်တွင်း ငြိမ်းချမ်းရေးနှင့် ၂၀၀၈ ဖွဲ့စည်းပုံမှ လူထုအကျိုးကို ဆန့်ကျင်သည့် ဥပဒေများကို ပြင်ဆင်ရေးတို့ကို လုပ်ကြမည်။ လုပ်ခွင့် ရမှာလား မရဘူးလားဆိုတာကို ဝေဖန်မေးခွန်းထုတ်နေသူများ သည် ဦးနှောက်နည်း၍ နုသူများပင် ဖြစ်လိမ့်မည်။ အဘယ်ကြောင့်ဆိုသော် နဂိုလ်ကတည်းက စစ်ဦးစီးအစိုးရအကြိုက် ၂၀၀၈ ဖွဲ့စည်းပုံအရဆိုလျှင် ဒေါ် စုနှင့် NLD သည် လွှတ်တော်တွင်းကို ရောက်လာစရာ အကြောင်းမရှိပါ။

အာဏာရှင်ဝါဒ ရှိနေသေးသည့် အစိုးရများသည် “ မူ ” အထက်မှာ လူရှိနေသေးသည်ဆိုတာ မမေ့အပ်ပါ။ မည်သို့ဆိုစေ NLD သစ်သည် လွှတ်တော်   ရောက် တရားဝင်ပါတီ ဖြစ်တော့မည်။

ဒီနေရာမှာ ဆရာကြီး ဆရာလေးများက ထောက်ပြဝေဖန်ကြပါသည်။ ဒေါ်စုနှင့် NLD သစ်သည် စစ်ဦးစီးအစိုးရ၏ ထွက်ပေါက်ပိတ်တော့မည့် အခြေ အနေအတွက် ထွက်ပေါက်ပွင့်သွားအောင် အသုံးချခံလိုက်ရပြီဆိုတာ မျိုးပါ။

ဒီလိုဆိုရင် သေသေချာချာ စဉ်းစားကြည့်ပါ၊

ဒေါ်စုနှင့် NLD သစ်က ဗိုလ်သန်းရွှေ၊ ဗိုလ်သိန်းစိန်တို့ ထွက်ပေါက်ပွင့် စီမံကိန်းအတိုင်းအသုံးချခံမယ်ဆိုပြီး လွှတ်တော်ထဲကိုဝင်လိုက်တာလား၊ ပြည်သူ့ မျက်နှာကို မကြည့်ဘဲ ဗိုလ်သန်းရွှေ၊ ဗိုလ်သိန်းစိန်တို့ အုပ်စုရဲ့ မျက်နှာကို ကြည့်ပြီး လွှတ်တော်ထဲကို ဝင်ကြတာလား။ မစဉ်းစားနိုင်သူများအတွက် အဖြေ ထုတ်ပေးရလျှင် ဒေါ်အောင်ဆန်းစုကြည်သည် လူထုမျက်နှာကိုသာ အစဉ်အမြဲကြည့်သည်။ လူထုကောင်းစားရေးအတွက် လက်တွေ့ကျကျတွေးခေါ်ပြီး အလုပ်လုပ်နေသည်ဆိုတာပါပဲ၊ လုံလောက်မည် ထင်ပါသည်။

လက်ရှိ မြန်မာ့နိုင်ငံရေးကို ဝေဖန်သုံးသပ်တဲ့အခါမှာ အချို့က ပြောနေကြသည် လွှတ်တော်ပြင်ပ နိုင်ငံရေး တိုက်ကွက်များနှင့် လူထုအားကို ပေါင်းစပ်ပြီး တစ်လျှောက်လုံး လှုပ်ရှားခဲ့ကြတာ မဟုတ်ပါလား။ အတိုက်အခံခေါင်းဆောင်တွေရော ငယ်သားတွေပါ ထောင်ကျခံ၊ အသေခံ၊ အနစ်နာ ပေါင်းများစွာ ခံပြီး တိုက်ပွဲဝင် လှုပ်ရှားခဲ့ကြတာ မဟုတ်လား။ လွှတ်တော်ပ နိုင်ငံရေးကြောင့်ပင် မ.ဆ.လ၊ န.ဝ.တ၊ န.အ.ဖ စစ်အာဏာရှင် အစိုးရများ အပြောင်း အ လဲဖြစ်ခဲ့ကြတာမဟုတ်ပါလား။ ၉၀ ရွေးကောက်ပွဲတို့၊ NLD ပါတီတို့ ပေါ်ပေါက်ခဲ့ကြသည် မဟုတ်ပါလား။ နောက်ဆုံး မြစ်ဆုံရေကာတာ ကိစ္စသည် ပင်လျှင် လွှတ်တော်ပ နိုင်ငံရေးလှုပ်ရှားမှုကြောင့် မဟုတ်ပါလား စသည်ဖြင့် ထောက်ပြဝေဖန်နေကြပါသည်။ ဒါကြောင့် လွှတ်တော်ပြင်ပ နိုင်ငံရေးနည်း သည်သာ စိတ်အချရဆုံးနှင့် အောင်ပွဲဝင်လမ်းစဉ်ကြီးသာဖြစ်ပါသည်ဟု ယုံကြည်နေကြပါတော့သည်။ သို့ယုံကြည်သည့်အတိုင်းလည်း ဆက်လက်လှုပ် ရှားကြပါလိမ့်မည်။

ဟိုယခင် လွတ်လပ်ရေးကြိုးပမ်းစဉ်ကာလကတည်းက လွှတ်တော်ပြင်ပက သပိတ်စုံတိုက်ပွဲများ၏ အကျိုးရလာဒ်ကား ကြီးမားစွာ ရှိခဲ့ပါသည်။ လွတ် လပ်ရေးရပြီးနောက်ပိုင်းနှင့် ဗိုလ်နေဝင်း လက်ထက်တစ်လျှောက်လုံး မှာလည်း တရုတ်ဗမာ အရေးအခင်းမှအစ ဦးသန့်၊ မှိုင်းရာပြည့်၊ ကျွန်းဆွယ်၊ အလုပ်သမား သပိတ်များသည်လည်း လွှတ်တော်ပြင်ပ နိုင်ငံရေးများပင် ဖြစ်ကြပါသည်။

မ.ဆ.လ ခေတ် နောက်ဆုံးမှာ ရှစ်ဆယ့်ရှစ်အရေးတော်ပုံသည်လည်း လွှတ်တော်ပြင်ပတိုက်ပွဲပါ။ ဒေါ်အောင်ဆန်းစုကြည်သည်ပင်လျှင် အကြမ်းမဖက် လူထုတိုက်ပွဲသဏ္ဍန်ကို လက်ခံယုံကြည်ပြီး ရှေ့ဆုံးက တိုက်ပွဲဝင်သူရဲကောင်းတစ်ယောက် ဖြစ်ခဲ့ပါသည်။

ထို့ကြောင့် လွှတ်တော်ပြင်ပ တိုက်ပွဲ၏ အကျိုးရလာဒ်များနှင့် အားကောင်းချက်၊ အားနည်းချက်များအပြင် (က) သုံးလုံးပေါ်လစီဆိုသည့် –

–ကြောင်းကျိုးဆီလျှော်မှု၊
–အကန့်အသတ်နှင့်
–အကျိုးရလာဒ်
ဆိုတာတွေကို သင်ခန်းစာရပြီး နားလည်လာကြရပါသည်။

မှန်ပါသည် လွှတ်တော်ပြင်ပ နိုင်ငံရေးဟူသည် မည်သည့်အခါမှာမှ မှေးမှိန်ပျောက်ကွယ်သွား မည်မဟုတ်ပါ။ ဒီမိုကရေစီခေတ်သို့ ရောက်လျှင်လည်း လွှတ်တော်ပြင်ပနိုင်ငံရေးမှာ ပိုမို၍အားကောင်း ရှင်သန်လာရမည် သာဖြစ်ပါသည်။ ဒါကြောင့် လူထုအုံကြွမှု တိုက်ပွဲပဲခေါ်ခေါ် ဂျင်းရှပ်နည်းဟုဆိုဆို၊ ဂန္ဒီနည်းပင်ပြောပြော (က) သုံးလုံးပေါ်လစီနှင့် ကိုယ်ညီမှု ရှိမရှိကို ပထမ နားလည် ထားရပါမည်။ (က) သုံးလုံး ပေါ်လစီကို နားမလည်ခဲ့ကြသဖြင့် ဆုံးရှုံးခဲ့ရသည့် တိုက်ပွဲများ၊ ပေးဆပ်ကြရသည့် ဘဝများနှင့် အသက်ပေါင်းများစွာ ရှိခဲ့ဘူးကြပါသည်၊

အမျှော်အမြင်နည်းပြီး နှလုံးသားမဲ့ ခေါင်းဆောင်များသည် တိုက်ရဲမှ အောင်ပွဲတို့၊ တိုက်ပွဲဟူသည်အရှုံးနှင့် အနိုင်နှစ်မျိုးပဲ ရှိသည်တို့ အမြတ်ဟူသည် အရင်းရှိမှ ရသည်တို့၊ ဘဝဆိုတာ ပေးဆပ်ခြင်းတို့၊ သေရဲ သတ်ရဲ အနိုင်ယူရဲရမည်တို့၊ သံဃာ့အားဘုရား မတတ်နိုင်တို့ ဆိုတဲ့ သဘောတရားတွေကို လူထုအထဲသို့ ရိုက်သွင်းပြီး သူ့နေရာနှင့်သူ အသုံးမချတတ်ကြပဲ၊ တိုက်ပွဲမအောင်မြင်လျှင် လူထုကို လွှဲချတတ်သလို တိုက်ပွဲအောင်မြင်လျှင်တော့ ကိုယ့်ကိုယ်ကို အထင်ကြီးသွားတတ်ကြပါသည်။

ယနေ့ လွှတ်တော်ပြင်ပ နိုင်ငံရေးလှုပ်ရှားမှုသည် မရှိမဖြစ်လိုအပ်နေပါသေးသည်။ သို့သော် လွှတ်တော်ပြင်ပ လှုပ်ရှားမှုသည် ယနေ့လွှတ်တော်တွင်း   နိုင်ငံရေးလှုပ်ရှားမှုများ အားလုံးကို အယုံအကြည်မရှိ သိမ်းကြုံးပြီးဆန့်ကျင်မယ်ဆိုလျှင် မှားပါလိမ့်မည်။ အဘယ်ကြောင့်ဆိုသော် လွှတ်တော်တွင်း နိုင် ငံရေး၏ အားနည်းချက်များ ချွတ်ယွင်းချက်များနှင့် ဖောက်ပြန်ချက်များကို လွတ်တော်တွင်းသို့ဝင်ပြီး ပြုပြင်ပြောင်းလဲရန်လည်း အခွင့်သာနေသည့် ကာလမို့ ဖြစ်ပါသည်။ ဒီတာဝန်ကိုလည်း ဒေါ်အောင်ဆန်းစုကြည်နှင့် NLD သစ် အပါအဝင် အခြားလွှတ်တော်တွင်းဝင် အတိုက်အခံ ပါတီအသီးသီးတို့မှ ကြိုးစားဆောင်ရွက်နေကြပြီ ဖြစ်သောကြောင့်ပင် ဖြစ်ပါသည်။


ကမ္ဘာ့မဟာဗျူဟာ ပြောင်းလဲလာမှုနှင့်အတူ နိုင်ငံတကာ၏ နိုင်ငံရေးအခင်းအကျင်းအရ ရရှိလာသည့် အခွင့်အရေးကို လက်မလွတ်တန်းဆုတ်ကိုင်ပြီး လွှတ်တော်ဝင်နိုင်ငံရေးကို ဆောင်ရွက်ခြင်း ပင်ဖြစ်ပါသည်။ အချို့က ဦးသန်းရွှေအကွက်အတိုင်း ဦးသိန်းစိန် ဟပေးသည့်ချက်ကွက်ကို ဒေါ်စုကဝင် လိုက်ရသည်ဆိုသည်မှာလည်း လုံးဝမဟုတ်ပါ။

ဒေါ်စု၏ နောက်မှာ လူထုရှိသည် အင်အားကြီးတို့ ရှိနေသည်ကား အမှန်၊ သို့သော် လွှတ်တော်တွင်းပြုပြင် ပြောင်းလဲရေးလုပ်ငန်းမှာကား လွယ်ကူမည် မဟုတ်ဆိုတာကတော့ အများသိနိုင်ပါသည်။ အရိုးစွဲနေသည့် အာဏာရှင်စိတ်ဓါတ်များ၊ လွန်ကျွံနေသည့် နိုင်ငံခြားစီးပွားရေး ဆက်ဆံမှုများ၊ ဝေခြမ်းပြီး အပိုင်စီးလက်ဝါးကြီးအုပ်ထားသည့် နိုင်ငံပိုင်နှင့် ပြည်သူလူထုပိုင် စီးပွားရေးလုပ်ငန်းပေါင်းစုံများ ဒါတွေကိုအကာအကွယ်ပေး ရေးဆွဲထားသည့် ဖွဲ့စည်း ပုံစသည်ဖြင့် အခိုင်အမာ ရှိနေသည်များကို “ ခု ရေတွင်းတူး ခုရေကြည်သောက် ” ဆိုတာမျိုး မဖြစ်နိုင်သေးပါ။ သို့သော် ဒါတွေကိုကောင်းကောင်း သိနားလည်ပြီး မည်ကဲ့သို့ အဆင့်ဆင့်ပြုပြင်ပြောင်းလဲသွားရမည်ဆိုတာကိုလည်း သဘောပေါက်မှန်းဆနိုင်သည်နှင့်အတူ စွန့်စားထိုက်သည့် အချိန် အခါဖြစ်သောကြောင့် လွှတ်တော်တွင်း နိုင်ငံရေးကို ဝင်လိုက်ကြခြင်းသာဖြစ်ပါသည်။ သို့သော် ဒေါ်စုပြောသည့်အတိုင်း ရာနှုန်းပြည့်အောင်မြင်မှုကို သေ ချာပေါက်သိ၍ စွန့်စားခြင်းမျိုးတော့မဟုတ်ပါ။

မည်သည့်ဘက်မဆိုနိုင်ငံရေး အနိစ္စတရားကတော့ ရှိနေသည်သာဖြစ်သည်။ ဒါကြောင့် လွှတ်တော်ပြင်ပ နိုင်ငံရေးလှုပ်ရှားသူများ အနေဖြင့် ယနေ့ လွှတ်တော်တွင်း နိုင်ငံရေး အခြေအနေကို ကောင်းစွာသတိပြုမိရန် အရေးကြီးလှပါသည်။ မကြာမီက ထောင်အသီးသီးမှလွတ်မြောက်လာတဲ့ နိုင်/ကျဉ်း များထဲမှ ရှစ်ဆယ့်ရှစ်ကျောင်းသားများ၏ ရပ်တည်ချက် အသံများမှာ လွန်စွာအားရစရာကောင်းနေပါသည်။ ရှစ်ဆယ့်ရှစ်တို့အနေဖြင့် လွှတ်တော်ပြင်ပ   နိုင်ငံရေးကို ဥပဒေဘောင်အတွင်းမှ လှုပ်ရှားကြမည်။ တပြိုင်နက်တည်းမှာ ဒေါ်စုနှင့် အင်အယ်ဒီသစ်၏ ရွေးကောက်ပွဲဝင်လမ်းစဉ်ကို ကြိုဆိုထောက်ခံ သည့်အပြင် NLD ၏ ရွေးကောက်ပွဲ အနိုင်ရရေးကိုပါ ဝင်ရောက် ကူညီပံ့ပိုးကြမည် ဆိုတာပါပဲ။

လွတ်မြောက် နိုင်/ကျဉ်း ရှစ်ဆယ့်ရှစ်မျိုးဆက် အများစု၏ အထက်ပါ သဘောထားသည် လွန်စွာမှ လေးစားစရာကောင်းလှပါသည်။ ဒေါ်စုနှင့်NLDသစ် ၏ လွှတ်တော်ဝင်နိုင်ငံရေးသည် အခြေအနေနှင့်အချိန်အခါအရ ဆီလျှော်ညီညွှတ်နေသည့်အပြင် မြန်မာ့နိုင်ငံ၏ ပြုပြင်ပြောင်းလဲမှုအတွက် အဓိက အခန်း ကဏ္ဍလည်း ဖြစ်နေလို့ပါပဲ။ တပြိုင်နက်တည်းမှာ ဒေါ်စုတို့၏ လွှတ်တော်တွင်းနိုင်ငံရေးပုံစံကို မထိခိုက်သည် လွှတ်တော်ပြင်ပ နိုင်ငံရေး လူမှုရေး ဘက်ပေါင်းစုံလှုပ်ရှားမှုများသည်လည်း မရှိမဖြစ် လိုအပ်လှပါသည်။ ဒီတာဝန်ကိုတော့ ယနေ့ အကျဉ်းလွတ် ရှစ်ဆယ့်ရှစ်မျိုးဆက်တို့က ထမ်းဆောင် ကြိုးပမ်းနေတာကို တွေ့နေရသဖြင့် လွှတ်တော်တွင်း လွှတ်တော်ပြင်ပ လှုပ်ရှားမှုသည် ဟန်ချက်ညီနေသည်ကို တွေ့နေရပါတော့သည်။

ဒီပုံစံကို မကြိုက် မချစ် မနှစ်သက်သူများကလည်း သူတို့အယူအဆတွေကို ရေးကြသားကြ ဖော်ပြကြတာတွေလည်း တွေ့နေရပါသည်။ မြန်မာ့နိုင်ငံရေး သည် ဂငယ်ကွေ့ ကွေ့တော့မယ်။ စစ်အာဏာရှင် နိုင်ငံပဲပြန်ပြီး ဖြစ်သွားမယ် စသည်ဖြင့်ပေါ့။

မည်သို့ပင်ဆိုကြပါစေ ယနေ့ပြည်သူ၏ ဇွဲ သတ္တိစံချိန်သည် မြင့်တက်နေပြိး နောက်ကြောင်းပြန်မကျနိုင်သ၍ ဂငယ်ကွေ့လည်း မကွေ့နိုင်တော့ပါ၊ တရုတ် ရုရှားနှင့် အမေရိကန် အင်္ဂလန်တို့၏ အင်အားပြိုင်ဆိုင်မှုမှာလည်း မည်သို့မျှ အချိုးညီမဖြစ်နိုင်တော့ပါ။

ဒါကြောင့် တချိန်က အနောက်အင်အားစု၏   ကျောထောက်နောက်ခံဖြင့် စစ်အာဏာရှင်စနစ်ဖြစ်တည်လာသောမြန်မာနိုင်ငံသည် ၈၈ နာက်ပိုင်းတွင် အရှေ့ တရုတ်နှင့်ရုရှားကို ကျောထောက်နောက်ခံပြုပြန်ပြီး စစ်အာဏာရှင်စနစ်ပင် ဆက်လက်တည်တန့်နေသည် မဟုတ်ပါလား။ ဆိုလိုချင်သည်မှာ စစ်အာဏာရှင်စနစ်ဟူသည် အမှီသဟဲမရှိဘဲနှင့် မဖြစ်ထွန်းနိုင်ပါ။

ယနေ့ မြန်မာနိုင်ငံသည် ဂငယ်ကွေ့ ကွေ့ရန်ဆိုသည်မှာ စစ်ဦးစီးဦးသိန်းစိန်အစိုးရက တရုတ် (သို့မဟုတ်) အမေရိကန်ကို အမှီသဟဲပြုမှသာ ဖြစ်နိုင်ပါ လိမ့်မည်။ ဖွံ့ဖြိုးမှုအနိမ့်ဆုံးလည်းဖြစ် ကမ္ဘာ့ပထဝီဝင် အနေအထားမှာ မဟာဗျူဟာလည်းကျနေသည့် မြန်မာနိုင်ငံမျိုးသည် မည်သည့်အခါမျှ အမှီသဟဲ မှ ကင်းလွတ်ရန် မဖြစ်နိုင်ပါ။

ဒါကြောင့် အဲဒီအမှီသဟဲကိုပင် ပြန်လည်အသုံးချပြီး နေတတ်ပါမှ ဖြစ်ပါလိမ့်မည်။ လက်ရှိ စစ်ဦးစီး ဦးသိန်းစိန် အစိုးရသည် ဦးသန်းရွှေ၏ မဟာဗျူဟာ အတိုင်း တရုတ်အမှီသဟဲကို လျှော့ပြီး အနောက်အမေရိကန် အမှီသဟဲကို ပြန်လည်ချဉ်းကပ်နေရချိန်လည်း ဖြစ်သည်။ ဒီအချိန်တွင် အနောက်အုပ်စု က မြန်မာပြည်တွင် လူထု၏ ဆင်းရဲမွဲတေမှုကို သည်အတိုင်း ထားခဲ့လျှင်လည်း မဖြစ်နိုင်တော့သလို စစ်ဦးစီးအစိုးရနှင့် တရုတ်တို့သည် ခွာမရအောင် နီးကပ်သွားလျှင်လည်း အန္တရယ်ရှိလာနိုင်သည်ကို သတိပြုမိကြပါတော့သည်။

ဒါကြောင့် ဒေါ်စုနှင့် လူထုကို မြှောက်စားအားပေးရင်း တဘက်ကလည်း စစ်ဦးစီးအစိုးရကို အမှီသဟဲ ပြန်လည်ပေးပြိး ထိန်းညှိဖို့ အနောက်က ကြိုးစား   နေသော ကာလပင်ဖြစ်သည်။ ထိန်းညှိသည့်အတိုင်းလည်း မြန်မာ့နိုင်ငံရေး အရွေ့ကို မြင်စပြုလာနေပါပြီ၊ သို့သော် အာဏာသည် အာဏာရှင် တစ်စု တို့၏ လက်ထဲတွင်ပင် ရှိနေသေးသည်မို့ သတိကြီးစွာကိုင်တွယ်နေရသော အခြေအနေပင်ဖြစ်ပါသည်။ မြင်းရိုင်းကို ကြိုးရှည်ဖြင့် ဖမ်းမိနေသည့်အခါ ကြိုးကိုတိုအောင်ဆွဲလိုက် ခိုင်မြဲအောင် ရစ်လိုက် လုပ်နေရသည်နှင့် တူပါသည်။ ဒီအခါမျိုးတွင် ကြိုးပြတ်သွားအောင် မြင်းကို မလှန့်သင့်ပါ။ ဒီအခြေ အနေမျိုးတွင် ဒေါ်စုနှင့် NLD သစ်သည် လွှတ်တော်တွင်းတွင် ဝင်ရောက်နေရာယူထားကြမှာ ဖြစ်ပြီး ရှစ်လေးလုံးမျိုးဆက်တို့နှင့် အခြား အနုပညာရှင် များ၊ စာပေပညာရှင်များနှင့် ပြည်သူလူထုကလည်း လွှတ်တော်ပြင်ပတွင် နေရာယူထားကြရန်သာ ဖြစ်ပါသည်။ မင်းကိုနိုင်တို့ ကိုကိုကြီးတို့ လှမျိုးနောင် တို့ ပြောသလို ဥပဒေပ မဟုတ်သည့် လွှတ်တော်ပြင်ပ လှုပ်ရှားမှုများနှင့် လွတ်တော်တွင်းလှုပ်ရှားမှုများသည် ကောင်းကျိုးရှေးရှုသည့် ရည်ရွယ်ချက်တူ ဟန်ချက်ညီ ဆောင်ရွက်ကြတော့မည် ဖြစ်သဖြင့်လည်း နောက်ကြောင်းပြန် ဂငယ်ကွေ့ မဖြစ်နိုင်ကောင်းပါ။

သို့သော်လည်း တစ်ချိန်က ပြည်တွင်းပြည်ပ ဟန်ချက်ညီပျက်လုံးမျိုးတော့ လုံးဝမဟုတ်တော့ပါ။ ယခု လွှတ်တော်တွင်း လွှတ်တော်ပြင်ပ ဟန်ချက်ညီ လှုပ်ရှားနိုင်မည်ဆိုလျှင်တော့ ဒီမိုကရေစီသည် လက်တစ်ကမ်းသာ ဖြစ်ပါလိမ့်မည်။ အရေးကြီးတာက ယခုအချိန်တွင် လွှတ်တော်တွင်း လှုပ်ရှားမှုကို အသိအမှတ်မပြုနိုင်ကြဘဲ ဥပဒေပမှ ဆူပူလှုပ်ရှားမှု သက်သက်ကိုသာ အားကိုးကြမည်ဆိုရင်တော့ ပွဲပျက်ကိန်းရှိပြီး ဂငယ်ကွေ့ကွေ့သွားနိုင်ပါသည်။
အာဏာမက် စစ်ဦးစီးအချို့၏ သဘောထားသက်သက်နှင့်တော့ မည်သို့မျှ နောက်ကြောင်းပြန်နိုင်မည် မဟုတ်ပါ။ ဒါကြောင့် အဓိကကျသည့် လွှတ်တော် တွင်း ပါဝင်လှုပ်ရှားမှုကို အားပေးကြရမည့်အပြင် (က) သုံးလုံးပေါ်လစီနှင့် ညီညွတ်သည့် ဥပဒေပ မဟုတ်သည့် လွှတ်တော်ပြင်ပ လှုပ်ရှားမှုများသည် လည်း ရှိနေကြရမည်သာ ဖြစ်ပါကြောင်း။ ။

ဦးဖိုးသာအောင်-နော်ဝေ

Ag Myint Tham’s Facebook မှ ဖေါ်ပြသည်။

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: