ငြိမ်းချမ်းရေးလက်ဆောင် မန်းငြိမ်းမောင် မဲဆောက်သို့ ပြန်လည်ရောက်ရှိ


သတင်း – မြနှယ်စိမ်းစိမ်း (အင်းစိန်)

နိုင်ငံတော်ပုန်ကန်မှုဖြင့် တသက်တကျွန်းပြစ်ဒဏ်မှ ပြန်လည်လွတ်မြောက်လာသော KNU ခေါင်းဆောင်တဦးဖြစ်သည့် ပဒိုမန်းငြိမ်းမောင်သည် ယနေ့ တွင် မိခင်အဖွဲ့အစည်းထံသို့ ပြန်လည်ရောက်ရှိလာခဲ့ပြီဖြစ်သည်။

ယခုလ ၁၉ နေ့က နိုင်ငံတော်သမ္မတ ဦးသိန်းစိန်၏ လွတ်ငြိမ်းချမ်းသာခွင့်ဖြင့် ပြန်လည်လွတ်မြောက်လာသည့် ကရင်အမျိုးသားအစည်းအရုံး (KNU) မှ နှစ်ကျွန်းပြန် ပဒိုမန်းငြိမ်းမောင်ကို ယနေ့တွင် မြန်မာအစိုးရ မီးရထားဝန်ကြီး ဦးအောင်မင်းက ထိုင်း-မြန်မာနယ်စပ် မဲဆောက်မြို့၌ မိခင်အဖွဲ့အစည်း ထံသို့ ပြန်လည်လွှဲပြောင်းပေးခဲ့ခြင်းဖြစ်သည်။

ယမန်နှစ် ဇူလိုင်လ ၂၄ ရက်နေ့က တရုတ်နိုင်ငံ ကူးမင်းလေဆိပ်မှတဆင့် မြန်မာနိုင်ငံသို့ ပို့ဆောင်ခြင်းခံရသည့် KNU ခေါင်းဆောင်တဦးဖြစ်သူ ပဒို မန်းငြိမ်းမောင်ကို မြန်မာအစိုးရက ယခုလ ၁၃ ရက်နေ့က မတရားအသင်းဆက်သွယ်မှု၊ နိုင်ငံတော်ပုန်ကန်မှု စွဲချက်များဖြင့် တသက်တကျွန်းနှင့်   ထောင်ဒဏ် ၃ နှစ် ချမှတ်ခဲ့ပြီး နောက် ရက်သတ္တပတ်အတွင်း သမ္မတဦးသိန်းစိန်၏ အမိန့်ဖြင့် ပြန်လွတ်ပေးလိုက်ခြင်းဖြစ်သည်။

သိုက်ထွန်း (ခ) ပဒိုမန်းငြိမ်းမောင်သည် သားထူးဇော် အမည်ဖြင့် မြန်မာနိုင်ငံကူးလက်မှတ် M073525 ကိုင်ဆောင်ပြီး ယမန်နှစ် ဇူလိုင်လကုန်ပိုင်းက တရုတ်နိုင်ငံ ကူမင်းလေဆိပ်မှတဆင့် ရန်ကုန်လေဆိပ်သို့ ရောက်ရှိလာရာ လေဆိပ်တာဝန်ရှိသူများ၏ စစ်ဆေးမှုအရ ၎င်းကိုင်ဆောင်သည့် နိုင်ငံကူး လက်မှတ်သည် လေဆိပ် လ၀က အထွက်တံဆိပ်တုံးအတု ရိုက်နှိပ်ထားသည်ကို တွေ့ရှိရသဖြင့် အမှုဖွင့်အရေးယူ၍ မင်္ဂလာဒုံတရားရုံးသို့ တင်ပို့ခဲ့ရာ အပြစ်ရှိသည့်အတွက် တရားရုံးက ပုဒ်မ ၄၆၈ ဖြင့် ထောင်ဒဏ် ၆ လ၊ လူဝင်မှုအက်ဥပဒေပုဒ်မ ၁၃ (၁) အရ ထောင်ဒဏ် ၆ လ၊ စုစုပေါင်း ၁ နှစ်ကို ယမန်နှစ် စက်တင်ဘာလ ၂၇ ရက်နေ့က အမိန့်ချမှတ်ခဲ့သည်။

၎င်းကို ထပ်မံစစ်ဆေးချက်များအရ ပဒိုမန်းငြိမ်းမောင်သည် ကရင်အမျိုးသားအစည်းအရုံး (KNU) ၏ အဖွဲ့ဝင်နှင့် ခေါင်းဆောင်တဦးဖြစ်သောကြောင့် မတရားအသင်းဆက်သွယ်မှုပုဒ်မ၊ နိုင်ငံတော်ပုံကန်မှုပုဒ်မ … စသည့် စွဲချက်များဖြင့် တသက်တကျွန်းနှင့် ထောင်ဒဏ် ၃ နှစ်ကို အင်းစိန် အကျဉ်း   ထောင်ရှိ တရားရုံးက ယခုလ ၁၃ ရက် နေ့က ချမှတ်ခဲ့ပြီးနောက် ၁၉ ရက်နေ့တွင် သမ္မတဦးသိန်းစိန်၏ လွတ်ငြိမ်းချမ်းသာခွင့်ဖြင့် ပြန်လည်လွတ်   မြောက်လာခြင်းဖြစ်သည်။

မြန်မာအစိုးရနှင့် KNU တို့အကြား လုပ်ဆောင်နေသည့် ငြိမ်းချမ်းရေးဆိုင်ရာ လုပ်ငန်းစဉ်များ အထောက်အကူ ဖြစ်စေရန်အတွက် ပဒိုမန်းငြိမ်းမောင် ကို ပြန်လွှတ်ပေးရခြင်းဖြစ်သည်ဟု ဦးအောင်မင်း ခေါင်းဆောင်သည့် မြန်မာအစိုးရ ငြိမ်းချမ်းရေးဆွေးနွေးရေးအဖွဲ့က ပြောသည်။

မြန်မာပြည်ထောင်စုဝန်ကြီး ဦးအောင်မင်းက “ကျနော်တို့ပေးထားတဲ့ ကတိအတိုင်း ပဒိုမန်းငြိမ်းမောင်ကို လာရောက်ပို့ဆောင်ပေးတာဖြစ်တယ်” ဟု သတင်းထောက်များကို မဲဆောက်တွင် ပြောကြားခဲ့ပြီး ယနေ့ရောက်ရှိလာသည့် မြန်မာကိုယ်စားလှယ်အဖွဲ့တွင် ပြည်ထောင်စုဝန်ကြီးများဖြစ်သည့် ဦးအောင်မင်း၊ ဦးခင်ရီ အပါအ၀င် အဖွဲ့ဝင် ၇ ဦး ပါရှိသည်။

KNU အဖွဲ့သည် လာမည့် ဧပြီလ ၂ ရက်နေ့မှ စတင်ကာ ၁၀ ရက်နေ့အထိ ရန်ကုန်မြို့တွင် မြန်မာအစိုးရ ကိုယ်စားလှယ်အဖွဲ့နှင့် ပြည်ထောင်စုအဆင့် ငြိမ်းချမ်းရေးဆွေးနွေးမည့် ခရီးစဉ်ရှိပြီး ယနေ့တွင် ဆွေးနွေးပွဲမတိုင်မီ အချို့အချက်အလက်များကို ကြိုတင်ညှိနှိုင်းရန်အတွက် ပြည်ထောင်စုအဆင့် ငြိမ်းချမ်းရေးဆွေးနွေးရေး အဖွဲ့ခေါင်းဆောင် ရထားပို့ဆောင်ရေးဝန်ကြီးဌာန ပြည်ထောင်စုဝန်ကြီး ဦးအောင်မင်း ထိုင်း-မြန်မာနယ်စပ် မဲဆောက်သို့ လာရောက်သည့်ခရီးစဉ်အတွင်း ပဒိုမန်းငြိမ်းမောင်ကို တပါတည်း ခေါ်ဆောင်လာခဲ့ခြင်းဖြစ်သည်။

မြန်မာအစိုးရ ကိုယ်စားလှယ်များနှင့် ပြည်ထောင်စုအဆင့် ငြိမ်းချမ်းရေးဆွေးနွေးရန်အတွက် KNU အဖွဲ့၏ အထွေထွေအတွင်းရေးမှူး နော်စီဖိုးရာစိန် ဦးဆောင်သည့် ၉ ဦးပါ ငြိမ်းချမ်းရေးကိုယ်စားလှယ်အဖွဲ့သည် ရန်ကုန်မြို့သို့ လာမည့် ဧပြီလဆန်း ၂ ရက်နေ့တွင် စတင်ထွက်ခွာမည်ဖြစ်ပြီး ၁၀ ရက်နေ့ တွင် နယ်စပ်သို့ ပြန်လည်ရောက်ရှိလာမည်ဖြစ်ကာ ၎င်းခရီးစဉ်အတွင်း ရန်ကုန်မြို့၌ ဒေါ်အောင်ဆန်းစုကြည်နှင့်လည်းသွားရောက်တွေ့ဆုံမည်ဖြစ်သည်။

ယနေ့ မိခင်အဖွဲ့အစည်းသို့ ပြန်လည်ရောက်ရှိလာသည့် ပဒိုမန်းငြိမ်းမောင်သည် မဆလခေတ် ၁၉၆၉ ခုနှစ်က နိုင်ငံရေးလှုပ်ရှားမှုကြောင့် တသက်တ ကျွန်း ထောင်ဒဏ်ချမှတ်ခံရပြီး ကိုကိုးကျွန်းသို့ ပို့ဆောင်ခြင်းခံရသူလည်းဖြစ်သည်။

ကိုကိုးကျွန်းအကျဉ်းစခန်းမှအခြားအကျဉ်းသားနှစ်ဦးနှင့်အတူ လက်လုပ်လှေဖြင့်ပင်လယ်ပြင်ကို ဖြတ်ပြီး ကျွန်းနှင့် မိုင် ၂၅၀ အကွာရှိ မွန်ပြည်နယ် ရေးမြို့နယ် ကမ်းခြေရှိ ဒူးယားရွာသို့ ရောက်ရှိသွားသော်လည်း ဒူးယားရွာသူကြီးက နယ်မြေခံစစ်တပ်ကို အကြောင်းကြားခဲ့သဖြင့် အဖမ်းခံရကာ အင်းစိန်ထောင်တွင် ထောင်ဒဏ် ၃ နှစ် ချမှတ်ခံရပြီး ၁၉၇၃ ခုနှစ်တွင် ပြန်လည်လွတ်မြောက်လာခဲ့သည်။

အသက် ၇၀ အရွယ်ရှိ ပဒိုမန်းငြိမ်းမောင်သည် ဘ၀တသက်တာတွင် တသက်တကျွန်းပြစ်ဒဏ်ကို ၁၉၆၉ ခုနှစ်တွင် တကြိမ်၊၂၀၁၂ ခုနှစ် မတ် ၁၃ ရက်နေ့တွင် တကြိမ် ချမှတ်ခံရသူလည်းဖြစ်သည်။

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: