ရိုးသားပွင့်လင်းသော ပညာရေးဆီသို့ 


Transparency Education

၂ဝ၁၁-ခု။ နှစ်ကုန်ပိုင်းကာလများဖြစ်သော နိုဝင်ဘာလ၏ ရက်စွဲတော်တော်များများသည် မြန်မာနိုင်ငံ ပညာရေးဝန်ကြီးဌာန၊ အဆင့်မြင့်ပညာဦးစီးဌာန လက်အောက်ရှိ တက္ကသိုလ်၊ ဒီဂရီကောလိပ်အသီးသီး တွင် တာဝန်ထမ်း ဆောင်နေကြသော ဆရာ၊ ဆရာမများ၊ ဝန်ထမ်းများအတွက် စိတ်လှုပ်ရှားရင်ခုန်ဖွယ် ရာ ရက်များဖြစ်နေ ခဲ့သည်။

အကြောင်းမှာ နိုင်ငံတော်အစိုး ရလက်ထက်တွင် ပညာရေးဝန်ကြီး ဌာန၊ အဆင့်မြင့်ပညာ ဦးစီးဌာန၏ ရာထူးတိုးပြောင်းရွှေ့ အမိန့်ကြော်ငြာစာများ၊ ပြောင်းရွှေ့ တာဝန်ထမ်း ဆောင်စေခြင်း အမိန့်ကြော်ငြာ စာများ ဆက်တိုက်ထွက်ရှိလာ သောကြောင့် ဖြစ်သည်။

အမိန့် ကြော်ငြာစာတွင်ပါဝင်သော ဆရာ၊ ဆရာမ များသည်လည်း နိုင်ငံ့ဝန်ထမ်းဖြစ်သည့်အားလျော်စွာ မိမိ တို့တာဝန်ကျရာ နေရာ၊ ဒေသအသီးသီးရှိ တက္ကသိုလ်၊ ဒီဂရီကောလိပ်များသို့ သွားရောက်ကြရန် အတွက် အထုပ်အပိုးပြင်သူ၊ ရထား၊ ကား၊ လေယာဉ်စသော လက်မှတ်များ ရရှိရေး အပြေးအလွှား လိုက်လံဆောင် ရွက်ကြသူများဖြင့် အလုပ်များကုန်ပါ တော့သည်။ ထိုကဲ့သို့ အလုပ်ရှုပ် ပင်ပန်းနေကြ သည့် အချိန်နှင့် တစ်ပြိုင်နက်တည်း ဆိုသလို တက္ကသိုလ် ပညာရေးဝန်ထမ်းများကြားတွင် မကျေနပ် သံများ ထွက်ပေါ်လာတော့သည်။

ထို မကျေနပ်သံ များတွင် ရန်ကုန်ဇာတိ၊ ရန်ကုန်အနေကြာသူ များက ပိုဆိုးသည်။ ဝေးဝေးပြောင်းရသူက နီးနီးပြောင်းရသူကို မကျေနပ်၊ နီးနီးပြောင်းရ သူက လုံးဝ မပြောင်း ရသေးသူကို မကျေနပ်ဖြစ်ပြီး အချင်းချင်း စိတ်ဝမ်းကွဲကာ တိုင်စာများပို့သည်ဟုပင် သတင်းစကားများ ကြားရပါသည်။ လူ့အလို နတ်မလိုက်နိုင် ဆိုသော စကားကဲ့သို့ပင် ပုထုဇဉ်တို့၏ သဘောသည် မိမိလိုဘမပြည့်လျှင် မိမိအခွင့်အရေး မရလျှင် မတရားမှုဟုပြောကြသည်။

ထိုအခါ ဝန်ထမ်းရေးရာ တာဝန်ယူရသော အဆင့်မြင့် ပညာဦးစီးဌာန ရုံးရှိ ညွှန်ကြားသူ၊ စီမံခန့်ခွဲသူ၊ အုပ် ချုပ်သူလူကြီးများနှင့် ဝန်ထမ်းများကို မသမာ မှုလုပ်သည်။ လာဘ်စားသည်ဟု ထင်မြင်စွပ်စွဲလာကြတော့ သည်။ ဝန်ထမ်းစီမံရေးရာ တာဝန်ရှိသူများသည် ထိုကဲ့သို့ မသမာမှုမျိုးကို ကျူးလွန်ချင်မှ ကျူးလွန်ပေမည်။ သို့ပါသော်လည်း ပွင့်လင်းရိုးသားသော မူဝါဒကိုချမှတ်မထားသည့်အတွက် ထင်ယောင်ထင်မှား ဖြစ်ရ ခြင်းဖြစ်သည်။

အကယ်၍သာ အဝေး၊ အနီးတက္ကသိုလ်များကို ရွေးချယ်ပြောင်းရွှေ့စေရာ၌ ဘယ်နည်းဘယ်ပုံဖြင့် လုပ်ကိုင်ဆောင်ရွက်ပါသည်၊ ဘယ်မူဝါဒကို ကျင့်သုံး ပါသည်၊ ဘယ်လို စည်းမျဉ်းထား၍ ဆုံးဖြတ်စေလွှတ်ပါသည်ဆိုသော လုပ်ကိုင်ဆောင်ရွက်မှုများကို ပညာရေးနယ်ပယ် အသီးသီးရှိ ဌာနတိုင်းတွင် သိရှိ နားလည်စေရန် ပွင့်လင်း စွာကြေညာထားသင့်ပါသည်။ ဝန်ထမ်းတိုင်း မသိမနေရ ထားရှိသင့်ပါ သည်။

ထိုသို့ဆိုလျှင် မကျေနပ် ချက်တိုင်စာများ၊   ကောလာဟလ ပြောသံများ ကြားရတော့မည် မဟုတ်ပါ။ ယခုကြားနေရသော မကျေနပ်ချက်များသည် နယ် များသို့ ပြောင်းရွှေ့မှုကို တာဝန်ယူစီစဉ်သည့် လူကြီးများနှင့် အမျိုးတော်၍ နယ်မပို့ ခြင်း၊ လာဘ်စားထား၍ နယ်မပို့ခြင်းဆိုသော အသံများသည် မပွင့် လင်းသော မူဝါဒ၏ ရလဒ်များပင် ဖြစ်သည်။ ထိုနည်းတူစွာပင် သင်ကြားရေးနှင့် စာမေးပွဲကိစ္စရပ်များတွင်လည်း ပွင့်လင်းရိုးသားရန် အလွန်ပင်လိုအပ်ပါ သည်။ တက္ကသိုလ်များ ၏ ဌာနအသီးသီးတွင် ပါမောက္ခ ဌာနမှူးများ က ဝန်ကြီး၏ညွှန်ကြား ချက်ဆိုပြီး အစည်းအဝေးများလုပ်ကြပါသည်။

ထိုအစည်းအဝေးများတွင် ပါမောက္ခဌာနမှူးများက ကျောင်းသားများကို သင်ကြားရေးနှင့်ပတ်သက်၍ မှတ်စုရေးသားပေးပြီး သင်ကြား ရမည်။ စာအုပ် များတွင် လိုင်းတားပေး၍ မသင်ရ။ ကျောင်းသားများတွင် မှတ်စုများ ရှိနေရမည်။ ကျောင်းသား၊ ကျောင်းသူများတွင် မှတ်စုမရှိပါက ဆရာ၊ ဆရာမများ ၏ တာဝန်ဖြစ်သည်။ ကျောင်းသားများ ကျောင်းမတက်ပါကလည်း ဆရာ၊ ဆရာမ၏ တာဝန်ဖြစ်သည်။ အရေးယူခံရမည် ဟုပြောပါသည်။

အစည်းအဝေး တွင်ပြောသော ဤအကြောင်းအရာများသည် စာဖြင့်ညွှန်ကြားထားမှု မရှိပါ။ စာဖြင့် ညွှန်ကြားမှုထွက် မလာသောကြောင့် ပညာရေး ဝန်ကြီး အစည်းအဝေးတွင် မှတ်ယူလာသောသူသည် မည်သို့သဘော ပေါက်၍ မှတ်လာပါသနည်း။ အပြုသဘော၊ အလွတ်သဘော ပြောသည် ကို ညွှန်ကြားချက်ဆိုပြီး မှတ်လာပါသလား။ သို့မဟုတ် ပြောတဲ့လူကပဲ ကိုယ့်စကားကိုယ် တာဝန်မယူ ချင်၍လား။ သို့မဟုတ် အစည်းအဝေးတွင် နားထောင်လာသော ပါမောက္ခများက နားထောင်မှုလွဲပြီး စကားလုံး ကားသွားသလားဆိုတာ မသိရပါ။ စာဖြင့် မညွှန်ကြား၍ အတည်ယူ၍မရပါ။ တက္ကသိုလ် ကျောင်းသား၊ ကျောင်းသူများကို မှတ်စုပေးရမည်ဆိုသည်မှာ ကျောင်းသား၊ ကျောင်းသူများကို ကိုယ့်အား ကိုယ်ကိုးတတ်အောင် လေ့ကျင့် ခိုင်း ရာမရောက်ဘဲ ဆရာကို ဗဟိုထားသောစနစ်ဖြစ်နေပါသည်။

ကျောင်းသား၊ ကျောင်းသူများ ကျောင်းမတက်၍ (၇၅ ရာခိုင်နှုန်း) မပြည့်လျှင် ၄င်းတို့နှင့်ပဲ ဆိုင်ပါသည်။ တက္ကသိုလ်ကျောင်းသား တစ်ယောက်တွင် သူ၏ ကိုယ်ပိုင် ဆုံးဖြတ်ခွင့် သူတို့မှာသာ ရှိပါသည်။ ဆရာ၊ ဆရာမများအနေဖြင့် အိမ်ထိလိုက် ခေါ်ရန်မဖြစ်နိုင်ပါ။ ထို့ကြောင့် ကျွန်တော်တို့ အနေဖြင့် ဤကိစ္စသည် မှန်သလား၊ မှားသလား တကယ်ပဲ ညွှန်ကြား ထားသလား ဆိုတာကို သိရှိရန် လိုက်လံ စုံစမ်းရပါတော့သည်။ ထိုသို့ စုံစမ်းမေးမြန်းသော အခါ ပို၍ ရှုပ်ထွေးကုန်ပါတော့သည်။ တစ်ယောက် တစ်ပေါက်ဖြင့် ထင်တာတွေ ပြောနေ ကြသည်ကိုသာ ကြားနေရပါသည်။ တက္ကသိုလ်ဝင်တန်း စာမေးပွဲနှင့်ပတ်သက်သော ကိစ္စတစ်ခုကို ရေးပြချင်ပါသည်။

နှစ်စဉ်မတ်လတွင် ကျင်းပပြုလုပ်လေ့ရှိသော တက္ကသိုလ်ဝင်တန်းစာမေးပွဲ ဖြေပြီးလျှင် အဖြေလွှာများကို ပြည်နယ်ကြီး၊ တိုင်းဒေသကြီးများနှင့်သက် ဆိုင်သော တက္ကသိုလ်များတွင် စစ်ဆေးရပါသည်။

ဥပမာ- ရန်ကုန်တိုင်း ဒေသကြီးအတွက်ဆိုလျှင် ရန်ကုန် တက္ကသိုလ်နှင့် ဧရာဝတီတိုင်း ဒေသကြီးတွက်ဆိုလျှင် ပုသိမ်တက္ကသိုလ်တို့က တာဝန်ယူ စစ်ဆေး ပေးရပါသည်။ သို့သော် ဘာသာရပ်တိုင်းလိုလိုပင် အဖြေလွှာများ စစ်ဆေးပေးပြီး အောင်စာရင်းထုတ်ပြန်ပြီးသည့် တိုင်အောင် မည်သို့မည်ပုံ အမှတ်ပေးသည်။

အမှတ်ပေးစည်းမျဉ်းများနှင့် စာမေးပွဲဖြေဆိုခဲ့သော ကျောင်းသားများ၏ အားနည်းချက်၊ အားသာချက်များ၊ စာမေးပွဲစစ်ရာတွင် တွေ့ကြုံရသော အခက် အခဲများ စသည်တို့ကို အကြံပေးသောစာများကို အခြေခံကျောင်း အသီးသီးနှင့် ကျောင်းသူကျောင်းသားများထံသို့ ပွင့်လင်း ရိုးသားစွာ ထုတ်ဖော်ပြော ကြားခြင်းမရှိပါ။ ထိုကဲ့သို့မထုတ်ဖော်သောကြောင့် တစ်နိုင်ငံလုံးတွင်ရှိသော အခြေခံကျောင်းအားလုံးမှ အထက်တန်းပြဆရာ၊ ဆရာမအားလုံးအနေဖြင့် မသိရှိနိုင်ပါ။ တချို့သော နယ်ကျောင်းများတွင် လိုအပ်နေသော ဘာသာရပ်များကို ပြေလည်အောင် ဝင်ရောက်တာဝန်ယူနေရသော ဆရာ၊ ဆရာမများ မှာ ရရှိသောဘွဲ့နှင့်သင်ကြားရသော ဘာသာရပ် တခြားစီဖြစ်နေပြီး အမှတ်ပေးစည်းမျဉ်း မည်သို့ရှိသည်ကို မသိရသောကြောင့် မှန်းဆ၍သာ သင်နေရ ပါသည်။ ထို့အတွက် ကျောင်းသားများတွင် အလွန်ပင် နစ်နာကြရ သလို တိုင်းပြည်အတွက်လည်း အလွန်ပင် နစ်နာပါသည်။

သင်တန်းမဟုတ်သော Seminar နှင့် ဟောပြောပွဲများအကြောင်းကိုလည်း ပြောပြချင်ပါသည်။

ဥပမာ- ရန်ကုန်တက္ကသိုလ်တွင် တာဝန်ထမ်းဆောင်နေသောဆရာ၊ ဆရာမများသည်ခွင့်ပြုချက်မရဘဲတခြားတက္ကသိုလ်၊ ကောလိပ်များတွင် ဟောပြော ပို့ ချခြင်း Seminar ပေးခြင်းများ မပြုလုပ်ရပါ။ ရန်ကုန်တက္ကသိုလ် ဌာနအသီးသီးတွင် ဌာနမှူးများက ပြောကြားခဲ့ပါသည်။

အခြားတက္ကသိုလ်၊ ကောလိပ်များတွင် Seminar လုပ်ပါက ပါမောက္ခ ဌာနမှူးထံသို့ စာတင်ရပါမည်။ အထက်မှခွင့်ပြုမိန့်ကျမှသာလျှင် Seminar လုပ်ရ ပါမည်။ ဤအမိန့်ကို ဆရာ၊ ဆရာမအားလုံးက ဝမ်းနည်း အံ့သြမိကြပါသည်။

Seminar ပေးခြင်း၊ဟောပြောပွဲလုပ်ခြင်းသည် အသိဥာဏ်ဖလှယ်ခြင်းဖြစ်ပါသည်။ တခြားနိုင်ငံ၌သွားရောက်ပြုလုပ်ခြင်း မဟုတ်သောကြောင့် ဦးနှောက် ယိုစီးသည့် ကိစ္စလည်း မဖြစ်နိုင်ပါ။ ကိုယ့်တိုင်းပြည်၊ ကိုယ့်လူမျိုးများ ၊ ကိုယ့်နိုင်ငံရှိ ကျောင်းသား၊ ကျောင်းသူများ ဖွံ့ဖြိုးတိုးတက်ရန်သာ ဖြစ် ပါသည်။ ဒါကို ဘာဖြစ်လို့ ပိတ်ပင် ရပါသနည်း။ ဘာကြောင့် လွယ်လင့်တကူ မပေးရပါသနည်း။ အမှန်တကယ်ဆိုလျှင် Seminar လုပ်ရန်အတွက် ပိုမိုလွယ်ကူ အဆင်ပြေချော မွေ့စေရန် အထက်မှပိုပြီး ကူညီ ဆောင်ရွက်ပေးရမည် ဖြစ်ပါသည်။ ဘာကြောင့် ပိတ်ပင်ရပါသနည်း။

ဒီကိစ္စက အမှန်တကယ်ပဲ ဝန်ကြီးဆီမှလာသောညွှန်ကြားချက် ဟုတ်ပါရဲ့လား။ ဌာနမှူး များ၏ နှုတ်မိန့်သာဖြစ်ပါသည်။ အမှန်တကယ် အမိန့်ပေးသည် ဆိုလျှင် စာဖြင့်ပေဖြင့် ဖော်ပြရပါမည်။ အခြားတက္ကသိုလ် ကျောင်းများတွင် Seminar လိုက် ပေးခြင်းကြောင့် မည်သည့်ဆိုးကျိုးများ၊ အခက်အခဲများ ၊ ပြဿနာများကို ဖြစ်စေသောကြောင့် Seminar ပေးခြင်းကို တားမြစ်ပါသည်ဆိုသောအကြောင်းပြချက် တစ်စုံတစ်ရာဖော်ပြခြင်းမရှိပါ။

ဤအကြောင်းများသည် သုတေသနလုပ်နေသော ဆရာ၊ ဆရာမများ၏ တက်ကြွနေသော စိတ်ဓာတ်များကို ရိုက်ချိုးခြင်းသာ ဖြစ်ပါသည်။   ဤကဲ့သို့ ပါမောက္ခချုပ်များ၊ ပါမောက္ခဌာနမှူးများနှင့်ပြုလုပ်သော အဆင့်မြင့်ပညာ အစည်းအဝေးများတွင် အစည်းအဝေးနှင့် ပတ်သက် သောဆုံးဖြတ်ချက်များ ကို   အောက်ခြေအထိ တိုင်စာဖြင့်မညွှန်ကြားပါက အစည်းအဝေးတက်ရောက်သော ပါမောက္ခချုပ်များ၊ ပါမောက္ခများမှတစ်ဆင့်  ပြန်လည်ပြောကြား မှုဖြင့်သာ အောက်ခြေမှ ဆရာ၊ဆရာမနှင့်ဝန်ထမ်းများကဖော်ဆောင်ရပါလျှင်၊ အစည်းအဝေးတက်သူများက နားလည်မှုလွဲ၍ အမှားကိုမှတ်ပြီး ပြန်ပြော လျှင် အမှားများကိုသာ အကောင်အထည်ဖော်မိနေမည်သာ ဖြစ်ပါသည်။ ထိုသို့ဆိုလျှင် တိုင်းပြည်နစ်နာရသလို တစ်ဦးနှင့်တစ်ဦးယုံကြည်မှုများ နည်း ပါးမည်ဖြစ်ပြီး မသမာမှုကိုလည်း အားပေးရာရောက်နေပါသည်။

ရိုးသားပွင့်လင်းမှုမရှိလျှင် တိုင်းပြည်၏ ပညာရေး မြင့်မားရန်အတွက် လုပ်ဆောင်မှု သည် နှောင့်နှေးကြန့်ကြာသွားမည်ဖြစ်သလို ဒီမိုကရေစီပန်းတိုင်သို့ တက်လှမ်းနေသော နိုင်ငံတော်အစိုးရသစ်၏ ရည်မှန်းချက်ကို နှောင့်ယှက်သလို ဖြစ်နေပါသောကြောင့် တိုင်းပြည်ပညာရေးကို တိုးတက်ထွန်း ကားရန် အတွက် အကောင်အထည်ဖော်နေကြသော နိုင်ငံ့ခေါင်းဆောင်များနှင့် ပညာရေးလောကသား ဆရာ၊ ဆရာမအားလုံး တို့သည် ရိုးသားပွင့်လင်း၍ အမှန် တရားကို လက်ကိုင် ထားပြီး တိုင်းပြည်ပညာရေး မြင့်မားတိုးတက်အောင် ဆောင်ရွက်ပေးကြပါရန် မေတ္တာရှေ့ထား တိုက်တွန်းနှိုးဆော်လိုက်ရပါသည်။

ဒေါက်တာကျော်သန်းမိုး
(ရန်ကုန်တက္ကသိုလ်)

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: