ဓာတ်ငွေ့ပိုက်လိုင်းတစ်လျှောက် ကျောက်ဖြူရှိ လယ်သမားများ စိုက်ပျိုးရန်ခက်ခဲဟုဆို



ပိုက်လိုင်းအတွက် တူးဖော်ရာမှ ထွက်လာသော မြေစာများ ဖုံးနေသည့် လယ်ယာမြေများအား ကြည့်ရှုနေသော စည်မော် ကျေးရွာမှဒေသခံတချို့။
ဓာတ်ပုံ-ဂျူးလိယက်

သဘာဝဓာတ်ငွေ့ပိုက်လိုင်းအတွက် တူးဖော်ရာမှထွက်လာသော မြေစာ ကျန်ရှိမှုများကြောင့် ရခိုင်ပြည်နယ်၊ ကျောက်ဖြူမြို့နယ်အတွင်းရှိ ပိုက်လိုင်း အနီးဝန်းကျင်မှ လယ်ယာမြေများ စိုက်ပျိုးရန် အခက်အခဲ ရှိနေကြောင်း ကျောက်ဖြူမြို့နယ်မှ ဒေသခံလယ်သမားများက ပြောသည်။

“ပိုက်လိုင်းဖြတ်သွားတဲ့နားမှာ လယ်က သုံးဧကလောက်ရှိတယ်။ တောင်ကြားထဲမှာ။ အခု ပိုက်လုံးမြှုပ်ပြီးတဲ့အခါ ကျန်ခဲ့တဲ့မြေတွေက တာပေါင် လိုဖြစ်နေတော့ တောင်ကြားမှာ အထက်ဘက်က ကျန်တဲ့ လယ်ကွင်းတွေက ရေကန်လိုဖြစ်နေပြီး လုပ်စားလို့မရဘူး။

ပိုက်လိုင်း လျော်ကြေးက ဧက၀က် စာလောက်ရထားတယ်။ အစက ပေ ၆၀ လောက်ပြောပေမယ့် တူးတဲ့မြေတွေ ဖို့ချတာကြောင့် ပါသွားတာက ပေ ၁၀၀ ကျော်လောက်ဖြစ်နေတယ်။ ဧက၀က်မကတော့ဘူး။

မြေစာတွေ ကြောင့် အောက်ဘက်(အနိမ့်ဘက်) ကလယ်တွေလည်း မစိုက်ရ” ဟု ကျောက်ဖြူမြို့နယ်၊ စစ်တောကျေးရွာအုပ်စု၊ စည်မော်ကျေးရွာမှ လယ်စိုက်ပျိုး သူ ဒေါ်လှအေးက ပြောသည်။ မိုးရွာလာသည်နှင့်အမျှ လယ်ကွင်းများတွင် ဖုံးနေသော မြေစာများအား ဖယ်ရှားရန် အခက်အခဲရှိ လာနိုင်ကြောင်း စည်မော်ရွာမှ တောင်သူ ဦးအောင်စံကျော်က ပြောသည်။

“ကျွန်တော့ လယ်ကွက်ထဲက အစကတော့ အလျား ပေ ၁၀၀၊ အနံ ပေ ၆၀ လောက် ပါသွားတယ်။ ပိုက်လိုင်းတူးလိုက်တဲ့အခါ ဘေးမှာ မြေပုံပစ်လိုက် တာနဲ့ အခုအနံကလည်း ပေ ၁၀၀ လောက် ဖြစ်နေတယ်။ အခုမြေစာက ကန်သင်းရိုး ကိုကျော်တက်နေပြီး လယ်ထဲကိုလည်း ဖို့နေတယ်။ ရွှံ့ဖုံးနေ တဲ့မြေမှာ စပါးကတော့ မအောင်နိုင်” ဟု စည်မော်ကျေးရွာ မှ တောင်သူ ဦးအောင်စံကျော်က ပြောသည်။

မိုးရွာလာသည်နှင့်အမျှ လယ်ကွင်းများထဲမှ မြေစာများကို စက်ယန္တရားများဖြင့် ရှင်းလင်းဖယ်ရှားရန် အခက်အခဲရှိကြောင်း ၎င်းက ပြောသည်။

“လယ်တွေမှာ ကျနေတဲ့ မြေစာတွေကို သူတို့စက်ယန္တရားတွေနဲ့ နည်းနည်း လောက်ရှင်းပေးဖို့ သွားပြောသေးတယ်။ လုပ်ပေးမယ်လို့ ပြောပေမယ့် ခုထိတော့ မလုပ်သေးဘူး။ မိုးရွာသွားရင် ဘက်ဖိုးက သွားလို့မရ၊ မြေစာလည်းကောက်လို့မရတော့ဘူး။ လျော်ကြေး ပေးတဲ့ မြို့နယ် မယကရုံးက မန်နေဂျာဆိုတဲ့သူ ပြောတာက သတ်မှတ်ထားတာထက် မြေကို တစ်လက်မလည်း အပိုမယူပါ။ ပိုရင်လည်း လျော်ကြေးထပ်ပေးပါမယ်လို့ ပြောပါတယ်။ ပိုက်လိုင်းကို မြေဖို့ပြီးရင်လည်း ဦးလေးတို့လယ်စိုက်လို့ရပါတယ်လို့ ပြောပါတယ်။

အခု မြေတွေက သူတို့ ကြိုးတိုင်းထားတာထက် အများကြီး ကျော်ထွက်နေတယ်” ဟု ၎င်းက ပြောသည်။

“လမ်းနဲ့ပိုက်လိုင်းက ကျွန်တော့ ယောက္ခမလယ် သုံးဧကအလယ်ကို ဖြတ်သွားတယ်။ တစ်ဧကက လမ်းနဲ့တည့် တည့်ကျလို့ လျော်ကြေး ရတယ်။

ဘေးမှာ တစ်ဧကလောက်စီ ကျန်တယ်။ သူတို့က ပိုက်လိုင်းတူးတော့ မြေစာတွေကချ၊ ပြန်ယူနဲ့ ကန်သင်း တွေလည်း အားလုံး ပျက်ကုန်တာပေါ့။ ရေ မရှိရင် ဒီလယ်ဘယ်လို လုပ်မလဲ။

ပြန်လုပ်ရင်ငွေရော၊ အချိန်ရော အများကြီးကုန်ဦးမယ်။ မြေစာတွေယူတာလည်း မစင်တော့ စပါးလည်းကောင်းတော့ မှာမဟုတ်ဘူး”ဟု ပျားတဲ ကျေးရွာ မှ ဦးကျောက်သီးက ပြောသည်။

မိုးများလာသည်နှင့်အမျှ ပိုက်လိုင်းတူး ဖော်ရာမှထွက်လာသော မြေစာများကြောင့် လျော်ကြေးမရရှိထားသော ပိုက်လိုင်းအနီး ၀န်းကျင်ရှိ လယ်မြေ များ မြေဆီလွှာပျက်စီးမှု အခြေအနေစိုးရိမ်နေရကြောင်း နှမ်းဖဲတောင်ကျေးရွာမှ တောင်သူများက မေလ ၂၂ ရက်နေ့တွင် ပြောသည်။

“အရင်က ၆၆ ပေ ပဲယူမယ်။ အဲဒီထက် မြေတစ်မှုန့်မှ မကျစေရဘူးဆိုပြီး အခု မြေစာတွေပုံထားတာ ပေ ၄၀ လောက် ပိုနေတယ်။ အခု လယ်စိုက် ဖို့အချိန်က ရောက်နေပြီ။ အခု မိုးရာသီရောက်လာတော့ လယ်ထွန်ရတော့မယ်။ လယ်တွေမှာ ပုံနေတဲ့မြေစာတွေကို ပိုက်လိုင်းလာ လုပ်တဲ့သူတွေက တွန်းလည်းမချ။အပုံ အပုံတွေ လုပ်ထားတယ်။ ဒီမြေစာတွေ က စိုက်ပျိုးတဲ့အခါမှာ အများကြီး အနှောင့်အယှက်ဖြစ်ဖို့။ မိုးထန်လာလေ တောင်ပေါ် ကရေဆင်းလာရင် မြေစာတွေက ကျိုးကျိုးပြီးပါသွားပြီး အောက်က လယ်တွေကို အားလုံးဖို့ပစ်လိုက်ဖို့။

ကျောက်စရစ်တွေနဲ့ အားလုံးဖုံးသွားရင် ကျွန်တော်တို့ လယ်တွေ လုပ်စားလို့မရပါ။ ဒီလိုနဲ့ အားလုံးဆုံးရှုံးသွားဖို့ ဖြစ်နေတယ်” ဟု နှမ်းဖဲတောင်ကျေး ရွာမှ ဦးလှရွှေက ပြောသည်။

တူးထုတ်ထားသော မြေစာများတွင် ကျောက်ခဲများ၊ မြေအမျိုးအစားအမျိုးမျိုး ပါဝင်သည့်အတွက် မြေစာဖုံးလွှမ်းနေ သောမြေများတွင် ထွန်ယက် စိုက်ပျိုးရန် ခက်ခဲကြောင်း ၎င်းကပြောသည်။

“နဂိုမြေမှာက နွားချေးဆွေး၊ မြေဆွေး တွေနဲ့ မြေဆီဖြစ်နေတယ်။ တူးလိုက်တဲ့ မြေမှာ ကျောက်ခဲရော၊ အောက်ကမြေနီ မြေ၀ါ၊ အချဉ်ဓာတ်၊ ဆား ဓာတ်ပေါက်တဲ့ မြေရော အားလုံးရောနေတဲ့အတွက် မြေဆီအရည်အသွေးက ကျသွားတယ်။ဖို့လာတဲ့ မြေစာ တွေထဲမှာ နွားကလည်း သွားလို့ မရ။

မြေက ဖို့လိုက်တဲ့အတွက် မြေစောင်းသွားတော့ ရေလည်းမညီတဲ့အတွက် အပင်လည်း မရှင် သန်နိုင်ဘူး” ဟု ဦးလှရွှေက ပြောသည်။

အေးစပယ်ဖြူ
မြန်မာ့တိုင်း(မ်း)အတွဲ ၂၉ ၊ အမှတ် ၅၇၁ (၁ – ၇ ၊ ၆ ၊ ၂၀၁၂)

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: